Golden retriever - بعض الاسئلة

[Shadyy]

السلام عليكم و رحمة الله و بركاتة

انا مُربي جديد .. عندي كلبة Golden retriever مع اني عمري ما فكرت اربي كلب و بقلق منهم
الموضوع جية صدفة و جبت كلبة و الحمد لله اتغلبت علي القلق و بفكر اجيب روتوايلر .. و يشرفني اني انضم للمنتدي الرائع ده ..

المهم انا كلبتي عندها حاليا 3 شهور بالظبط .. و انا قريت 70٪ تقريبا من المواضيع اللي هنا في قسم الكلاب
بس عندي كام سؤال فشلت اني الاقي اجابة دقيقة فيهم ..

1- انا قريت ان الجرو المفروض ياكل 4 وجبات في اليوم ..
فهل من ضرر لو كانوا تلات وجبات فيهم كل الغذاء اللي يحتاجهم ؟؟
نظرا اني عايش لوحدي و ماعنديش وقت كافي

2- من عمر كام ابدء في تطبيق تدريبات الطاعه ؟
و كام الزمن الطبيعي اللي يحتاجة الكلب لفهم الامر و تطبيقه من تلقاء نفسة ؟ ..
علشان اعرف بس انا ماشي كويس ولا فاشل

3- انا قريت هنا في المنتدي ان من الصحي لو الاكل قعد عنده فترة المفروض اشيلة علشان يتعلم ان لما الاكل يتحط قدامة يخلصة ويعرف ان الاكل لية وقت محدد .. بعد ما عملت كدة اكتر من مرة .. النهارده بقرب منها و هي بتاكل الكلبة اتحولت عليا احط ايدي عليها تصدر صوت خشن اللي هو اكنها هتعضني حطيت ايدي في الطبق راحت عضاني :|
هل ده طبيعي !!


و اسف جدا علي الاطاله بس علشان انا عايز اعرف اجوبة دقيقة و ماشاء الله في هنا اعضاء و مشرفين خبرتهم عليا و محترفين ..
و شكرا مقدما : )

[احمد الحدق 2]

اهلا اخوي ممكن تاكله 3 مرات بس يكون الطعام دراي فود وبالنسبه للعض وقت الاكل امسك الدراي فود ف يدك قبل ماتحطه له وخليه ياكل من يدك وقم بمسح جسده والطبطبه عليه عشان يعرفك بس وكرر هذا لمده 4 او 5 ايام مع كل وجبه اول الاكل بس مش كل الاكل من يدك ههههههههه اما بخصوص تدريبات الطاعه بتبتدي بعد اول اسبوع مثلا من وصوله مكانه الجديد عشان يكون اخد علي المكان وعليك كمان ارجو اني اكون افدتك

[elberens 15]

تدريبات الطاعة في سن ستة اشهر و لكن قبل الفترة دي دربه علي مكان الحمام و اسمه و روح و تعالي و كدة

[ibrahim sherif]

المشاركة الأصلية كتبت بواسطة Shadyy

السلام عليكم و رحمة الله و بركاتة
وعليكم السلام ورحمة الله وبركاته
انا مُربي جديد .. عندي كلبة Golden retriever مع اني عمري ما فكرت اربي كلب و بقلق منهم
الموضوع جية صدفة و جبت كلبة و الحمد لله اتغلبت علي القلق و بفكر اجيب روتوايلر .. و يشرفني اني انضم للمنتدي الرائع ده ..

المهم انا كلبتي عندها حاليا 3 شهور بالظبط .. و انا قريت 70٪ تقريبا من المواضيع اللي هنا في قسم الكلاب
بس عندي كام سؤال فشلت اني الاقي اجابة دقيقة فيهم ..

1- انا قريت ان الجرو المفروض ياكل 4 وجبات في اليوم ..
فهل من ضرر لو كانوا تلات وجبات فيهم كل الغذاء اللي يحتاجهم ؟؟
نظرا اني عايش لوحدي و ماعنديش وقت كافي
نعم ممكن تأكل 3 وجبات و أعطيها القدر الكافي من التغذية

2- من عمر كام ابدء في تطبيق تدريبات الطاعه ؟
و كام الزمن الطبيعي اللي يحتاجة الكلب لفهم الامر و تطبيقه من تلقاء نفسة ؟ ..
علشان اعرف بس انا ماشي كويس ولا فاشل
الطاعه العاديه 3 أشهر و المتقدمة 7 اشهروالشراسه 8 أو 9 اشهر
3- انا قريت هنا في المنتدي ان من الصحي لو الاكل قعد عنده فترة المفروض اشيلة علشان يتعلم ان لما الاكل يتحط قدامة يخلصة ويعرف ان الاكل لية وقت محدد .. بعد ما عملت كدة اكتر من مرة .. النهارده بقرب منها و هي بتاكل الكلبة اتحولت عليا احط ايدي عليها تصدر صوت خشن اللي هو اكنها هتعضني حطيت ايدي في الطبق راحت عضاني :|
هل ده طبيعي !!
يفضل انك لا تستخدم النظام ده لأن الكلبة لسه صغيره

و اسف جدا علي الاطاله بس علشان انا عايز اعرف اجوبة دقيقة و ماشاء الله في هنا اعضاء و مشرفين خبرتهم عليا و محترفين ..
و شكرا مقدما : )

الاجوبة تحت كل سؤال

السلام عليكم ورحمة الله وبركاته

[عاشق الكلاب و القطط]

اهلا اخوي

1-نعم ممكن انك توكله 3وجبات غقد ولما يكمل 7اشهر

تعطيه وجبتين ولما يكمل سنة وما فوق وجبة واحدة

شاملة وكاملة

2-تبدا اوامر الطاعة بعمر 3-4اشهر وتكون طتعة بدائية

والطاعة المتقدمة بعمر 7اشهر والتج 3اسهر والسليف8اشهر


3-لا تستعمل هذا النظام الا عند اتمام الكلبة

عمر 4اشهر

بالتوفيقؤ

[Octopus]

كلبك جيد وعلى فكرة هو ل الاسف مستواه منخفض للحراسة


http://www.2zoo.com/vb/showthread.php?t=272902

[حمدان فرج الله]

اطعم الكلب من ايدك وحلس عليه وهو يوكل

[Shadyy]

شكرا علي الردود و الاهتمام ..
انا اسف جدآ علي التاخير في الرد .. البركة في TE Data
انا عندي سؤال .. حاليا انا معودها علي انها تعمل حمام في الرمل في غرفتها ..
لاني عانيت معاها لما كنت سابيها كده في البيت بتعمل حمام في اي مكان و كل مكان ..
فحطيتها في غرفة فيها بيت و مكان علية رمل تعمل علية حمام و تعبت لما خليتها تعمل علي الرمل ..
دلوقتي انا صعبان عليا حبستها .. هل من حل فب موضوع الحمام ؟؟
مع العلم اني جربت كل المكتوب في المنتدي من سبراي و اني اشيل ال ..... احطة في المكان المخصص
و شخط بصوت عالي و ضرب خفيف و مفيش اي فايده لو طلعت من الغرفة تعمل في اي مكان
و لكان لو قافل عليها غرفتها تعمل علي الرمل عادي !!

و اسف علي الاطالة : )

[ibrahim sherif]

بعد كل وجبة روح بالكلبة للمكان المخصص للتبرز لتتبرز فيه و بعد ما الكلبة تستيقظ وبعد النزهة والشرب

و ممكن تفضل في غرفتها و تلعب معها مرة الصبح و وترجعها و مرة باليل و في منتصف اليوم تنزهها في الشارع او الحديقة

[Shadyy]

المشاركة الأصلية كتبت بواسطة ibrahim sherif

بعد كل وجبة روح بالكلبة للمكان المخصص للتبرز لتتبرز فيه و بعد ما الكلبة تستيقظ وبعد النزهة والشرب

و ممكن تفضل في غرفتها و تلعب معها مرة الصبح و وترجعها و مرة باليل و في منتصف اليوم تنزهها في الشارع او الحديقة

شكرا علي سرعة الرد ..
و الحل التاني مناسب جدا ..
طيب الاخ الكريم " عاشق الكلاب و القطط "
قال ان من عمر 7 شهور وجبتين في اليوم
ينفع لما تكون في العمر ده انزلها بعد الاكل المرتين في اليوم تعمل حمام
و استغني عن الرمل في البيت و مش هتعمل غير في الشارع بس من نفسها ؟؟
لان بصراحة الرمل مخلي ريحة غرقتها كريهة جدا