ممكن الرد .....

[Booody]

السلام عليكم ....
انا هشتري قطة اول مرة عاوز استفسر عن بعض الاشياء في القطط

1-هل من الممكن ان ابدل الرمل بــــ(نشارة خشب) او رمل عادي مش الشارع او من محلات المقاولة

2-عند جدي في الحديقة قطة شرازي (اعتقد انها هربت من بيتها ) ثم لودت هناك او كل لما يجي وقت رش الجنينة و مية تلمس القطط اشم ريحة مش كويسة هل من الممكن التكون هذة الرائحة في المزل ايضا.

3-اية انواع المؤكولات لدي الققط و الغير مفضلة

4-احسن عمر للتربية

و شكرا لكم و ارجو الرد السريـــــــــــــــــــــــــــــــــــــــــــــــــــــــــــــــــع

[شاهستا]

وعليكم السلام ورحمه الله

اهلا بيك

1- النشاره او الرمل العادى بيكونوا ميكروبات وبتعمل ريحه وحشه جدا جدا

اما الرمل المخصص للقطط فابيتكتل وبتقدر تشيله بسهوله ومبيعملش ريحه

2- لا ان شاء الله مش هتتكون انت هتهتم بنضافتها ومش هايبقى ليها اى ريحه وحشه

3- الاكلات المفضله الفراخ واللحم المفروم ومعاهم الخضار ، البيض المسلوق ، جبنه المثلثات

السمك المسلوق او المشوى والدراى فود

الاكلات المضره التوابل او الاملاح الشوكلاته ، الشيبسى ، الزيوت ، البصل والتوم ، الطماطم سواء نيه او فى الاكل

والعمر المفضل فى التربيه شهرين

[Booody]

شكرا
بس الرمل بيكون مكلف ولا عادي

انا ساكن في مصر -الجيزة- امبابة

[شاهستا]

حسب النوعيه فى انواع كتيره جدا

واسعارها مختلفه فى المكلف وفى العادى

[Booody]

شكرا جدا

[نوديوس]

أنا بجيب نوع رمل مستورد بالكيلو من محل قطط
يعنى هما بيجيبوا شكارة كبيرة و يفتحوها و يبيعوا منها بالكيلو، و فى نوع مصرى رخيص جدا بس بصراحة ما جربتوش و معرفش كويس و لا لأ