ممكن مساعدتكم يا اهل الكوكاتو

[عاشق الكوكاتو m]

عندي امبريلا كوكاتو عمره تقريبا 8 شهور وباقي عالسيريلاك اذا اعطيته حبه في فمه ماياكلها يمضغها شوي ويرميها حتى لو كان جيعان اش الحل ابي افطمه يصير ياكل حبوب ويشرب ماء لوحده

[houston]

8 شهور اتوقع كبير على السيريلاك

[حياتي كلها كاسكو]

ههههههههههههههههه

والله غريبه المفروض مفطوم من أربع شهور الا اذا كان ما يعرف ياكل هذي مشكله بس في حل

حط الاكل عنده والمويه وقشر خياره وحطها عشانها لينه ولا تأكله الا وجبة سيرلاك وحده وشوي شوي افطمه

وخله يذوق طعم الحب الشمسي قشر له وحده وعطه

بس أهم شي يكون عنده تصبيره لايموت يعني حط ربع تفاحه ولا برتقاله أي شي لين .

[كاجو]

والله ياخوي ثمان شهور كبيرررررر

كان لازم تفطمه من بدري الحين بيصعب شوي عليك فطامه

حط الحب الشمسي في ماء منقوع وبعدين عطه أياه على شوي شوي يتعود بعدين على الناشف

ونوع له بالفواكهه تفاح عنب موز وممكن تبشر الجزر وتعطيه وبيض مسلوق وبطاطا مسلوقه

وخليه من يقوم الصبح مايلاقي بالقفص الا الاكل هذا وجرب لو شفت جلس 7ساعات

ماأكل شيء عطه شوي سريلاك عشان مايموت من الجوع بس بنفس الوقت لاتخليه يشبع

علشان يضطر وياكل من الاكل الي بالقفص..

تحياتي

[عاشق الكوكاتو m]

مشكورين على الرد يعطيكم العافيه
الصباح اعطيته سرنجتين سيريلاك ماكثرت له وبعطيه حبوب زي ماقلتو اش رايكم اعطيه اكله واخليه بالقفص علشان يضطر ياكل منه لاني انا فاكه في غرفه القفص هذا ما يعرفه
انتو لو تعرفون الامبريلا كوكاتو اذا جاع يصيح باقوى قوه اعطاه ربي لدرجة اني كنت حاط السماعات باذني والله ازعجني هههههههه والله شكله يضحك يصيح يصيح يصيح مايسكت الين تاكله سيريلاك

[عاشق الكوكاتو m]

ياشباب جربت جميع الطرق مانفع الان انا جوعته وحطيته بالقفص حتى وهو جايع مايرضى ياكل الحبوب ابغ طريقه جاده كيف افطمه من السيريلاك ويصير ياكل لوحده