التحضير الصحيح للأم الحآمل (أرجو التثبيت)

[Brock L]

طبعا كثرت المواضيع بخصوص تربية الهامستر الحامل وشنو اوكلها

بعضكم قال جبن
وبعضكم قال حليب
وبعضكم قال بياض بيض

اختلفت الآراء

بس شنو الصح ؟
مو كلامي .. كلام خبراء

طبعا حتى اوضح السالفه اكثر احنا عندنا النفاس نعطيها ( قبوط ) مادري شتسمونه انتوا بس اكله كويتية وحتى لمن تكون حامل لازم تتغذى اكثر وتاكل بعض الشغلات وسوالف هالحريم
مو عشانها كثر ماهو عشان الجنين الي ابطنها لازم يتغذى اكثر وياكل من الكل الي اهيه تاكله عن طريق المشيمة وهذا معروف

كلنا نبي هامستراتنا الحامل يولدون وما ياكلون عيالهم بسبب التشوه والضعف وإلخ .. ترا التشوه له اسباب عديدة مالها دخل بالتغذيه لكن يكون الغذاء احد هالاسباب ( الغذاء الصحيح ) والضعف وارد بنسبة 99.9% بسبب التغذية (غير الصحيحة أو غير السليمة )

الحين كل الي علينا نحضر الشغلات التالية :
1- حليب مبستر (خالي الدسم )
2- بيض مفيوح ( مسلوق )
3- خبر التوست بدون الاطراف أو الصمون من النص < انتبهوا على هالنقطه احنا نبي ناخذ الخبر الابيض الي يكون اسفنجي الي ببطن الصمون او التوست مانبي الخبر اليابس المحروق على الاطراف اوكي
4- كلينكس مقوى ( الرول )

...

تحضير الأكل
طبعا راح نسوي نوعين من الأكل


البيض
اولا نفوح بيضة وحده على النار قرابة الـ 5 دقائق حلو .
بعد ما نفوح البيضه نقشرها نحطها تحت الماي ونغشلها ونتأكد انا نظفناها من القشر عدل وغشاء البيضة الابيض الرقيق
وبعد هالعملية نحطها بماي باااارد عساس تبرد شوي وما نخليها اطول وايد ليشنه البيضه بسرعه تبرد
طبعا البيضه تتكون من صفار البيض وبياض البيض وعادتا الصفار يكون بقاعده البيضه جيكوا معاي الرسمة





الرسمة واضحه ( مقطع طولي في البيضة )
الخط الأحمر فوق الي انا راسمه يوضح المكان الي راح نقطعه بالسجين بعد ما نقطع هالمنطقه بالسجين نتأكد خلوها من صفار البيض
وهالمنطقه نسميها قمة البيضة

راح ناخذ هالقمة ونقطعها قطع صغار مثل الرسمة






هالقطع الصغيرة راح نحطها بصحن صغير ويكون جاهز للتقديم للهامستر الحامل لكن ويت ننطر الطبق الثاني
الزايد من بياض البيض وصفار البيض اتمنى انكم تاكلونه وحرام ينقط
البيض مفيد لها بفترة الحمل بشكل كبيييييير
ليش ما عطيناها صفار البيض مجرد بياض البيض صفار البيض مضر جدا للهامستر الحامل وغير الحامل حتى الذكور ومو بس صفار البيض بشكل عام الاكل الهش او الخفيف الي بسرعه يذوب يسبب لهم اسهال هالحيوانات محتاجه اكل جاف او صلب لان خلقتهم جذي سبحان الله
ليش قطعنا بياض البيض قطع صغار وما عطيناها البياض تاكله كله مره وحده
اهوه نفس السبب الي خلاني اقطع القمه فقط مو كل بياض البيض لان هالحيوان ياكل بكميات قليلة وبياض البيض ياكله ما يخزنه ممكن تشوفونه ياكل حبوب وهالشغلات لكن للعلم اهوه يخزنه ما ياكله وشوفوا حجمه وقارنوه بالبيضه !!! حجم البيضه ضخم على انه يكون وجبه خفيفة مو ضخم بس عملاق فما راح تقدر تاكل كل البيض راح تاكل شوية والباجي بيتحلل ويخرب وحتى نسهل عليها اكل البيض بسرعه وما يخرب يكون مقصص وجاهز للأكل على طول


الخبز بالحليب
التحضير سهل جدا
لحد يقولي شوفان لحد يقولي حليب قواطي بودر كلامي واضح بصريح العباره ( حليب مبستر ) تحصلونه بكل مكان فرش مال اليوم ملاحظة لازم يكون خاااااااااالي الدسم لحد يقولي قليل الدسم واخففه ولا كامل الدسم وهم اخففه بالماي نووو وييي
خالي الدسم
انا قاعد اعلمكم الطريقة الصحيحة
ناخذ لها صحن صغار ونصب فيه شوية حليب خالي الدسم شوية بس وانا افضل انكم تخففونه بالماي ولكن انتوا مو ملزومين انا عن نفسي اذا حملت الي عندي بخفف لها الحليب بالماي والماي ما يضر
الحين ناخذ خبر الي عندنا والي نوهت عليه بالبداية

اما التوست
ناخذ شريحة من التوست نقص اطرافه الزايدة وناخذ الخبز الاسفنجي الي بالنص طبعا مو كل الخبز لا نقطع من قطعه او قطعتين مثل ما ذكرت لكم مسبقا هالحيوان ما ياكل وايد




او الصمون
ناخذ قلب الصمون الاسفنجي ونفس الخطوات تقطه منه نتفت خبز اسفنجي أو قطعتين صغار وهذا يكفي


الحين هالقطعه او القطعتين الاسفنجيتين الي قطعناهم نحطهم بصحن الحليب المخفف بالماي < على حسب الرغبه مخفف او غير مخفف
نخلي الخبز يشرب الحليب ونتأكد انه شرب الحليب ما نخليه يطول وايد ليشنه الخبز الاشفنجي بالفعل نفس الاسفنجه بسرعه يسرب السوائل وينتفخ وما نخليه يطول وايد راح يتفتت

الحين نطلع الخبز وخطته فوق كلينكس المطبخ المقوى ( الرول ) نفس هالصورة

مو تحطونه فوق ورقة التنشيف



ومو تحطونه فوق الكلينكس العادي


ليش ما نحطه على ورق التنشيف او الكلينكس العادي ؟
السبب لأن ورق التنشيف مخصص للزيت وما راح يمتص الحليب بشكل كافي وراح نستعين بأكثر من ورقة كذلك ما راح يمتص بالشكل المطلوب
اما بالنسبة للكلينكس العادي هالكلينكس حفيف ورقيق جدا رغم انه مزدوج ( مكون من طبقتين ) بس مع البلل بشكل عام ماي ولا حليب ولا اي شئ يتفتت قطع صغيره واحنا مانبي الكلينكس يلزق على الخبز

افضل شئ الورق المقوى
والطريقه السليمه والصحيحه ناخذ ورقتين من الكلينكس المقوى (الرول )
نحط الورقة الاولى ونحط فوقها قطعه الخبز ونحط فوقها الورقه الثانيه ونضغط عليها ونحاول ننشف الخبزه عدل او ممكن تكون ورقة محده نحط فيها قطعه الخبزه ونطويها لان الخبزه صغيييييره حيل

ملاحظة : الزايد من شريحة التوست او الصمونه ما نقطه حرام نحشية وناكله

الحين التقديم
نقدم بياض البيض المقطع + الخبز المجفف من الحليب
وهذي وجبة الحوامل افضل وجبة للهامستر الحامل


تحذير : وايد قريت منكم سالفة الحليب بقوطي الماي ( المشربة على قولتكم ) انا ما افضل هالشئ ... تدرون ان الحليب ريحته قوية جدا جدا
واعتقد الي جربوا هالشئ شموا ( المشربة ) وشافوا ريحتها كريهه .. عدل كلامي ؟
تبوون بقايا الحليب يترسم بمشربتكم
المشربة مصممه بفتحات دقيقة ممكن يترسب فيها حليب اقل شئ اقل شئ حطوا لها حليب بصحن وخلوها تشرب معني ما افضل هالشئ بتاتا
قدموا لها الي قلت لكم عليه وبس اكتفوا بهالوجبة
من بعد هالمشوار بختمها بجم فيديو يتبع نفس هالنظام الغذائي السليم
وابتعدوا عن سوالف الحليب وكل 3 ساعات نغيره
وصدق قبل كل شئ الاكل مالكم فرش تغيرونه صح ...؟ حطوا شوووية حبوب على قدهم وغيروها لهم كل يوم وحرام تترسون صحن الأكل وتغيرونه واهمه ما ياكلون
عموما انا الحبوب الي عندي مفلوها ومخليها عندهم وما راح اغيرها < ... لا اتغشمر بس بعد ما يخلصون الصحن بتبع النظام اليديد الي احط لهم شوية اكل واغيره ( يوميا )

بخصوص وجبة الحامل اجباريا راخ تغيرون الأكل ليشنه يتحلل مو نفس الحبوب وحتى الخس والخضره وكل هالسوالف يوميا تتغير تنبيه

تابعوا الفيديوز

http://www.youtube.com/watch?v=FYutMROxtBo

http://www.youtube.com/watch?v=pPZYdiIUVzo

http://www.youtube.com/watch?v=Gx4lJhFepRE






منقووول

[abdullh70]

يعطيـــك العافيــه وما قصرت اخوي .

[أحبك توتو]

مشكـوووووووور

[براي]

انا مجرب حليب ونجحت وصار عندي 65 هامستر وبعتهم وخليت 2 هامستر وجابولي يقول خالي 900 ريال سعودي والحليب حليب السعودية قليل الدسم المفروض يكون خالي الدسمبس عادي ما صارلهم شيء مضر ابدا بس مات
واحد عشاني مانظفت القفص قبل الولادة وكانت هاذي اول ولادة