مساعده

[المقدام]

السلام عليكم ورحمه الله وبركاته ...

انا اشتريت جوز كروان من رجال ينتج عنده الكروانات يوم اشتريتهم لاحظت ان الانثى هاديه واليوم الثاني فجأة صارت تصفر وتطير في القفص طبعا القفص (كبير نسبيا )وتاكل وتروح وتجي استغربت هذا الامر وبغيت استفسر

سؤال ثاني هل لازم البياضة خشبيه لاني افكر احط كرتون مقوى والسوق مهوب قريب مني

اتمنى الرد..

[المقدام]

وينكم يالخبراء ؟؟؟!!

[The male nurse]

حركة الانثى داخل القفص امر طبيعي ويدل ان صحتها جيدة

في البداية طبيعي يكون الطير خامل نوعاً ما لان المكان جديد علية

لكن بعد التعود يرجع الى حركتة الطبيعية

وبالنسبة للعش ضروري يكون خشب حتى المجاثم لابد تكون خشبية

لمحاكاة الطبيعة وحتى تنجح في انتاج الكروان

اما الكرتون لا انصح به ابداً

راح يمتص الرطوبة و الفضلات ويطلع ريحة ويجذب الحشرات

اشتري بياضة حجم كبير واهم شي تحط بداخلها نشارة خشب

حتى يرتاح فيها الكروان وتتسع للفروخ بالمستقبل
--

بالتوفيق

[المقدام]

يعطيك العافيه

طيب وش هي المجاثم ؟^_^

ما اعرفها

وهل طبيعي ان الانثى تطرد الذكر من عند الاكل اذا هي بتاكل؟؟

[المقدام]

وهل ينفع احط بياضه بدون سقف ؟؟

يعني مفتوحه من فوق

[The male nurse]

المجاثم هي العصا اللي بيوقف عليها الطير بالقفص

لا طبعاً لازم تكون البياضة مظلمة يعني مغلقة من كل النواحي

تلقاها جاهزة بالمحلات

اما بالنسبة لطرد الانثى للذكر تحصل احياناً لكن يجب عليك التاكد انهم فعلاً زوج (ذكر و انثى)
--

موفق

[المقدام]

الله يعافيك ماقصرت