مساعده قبل لا يموت كرواني :(

[da7om]

السلام عليكم ورحمة الله وبركاته

عندي فرخ بعمر 3 أسابيع تقريبا .. ماشاء الله تبارك الله صحة وشهية قويه للاكل

العاده لمن أجي أأكله يستجيب وبقوه زي المجنون ماشاء الله ...

غريته في العصر تقريبا ... وجلس 12 ساعه تقريبا والاكل ما راح من حوصلته
جربت اغره الان لكن ما يستجيب مثل أول

اللي عنده حل لا يتأخر علينا عشان لا يموت ,,,
وشكرا

[sdda7]

اول شي اخوي حطه في مكان دافي لانه مهم الجو ذاليومين بارد والجو البارد معروف يلعب في صحة الببغاوات الاستراليه خصوصا الكروان

افضل مكان

حضانه وتكون حوض سمك فارغ بغطاء

داخل الحضانه وهذي من اختراعاتي قارورة ماء 3 لتر تضع فيها سخان حوض السمك وتلقاه بمحلات السمك الصغير بـ15 ريال الكبير بـ 25 ريال الصغير يكفي حوض مقاسه متر

دبدوب لعبه تحطه لاصق في قارورة الماء ومفرق رجليه عشان الفرخ يجلس بين رجلين الدبدوب ويجيه
الدفى من القاروره اللي فيها السخان مع مراعات ترك مساحه لتحرك الفرخ لعدم ضمور العضلات مستقبلا

هذا بالنسبه لتهيئة الحضانه والجو المناسب (وخبرة اكثر من سنتين مع تعاملي مع فروخ الببغاوات )وراح اضيفلك كم صوره في الرد الجاي للتوضيح.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سوؤال مهم

غذاء الفرخ اللي تستخدمه في التغذيه وش هو ؟؟

اذا كان السيريلاك فانصحك وبشده تخلص منه لانه يحتوي سكريات وغير متوازن بتاتا للطيور ويسبب مع الوقت
احتقان في الحوصله واضطرابات في الامعاء .. (وانا اسميه شخصيا اسرع طريقه تغذيه لتدهور صحة الطائر والوجبه السريعه لشريطية الطيور والقمبله الموقوته للهاوي المبتدئ ).

واكيد انت تلاحض طيور جميع الاعضاء اللي يستخدمون السريلاك في التغذيه الحوصله مليانه مع نحف شديد
في جسم الطائر لدرجة احيانا عضم الصدر يكون حاد كالسكين وهذا دليل على سؤؤ التغذيه تجد صور للاعضاء تؤكد كلامي .

لذالك اغلب الطيور اللي يغذونها سريلاك وتعيش في الغالب تسحب في عمر متأخر وهو عمر شهر حيث يكون ريش الطائر كامل ما عدى منطقة تحت الجناح وايضا تلك الطيور تجدها تعاني مشاكل اختلاف الغذاء وبعضها يصاب بالصدمه مما يسبب نتف الريش مستقبلا تدهور الصحه بشكل مفاجئ الخ ...

اما الطيور اللي تسحب في عمر اسبوعين او اقل تجدها تستقبل الغذاء فتره معينه ثم تبدا الاثار الجانبيه

منها احتقان الحوصله وهي الحاله الاخطر.. (ولا يعيش منها الا اللي كاتبله الله عمر لو توكله حصى )

الحل
ابي اعطيك معلومه علمتني الطيور والاجواز المنتجه تفاصيلها (مهم) (صدقني راقب طيورك وتفحص فروخك بشكل يومي او اسبوعي على الاقل تاخذ خبره من افضل معلم ) ولا تخاف الببغاوات بالذات لو تجننها كل خمس دقايق تشيك عليها وعلى فروخها ما يضرها ابد ابد بالعكس تاخذ عليك وتكون لقافتك امر طبيعي لا تصدق الناس
عط الطيور الامان ولا تزعجها (المقصد من لا تزعجها لا تصيد الطيور تجاهلها واقرب حولها واحتك فيها بدون ما ترهبها بفرض قوتك من حيث الضرب كثرة صيدها الخ ) اما من ناحيت الكشف على الفروخ وتنضيف القفص لو يكون بشكل يومي ما ياثر ابد بالعكس يكون رابط بينك وبين الطيور وتكون الطيور متطمنه من ناحيتك .


فرخ الكروان من عمر يوم الى 4-5 ايام تكون تغذية الاهل حليب الطيور مع بقايا حبوب متحلله

من عمر 6 - الى ينفطم الطير يكون الغذاء معتمد بشكل اساسي على الحبوب مع فارق كمية المياه
بحيث تزيد كمية المياء للفروخ الصغيره وتقل كلما يكبر الطائر بالعمر واليك افضل انواع غذاء فروخ الكروان والكروان بشكل عام ..

1- الدخن
2- الفلارس (حب الكناري)
3- الحب الشمسي
4- البيض المسلوق
5- خس - جرجير


استخدم الحبوب في التغذيه ولا تستخدم غيرها عمر طيرك 14 يوم تقريبا اذا لا تغذيه الا الانواع المذكوره سابقا

تقدر توكله بالملعقه بيدك دايركت اغرف باصابعه وقرب عنده وبياكل وفيه انواع الطرق للتغذيه

الاكل اللي تعطيه للطير يجب ان تكون حرارته = 107 فهرنهايتي اذا برد الاكل شي طبيعي الطير يرفض الاكل
لان الجو بارد لو بالصيف اقول معقوله يتقبل الفرخ

اما في الشتى تكون حرارة الغذا من اهم مسائل تغذية الفروخ

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نجي لاهم نقطه اذا الفرخ عيا لا ياكل الان والاكل ما نزل من الحوصله الحل وهو من تجاربي ومجربه وفعاااال

خذلك تفاحه قصها حلو خذلك ملعقه صغيره حكها في لب التفاحه بيطلع معك عصير تفاح صافي مع لب التفاح
الابيض

مقدار نصف او ربع فنجان تعبيه من لب التفاح وعصيرها

تاخذ حب الكناري (الفلارس ) الحبه الطويله الصفرا اللي داخلها اللب اسمر او بني ) تطحنه بالطاحون مجرد ضغطات ثم تعزل القشر عن اللب وجمعلك وجبة الفرخ

اذا جمعت عصير التفاح اللي بالفنجان تاخذ حب الكناري وتغسله بالشخال ثم تاخذه وتحطه مع عصير التفاح
وتخلطه ثم طال عمرك تحمي الوجبه وتضيف شويييي ماء على الوجبه وتوكل الفرخ عليه بالعافيه وبالهنا والشفا

ولا تنسى مره كل يومين على الاقل عصير تفاح تعطي الفرخ مخلوط مع الوجبه لانه يهضم ويغسل داخل الطير

اي شي انا حاضر انت امر بس
ونحن في خدمة جميع الطيور ذوات الاحتياجات الخاصه.

معليش طولت في الرد

اهم شي لو تحط صورة الفرخ واضحه للحوصله عشان اعلمك كم وجبه تكفيه باليوم واعرف وش فيه

كل الكلام اللي انكتب كرف سنتين تجارب الين وصلت لافضل النتايج المضمونه طبقة وبتدعيلي وانت من نفسك راح تشوف الفرق

الله يشفيه ويعطيك خيره ويكفيك شره

(ملحوس تجارب تربيه وتدريب)
ابو وليد

[<عبود>]

اخوي sdda7 ماقصر افادنا وافاك
معلومات روعة

[sdda7]

هذا يا دحوم نظامي في تربية الطيور

شف النضام خذ منه اللي يناسبك

هذولي وقتهم العام في عز البرد وقت المربعانيه

في ملحق خارجي درجة حرارة الملحق = 16 او 17 درجه

درجة حرارة الحضانه =29 درجه ثابته تنقص درجتين بالكثير بالليل


اذكرو الله يا اخوان العين حق

ماشاء الله تبارك الله

لاحول ولا قوة الا بالله

ساسكي الكبير جوبي الصغير ساكورا الصفرا

كللهم اخوان اول انتاج روز عندي وطلعتهم من عشهم بين الحيات والموت بسبب نوع العش وبرودة الجو وكانو اول انتاج للجوز وما تصرف مثل ما يجب عشان هيك طلعتهم مجبور
لاحض صحة الطيور نضافت الريش وقفة الطير

من طلعتهم الى جا وقت الفطام لم يطب فمهم قطرة سريلاك شف الفرق بين فرخ يتغذا على السريلاك وفرخ ياكل وجبة حبوب من نفس المكونات اللي يختارها الاهل في الغالب لتغذية الفروخ
الفروخ ما اكلو من اهلهم الا كم يوم ومن طلعتهم معد شافو اهلهم ابد

الفروخ مطلعها لحم الصغير كان عمره ايام فقط


ما شاء الله

ما شاء الله

ما شاء الله

ما شاء الله

ما شاء الله

ماشاء الله

لاحول ولا قوة الا بالله

سبحان الله وبحمده سبحان الله العظيم

ما شاء الله

لا اله الا الله

ما شاء الله

ما شاء الله

ما شاء الله

ماشاء الله

ماشاء الله

سبحان الله وبحمده

سبحان الله العظيم

لا اله الا الله محمد رسول الله

ماشاء الله

ماشاء الله

لا اله الا الله

سبحان الله وبحمده

سبحن الله العظيم

ما شاء الله تبارك الله

لا حول ولا قوة الا بالله

ماشاء الله

لا اله الا الله محمد رسول الله

سبحان الله وبحمده

سبحان الله العضيم

سبحن الله وبحمده

سبحان الله العظيم

ماشاء الله

ماشاء الله

لاحول ولا قوةالا بالله

بسم الله ماشاء الله

لا اله الاالله

ماشاء الله

سبحان الله وبحمده

سبحان الله العظيم

ماشاء الله

لاحول ولا قوة الا بالله

ماشاء الله تبارك الرحمن

لا اله الا الله

استغفر الله واتوب اليه

استغفر الله واتوب اليه

استغفر الله واتوب اليه

اللهم صلي وسلم على نبينا محمد عليه افضل الصلاة والتسليم





والحين طال عمرك اذا اعجبك النظام

اهم مسأله في تربية الفروخ هي المواعيديعني سولك جدول
1- اوقات الوجبات
2- اوقات تفريغ الحوصله
3-الوزن

وهذا جزء من جدولهم

الخميس7-1-1431
الجمعه 8-1-1431 عمر الفرخ وقت الاطعام الفتره الاولى وقت اخراج الفتره الاولى اطعام الفتره الثانيه اخراج الفتره الثانيه اطعام الفتره الثالثه اخراج الفتره الثالثه اطعام الفتره الرابعه اخراج الفتره الرابعه وزن الفراخ وزنه بعد الاكل ملاحظات اليوم
الكبير 18 day 04:30 ص 10:00 ص 01:00 م 05:30 م 06:00 م 12:00 ص 12:30 ص 06:30 ص 20g ــــــــــــــــــــ طبيعي
الصفرا 17 day 04:30 ص 10:00 ص 01:00 م 05:30 م 06:00 م 12:00 ص 12:30 ص 06:30 ص 17g ــــــــــــــــــــ طبيعي
الصغير 16 day 04:30 ص 10:00 ص 01:00 م 05:30 م 06:00 م 12:00 ص 12:30 ص 06:30 ص 14g ــــــــــــــــــــ طبيعي

السبت 9-1-1431
الكبير 19 day 07:30 12:00 م 12:30 م 06:00 م 06:30 م 03:30 ص لم يتم ـــــــــــــــــــــ 23g ــــــــــــــــــــ الهضم جيد جدا
الصفرا 18 day 07:30 ص 12:00 م 12:30 م 06:00 م 07:00 م 04:00 ص لم يتم ـــــــــــــــــــــ 20g ــــــــــــــــــــ هل تواجه مشاكل في الحوصله او انا زايد الجرعه
الصغير 17day 07:30 ص 12:00 م 12:30 م 06:00 م 06:30 م 03:30 ص لم يتم ـــــــــــــــــــــ 17g ــــــــــــــــــــ الهضم جيد جدا

الاحد 10-1-1431
الكبير 20 day 06:30 ص 12:30 م 02:30 م 06:30 م 12:30 ص 04:00 ص تم الغاء الفتره ـــــــــــــــــــــ 25g ـــــــــــــــــــــ الهضم ممتاز والنشاط جيد جدا
الصفرا 19 day 06:30 ص 01:00 م 02:30 م 07:00 م 12:30 ص 03:30 ص تم الغاء الفتره ـــــــــــــــــــــ 22g ــــــــــــــــــــ تغاني خمول وعسر هضم تحت الملاحضه
الصغير 18 day 06:30 ص 12:30 م 02:30 م 06:30 م 12:30 ص 03:30 ص تم الغاء الفتره ـــــــــــــــــــــ 18g ــــــــــــــــــــ هل يعاني من ضعف في النمو ونقص في القيمه الغذائيه
02:30 م
الاثنين 11-1-1431
الكبير 21 day 08:30 ص 12:00 م 12:30 م 07:00 م 08:00 م 02:30 ص ــــــــــــــــــــــ ــــــــــــــــــــــ 26g ــــــــــــــــــــ يا حبيله نشيط وذكي ومميز وصحته تمام
الصفرا 20 day 08:30 ص 12:00 م 12:30 م 07:00 م 08:00 م 02:30 ص ــــــــــــــــــــــ ــــــــــــــــــــــ 23g ــــــــــــــــــــ صار البلا في الابره ونوع الاكل تم الغاء kiki
الصغير 19 day 08:30 ص 12:00 م 12:30 م 07:00 م 08:00 م 02:30 ص ــــــــــــــــــــــ ــــــــــــــــــــــ 19g ــــــــــــــــــــ صار البلا في الابره ونوع الاكل تم الغاء kiki

الثلاثاء 12-1-1431
الكبير 22 day 06:00 ص 10:00 ص 12:30 م 05:00 م 07:00 م 01:00 ص ــــــــــــــــــــــ ــــــــــــــــــــــ 27g ــــــــــــــــــــ ما عليه كلام ذكي ومميز طالع على كروكودايل
الصفراء 21 day 06:00 ص 10:00 ص 12:30 م 05:00 م 07:00 م 01:00 ص ــــــــــــــــــــــ ــــــــــــــــــــــ 24g ــــــــــــــــــــ تحسنت واجد من غيرت الاكل
الصغير 20 day 06:00 ص 10:00 ص 12:30 م 05:00 م 07:00 م 01:00 ص ــــــــــــــــــــــ ــــــــــــــــــــــ 20g ــــــــــــــــــــ مجنون ومرجوج ومهستر تتعب اذا بتوصف هالفرخ

الاربعاء 13-1-1431
الكبير 23 day 08:00 ص 12:00 م 03:00 م 08:10 م 08:30 م 12:30 ص ــــــــــــــــــــــ ــــــــــــــــــــــ 29g ــــــــــــــــــــ لا ملاحضات الوضع طبيعي
الصفرا 22day 08:00 ص 12:00 م 03:00 م 08:10 م 08:30 م 12:30 ص ــــــــــــــــــــــ ــــــــــــــــــــــ 26g ــــــــــــــــــــ الوضع طبيعي
الصغير 21 day 08:00 ص 12:00 م 03:00 م 08:10 م 08:30 م 12:30 ص ــــــــــــــــــــــ ــــــــــــــــــــــ 22g ــــــــــــــــــــ الوضع طبيعي

الخميس 14-1-1431
الكبير(ساسكي) 24 day 08:00 ص 01:00 م 02:00 م 07:00 م 07:30 م 12:30 ص ــــــــــــــــــــــ ــــــــــــــــــــــ 32g ــــــــــــــــــــــ بدا يريش
الصفرا(ساكورا) 23 day 08:00 ص 01:00 م 02:00 م 07:00 م 07:30 م 12:30 ص ــــــــــــــــــــــ ــــــــــــــــــــــ 29g ــــــــــــــــــــــ سمسم ساسكي
الصغير(جوبي) 22 day 08:00 ص 01:00 م 02:00 م 07:00 م 07:30 م 12:30 ص ــــــــــــــــــــــ ــــــــــــــــــــــ 25g ــــــــــــــــــــــ طلع الفرو

الجمعه 15-1-1431
الكبير (ساسكي) 25day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 36g ــــــــــــــــــــــ الوزن تمام والصحه تمام
الصفرا (ساكورا) 24day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 32g ــــــــــــــــــــــ زي اخوها
الصغير (جوبي) 23 day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 28g ــــــــــــــــــــــ ياحليله طلعت الدبابيس

السبت 16-1-1431
الكبير(ساسكي) 26day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 39g ــــــــــــــــــــــ ممتاز
الصفرا(ساكورا) 25day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 35g ــــــــــــــــــــــ ممتاز
الصغير (جوبي) 24day 07:30 ص 12:00 م 12:30 م 05:30 م 06:00 م 12:30 ص ــــــــــــــــــــــ ــــــــــــــــــــــ 31g ــــــــــــــــــــــ بدايريش

الاحد 17-1-1431
الكبير (ساسكي) 27day 08:00 ص 12:00 م 01:00 م 06:30 م 07:00 م 01:00 ص ــــــــــــــــــــــ ــــــــــــــــــــــ 43g ــــــــــــــــــــــ ممتاز
الصفرا (ساكورا) 26day 08:00 ص 12:00 م 01:00 م 06:30 م 07:00 م 01:00 ص ــــــــــــــــــــــ ــــــــــــــــــــــ 39g ــــــــــــــــــــــ ممتاز
الصغير (جوبي) 25day 08:00 ص 12:00 م 01:00 م 06:30 م 07:00 م 01:00 ص ــــــــــــــــــــــ ــــــــــــــــــــــ 35g ــــــــــــــــــــــ ريش الوليد

الاثنين 18-1-1431
ساسكي 28day 07:30 ص 12:00 م 01:00 م 06:30 م 07:00 م 12:30 ص ــــــــــــــــــــــ ــــــــــــــــــــــ 47g ــــــــــــــــــــــ اول مره يتشمس
ساكورا 27day 07:30 ص 12:00 م 01:00 م 06:30 م 07:00 م 12:30 ص ــــــــــــــــــــــ ــــــــــــــــــــــ 43g ــــــــــــــــــــــ اول مره تتشمس والحاله ممتازه
جوبي 26day 07:30 ص 12:00 م 01:00 م 06:30 م 07:00 م 12:30 ص ــــــــــــــــــــــ ــــــــــــــــــــــ 39g ــــــــــــــــــــــ ياحليله ما قوا يفتح في الشمس زبن تحت الدب

[ستريفي]

الله يساعدك اخي da7om والاخ sdda7 ما قصر

اخي sdda7 الحوض صاير غرفة عناية مركزة هههه بس موضوعك حميل جدا ومفيد
ومشاء الله تبارك وخوش طيور عندك قمه الجمال

[عاشق الكوكتيييل]

بصرااحة ما صقر الأخ sdda7 افادك بكل شيء

وبما انك تقول ان الفرخ حوصلتة ممتلئة فهو شبعان وكيد لن يقبل على الاكل لانه شبعان وبصراحة لا ازيد على كلام اخي sdda7 شيء

لك أجمل تحية

[احب الهرره]

ماشاء الله عليك اخوي سداح

مفروض تسوي موضوع عشان ذا الرد

[da7om]

أخوي سداح .. أسمح لي أقول لكـ أنك منسم ومو صاحي
(أقصد في تجاربكـ واللي تسويه )

يعطيك العافيه .. والله ما قصرت .. جاوبت ع سؤالي وأفدتني في مواضيع ثانيه ...

بالنسبه للأكل اللي أعطيه إياه ..
من أِشتريته وعمره اسبوعين تقريبا كنت أعطيهم خلطة عندي مكونه من ( قمح , عدس , فول , حمص )
وماشاء الله إستجابته للابره جدا قويه ..
وبصراحه أعطيه أبره 5 ملم وزياده شوي وهو يطلب زياده لكن ما أعطيه خوفا عليه من الزياده ... ما أدري تكفيه ولا لأ مع أن الحوصله مليانه ..
الفرخ كان صوته عالي أول وامس صار يوصوص ع خفييف .. ولكن الان رجع صوته ... ان شاء الله يرجع لحالته

بالنسبه للاكل اللي اعطيه تشوف أنه مفيد له ؟؟
السيريلاك أنا ما أعطيته بصراحه ... لكن لمن اشتريته كانت حالته جدا صعبه ومع هالخلطه أتحسن كثير ماشاء الله ...
وأنا افكر اضرب له حب البادجي فالخلاط وأأكله .. الا اذا كان يسبب له مشاكل ..

نرجع للحضانه ... فكره مره روعه بالذات أنها في البوكس الزجاجي عشان تشوفهم وتراقبهم ...
ع العموم دخلت فكرت الحضانه فراسي وشكلها بتتطبق قريب ...

صار جدل بيني وبين الوالده .. تقولي لازم تشربه مويه وأنا بصراحه أعتمد ع المويه اللي فالخلطه .. هل الفروخ تحتاج مويه .. يعني نشربها مويه صافي ولا يكفيها اللي فالخلطه ؟

وبعدين أخوي دام عندك شغلات مفيده وتجارب حلوه ليش ماتنزلها للاعضاء ونستفيد .. ذبحنا المنقول

يعطيك العافيه

[sdda7]

المشاركة الأصلية كتبت بواسطة da7om

أخوي سداح .. أسمح لي أقول لكـ أنك منسم ومو صاحي
(أقصد في تجاربكـ واللي تسويه )

يعطيك العافيه .. والله ما قصرت .. جاوبت ع سؤالي وأفدتني في مواضيع ثانيه ...
الله يقدرني على افادتك وينفعك باللي اقدر عليه
بالنسبه للأكل اللي أعطيه إياه ..
من أِشتريته وعمره اسبوعين تقريبا كنت أعطيهم خلطة عندي مكونه من ( قمح , عدس , فول , حمص )
وماشاء الله إستجابته للابره جدا قويه ..
وبصراحه أعطيه أبره 5 ملم وزياده شوي وهو يطلب زياده لكن ما أعطيه خوفا عليه من الزياده ... ما أدري تكفيه ولا لأ مع أن الحوصله مليانه ..

بصراحه ابو محمد ( لحن الكروان ) يقول ان الوجبه ممتازه انا ما اقدر افيدك بموضوع خلطته اكثر منه
لكن طال عمرك انا ما اعجبني الاكل المطحون بصراحه الا للاعمار اللي اقل من اسبوع ..

ميزة الاكل اللي وصفتلك تقدر تعبي حوصلت الفرخ الين تنسد او هو يبطل ياكل وهذي طريقتي بتوكيل الفرخ . ولا عمري من استخدمت التغذيه هذي وواجهت مشاكل بالحوصله بتاتا لانها حبوب والحوصله طاحونه.



الفرخ كان صوته عالي أول وامس صار يوصوص ع خفييف .. ولكن الان رجع صوته ... ان شاء الله يرجع لحالته

الحمدلله الله يرد له صحته

بالنسبه للاكل اللي اعطيه تشوف أنه مفيد له ؟؟

اذا بغيت رايي هو مفيد لكن كمكونات بس الطير كبر على المطحون (حب الكناري افضل اذا عزلته من القشر وخلطت معه يا اما تفاح او بيض مسلوق او حب شمسي منزوع القشره الخفيفه اللي على اللب وتقدر تقشرها تحط حبات الشمسي المقشوره في ماء حاار
وتخليها فتره الين يبدا ينتفخ الغشاء اللي مغطي اللب تاخذه طال عمرك وتضغط على اللب وتوجهه لبيالت شاهي فاضيه النتيجه الغشاء الرقيق بيبقى بيدك واللب بيروح كالقذيفه في البياله 10 حبات شمسي تضبطها ثم تدقها + فلارس(حب الكناري مقشر) +ماء فاتر او دافي ... وتقدر تضيف كمكمل غذائي رشه من الوجبه اللي عندك +شي بسيط من عظم الحبار ابد حكه فوق الوجبه مرتين ثلاث يكفي =وجبه مظمونه بإذن الله وعندي طريقة توكيل اسال ابو محمد عنها بتنفعك كثير )

السيريلاك أنا ما أعطيته بصراحه ... لكن لمن اشتريته كانت حالته جدا صعبه ومع هالخلطه أتحسن كثير ماشاء الله ...

ابد ازين وش تبي في السرلاك... ماشاء الله وانشاء الله من افضل الى افضل

وأنا افكر اضرب له حب البادجي فالخلاط وأأكله .. الا اذا كان يسبب له مشاكل ..

شف الكروان الوجبه اللي وصفتلك اياها اللي هي حب الكناري المقشور والاضافات افضل من الدخن المدور (للكروان )

نرجع للحضانه ... فكره مره روعه بالذات أنها في البوكس الزجاجي عشان تشوفهم وتراقبهم ...
ع العموم دخلت فكرت الحضانه فراسي وشكلها بتتطبق قريب ...

الحمد لله اهم شي دخلت مزاجك و اكيد انصحك فيها .

صار جدل بيني وبين الوالده .. تقولي لازم تشربه مويه وأنا بصراحه أعتمد ع المويه اللي فالخلطه .. هل الفروخ تحتاج مويه .. يعني نشربها مويه صافي ولا يكفيها اللي فالخلطه ؟
اذا كمل شهرر تقدر تشربه من الحنفيه تخليها تسورب وقدم منقاره بعد الوجبات بيشرب لحاله
اذا الريش مابعد صف تكفيه مويت الوجبه بس انت لاتحاول تخلي الوجبه ثقيله جرب قبل لا توكل الفرخ اخلط الوجبه واغرف بالملعقه وميلها اذا انسكب اللي فيها بشكل سلس فالوجبه حلوه وموزونه هذا اذا كانت مطحونه. اما اذا كانت شبه سميكه اتوقع بتتعب حوصلته .

اما وجبة الحبوب طبعا الحبوب تاخذ نصف فنجال من حب الكناري المقشور واي اضافه انت تختارها
الماء تضيف للوجبه الين تحس ان الماء غطى نصف كمية الحبوب الموجوده بالفنجال
ومع تحريك الحبوب تشوف الماء واضح بعد توكيل الفرخ الحبوب بيبقى ماء في الفنجال هذا الماء بيكون عكر فيه مكونات كثير باقيه من الحبوب شرب الفرخ الين يقول ما ابي طبعا بعد تشبيعه من الحبوب وهذي طريقتي بتوكيل فروخي لكن تختلف تقنيت او الادات اللي توكيل الكروان والدره والروز والبادجي والزيبرا والكناري كل طير له ادات خاصه غير السرنجه .السرنجه ما ادانيها لانها موضة فاشله وماتنفع



وبعدين أخوي دام عندك شغلات مفيده وتجارب حلوه ليش ماتنزلها للاعضاء ونستفيد .. ذبحنا المنقول
تشوف انت عشاني فاضي ورايق اليوم شغال بموضوعك بس اغلب وقتي تلقاني مطشم
ولا يجيني خلق المس الكيبورد مافيه شي يحمس بصراحه احس اني العب على باب واحد هالايام
ومن ناحية المنقول منت خالص منه طالما ما فيه احد يبي ينتج ويشغل دماغه شوي
حط الحكمه ذي في راسك تراها وليدة اللحضه (طيوري موسوعتي) منها اتعلم كل شي ابيه واحتاجه في شوؤنها ... راقبهم والباقي يكمله المثل اللي يقول (الحاجه ام الاختراع )
اذا مشيت على هالكلام اضمن لك انك تستغني عني وعن جميع معلوماتي وبتبدع


يعطيك العافيه

الله يعافيك بالتوفيق

[الطائــر الغامــض]

ماشـــاءاللهـ على الأخ sdda7 واللهـ كفــا ووفــا ,, اللهـ يجــزاهـ كل خيـــــر ...!

تحيـــــــــــــاتي لكـ