استفسارات بخصوص عصافيري

[basmagomaa]

بسم الله الرحمن الرحيم
اخواني الاعزاء اتقدم اولا باشكر الجزيل لكم لأفادتي بمعلمات مهمه جدا بخصوص البادجي
واتمنى تستحملوني في اسئلتي شويه
عندي زوج الحمد لله شغال كويس اشتريت الانثى صغيره واسمحولى اشرحلكم بالتفصيل لأني اتمنى الافاده منكم
اول مره تبيض باضت 5 وفقست منهم واحده بس
تاني مره باضت 6 فقست منهم 5 ومات اتنين وسأذكر السبب لاحقا
ثالث مره باضت 7 وفقسوا كلهم الحمد لله ولكن مات منهم 3
اول مرتين لم اعطهم فتره للراحه لدم مرفتي ...في المره الثانيه ارحتهم حوالي 20 يوم من بعد مابدأ الصغار الاعتماد على نفسهم
ملاحظاتي
1 الاب في الابن الاول كان حنون جدا ويطعم ابنه اكتر من الام
2 المره الثانيه الام لا تسمح مطلقا للأب بلمس الصغار او الوقوف بجانب البياضه وتضربه
3 المره الثالثه تسبب خناقهم في موت اول فرخ يفقس سمعت ضربهم لقيتهم بيتخانقوا وفرخ صغير واقه بره البياضه مجروح وميت
بناء عليه فصلت الذكر في نفس القفص لأنه كبير وضعت بينهم فاصل بورق الكرتون
4 الذكر والانثى فضلوا مشغولين جدا وبخاصه الانثى تركت الصغار وانشغلت بتقطيع الكرتون علشان تدخل عند الذكر
5 فصلت الذكر تماما في قفص مع اولاده الكبار ولاحظت اهتمام كبير جدا من الام بصغارها على عكس الاول
6 الاكل حبوب البلكم والفلارس وبقددم لهم خيار وجرجير وقطع صغيره من الفواكه زي البطيخ والتفاح والخوخ على فترات متباعده انما الجرجير تقريبا يوميا ومعلقه لهم عظام المحار في القفص وان كان اقبالهم عليه قليل
المشاكل
1 في المره الثانيه بدأ جميع العصافير بمرحله القلش واتنين منهم من الصغار فقددوا ريشهم كلهم وجبت لهم فيتامين وضعت منه نقاط بسيطه كل يومين في المياه وقريت موضوع لأخ في المنتدى انه قابل المشكله وكان بيمسح جسمهم بالبيتادين المطهر وفعلا الحمد لله ريشهم طلع ماعدا واحد
لحد النهارده مفيش عليه غير ريش قليل جدا ومش عارفه اعمل معاه ايه ارجوكم تفيدوني ..هو النهارده عنده 4 شهور
2 الالوان الناتجه كلها لونين اتنين ازرق عادي واخضر عادي مائل للغامق مفيش اي الوان جديده
طلع منهم 7 ازرق واتنين اخضر ... هل في امل في تغير الالوان مستقبلا؟ انا مش عايزه اغير الانثى ولا الذكر لأنهم متوافقين جدا الحمد لله وانتاجهم الحمد لله كويس جدا
ومرفق صور للأب والام والابناء والابن المريض واعذروني على الاطاله لكن حبيت اشرح القصه بالتفصيل على امل اجد علاج

[nossa]

السلام عليكم
* بالنسبة لمشاكل التفريخ التي واجهتها تحدث في غالب الأحيان تحدث :
1 - شوفي أحيانا تكون الأنثى حنونة زيادة وتهتم بالصغار والذكر حار ويريد التزاوج يحدث بينهما شجار .في هذه الحالة وجب عزل الذكر في قفص ووضع القفص في مكان بعيد عن الأنثى لكي لا تسمع صوته وتنشغل عن الفراخ .
2 - هناك حالة وهي رغبة الأنثى في الدخول في دورة جديدة فتضرب الفراخ وقد يصل الأمر أحيانا إلى القتل في هاته الحالو وجب فصل الفراخ مع الأب أو إن كانو كبار قليلا فصلهم لوحدهم والإهتمام بإطعامهم يدويا .
3 - هناك أحيانا كذلك أن يكون الذكر حنون زيادة لكن الأنثى لا تسمح له بالإقتراب من الفراخ في هذه الحالة يجب مراقبة الوضع إن كان هناك شجار عنيف بينهما وجب فصل الذكر لكن إن كان خفيف فلا داعي للقلق.كانت عندي انثى عندما تفقس الفراخ تهتم بهم لوحدها لا تسمح له بإطعامها أو حتى الإقتراب من العش لكن الحمد لله لم يكن هناك إصابات ولا شجارات عنيفة .
* بالنسبة للطعام لا تكثري من الفلارس لانه يسبب تشحم للطيور .أما الجرجير مرتين بالأسبوع او ثلاث تكفي مثله مثل باقي الخضراوات والفواكه
* بالنسبة للفرخ الذي لم ينبت له الريش ممكن يكون قلش فرنسي اهتمي بالتغذية الجيدة له خصوصا القمح المنقوع فهو مفيد وامسحي جسمه بالبيتادين وعرضيه للشمس والفيتامينات التي إستعملتيها كذلك وإن شاء الله يكون هناك تغيير.لكن عندي سؤال هل هذا الفرخ والديه إخوة؟
* بالنسبة للألوان إن شاء الله يكون تغيير لان هناك صفات لا تظهر على الأبوين وتظهر على الفراخ .
واسألي براحتك حبيبتي مافي إزعاج وراح نستحملك مافي مشكل تدللي هههههه
بالتوفيق

[basmagomaa]

بسم الله الرحمن الرحيم

اشكرك اختي العزيزه على اجابتك الوافيه بارك الله فيكي
بالنسبه للعصفور اللي ريشه واقع الاب والام مش اخوه خالص ده شارياه من مدينه وده مدينه تانيه خالص وان شاء الله اتبع نصايحك ويارب تكون النتيجه خير