قطتي عيانه جدا ارجوكم افيدوني

[هانم قطتي]

السلام عليكم ورحمة الله وبركاته

قطتي عيانه ومش عارفه اعملها ايه
هيه كانت حامل لثاني مره وللاسف زي المره اللفاتت ولدت قطتيين اتولدوا ميتيين اصلا والثالث كان عايشوبس مكنش عندها لبن وكانت بتعمل حركات وبتزهق كانها هتولد ثاني
وديتها للدكتور عطاها حقنه للطلق وللبن مش فاكره اسمها وحوالي 1سم مضاد حيوي علشين عندها التهابات بسيطه من زمان وكانت دايما بتقعد على البلاط او في بانيو في اي مكان ساقع وطعمتها التطعيم الرباعي
واللبن زاد عندها وكانت بترضع ابنها وكانت كويسه جدا وبتاكل كويس جدا وبتشرب لحد ما مات ابنها بدات ترفض الاكل وتشرب ميه كثير بس والصوت عندها مكنش طالع واليوم البعته رفضت الاكل تماما وصوتها مش طالع خالص وسخنه جدا
عطتها دوا للسخونيه وكلمت دكتور قالي شوفي صدرها فيه لبن لاقيت فعلا عندها لبن كثير جدا وبطنها وصدرها سخنيين جدا قالي احطلها نشا على ماء ورد وادهن بيه صدرها عملت كده لمدة يوم كامل مع البارامول للسخونيه كنت بحس انها بتدخل تحت البطانيه وبترتاح شويه بعد الدهان بماء الورد على النشا وبعد كده الاقيها في الحمام في البانيو وطبعا مش بتاكل خالص ولا بتشرب ولا عارفه تطلع صوت بتفتح بقها ومش بيطلعلها صوت
كلمت الدكتور ثاني قالي اعطيلها نص امبول جاراميسين كل 12 ساعه
ودلوقتي عطيتها الجاراميسين مره واحده بس ساعه خمسه العصر وباذن لله المعاد الثاني 5 الفجر وبرده سخنه جدا بعطيها البارامول عالطول وباكلها زبادي خالي دسم بعسل بالسرنجه وبشربها ميه كثير اوزل ما تطلع لسانها لانها بتقف امام طبق الماء بتاعها ومش عارفه تشرب وفضله صاحيه تحت البطانيه وملهاش صوت
انا خايفه جدا عليها ارجوكم افيدوني بسرعه

[هانم قطتي]

علما بانها لسه عندها لبن في صدرها مش عايز ينشف وبحطلها النشا بماء الورد
مع المضاد الحيوي ودوا سخنيه

صوتها مش طالع لي
ورافضه الاكل لي
وداخله تحت البطانيه لي او تدخل البانيو

[الخبيرة ناديا]

واضح من كلامك ان القطدها تحجر في اثداءها لعدم وجود كيتنز يرضعون منها

ومماسببلها ارتفاع في درجه الحراره.

وبخصوص نومها على الارضيات البارده او السيراميك فهو دليل على انها بتحس بحراره في

اثداءها وتحاول تبرد على نفسها بهذه الطريقه.

الافضل انك تعمليلها كمادات دافيه كل يوم حتى تخلصيها من الم الاثداء

واعطيها بيتاموكس ملئ قطاره كامله مرتين في اليوم لمده خمس ايام

وبخصوص قله اكلها ...شي طبيعي بسبب المها وارتفاع حرارتها..

اعطيها فيتامينات نخصصه للقطط لمده شهر حتى تتقوى وتتحسن صحتها العامه.

والمهم المهم هو الحب والعطف على القطه فهو اول العلاج ..

اتمنى لها الشفاء العاجل