ممكن اجوبه بسيطه

[الأصله]

سلام شباب وصبايا

اخريا وصلني مقياس الحراره بس ابي اعرف كم درجة الحراره المناسبه وهل تختلف الدرجه لمن تكون الاصله تبدل جلدها

________________________________________________________________________

الاصله الاحظ ان طول وقتها بالماي ماتطلع ليل نهاااااااار وش السالفه؟؟؟؟؟؟
هل ممكن فيها قراد وهذا هو السبب

________________________________________________________________________

اصلتي تبدل بس يطلع قطع مو كالطريقه المعروفه

________________________________________________________________________
اعلم ان اسالتي مكررة ولكن اتمنى ان تعذروني دوام ضغظ يخليك تنسى كل شي

شكر خاااااااااص للأخ ابو عرب

[jassim99]

خلك بالسيف سايد خل درجها الحراره 27-30

بالنسبه للماي عادي الوضع طبيعي البورميه العاديه تحب تجلس بالماء بعكس الالبينو

اذا طلع طقع معناته الرطوبه منخفضه ماراح يضرها شي ان شاءالله عادي بس لوكانت الرطوبه عاليه بيطلع قطعه وحده

[|| PyTHoN ||]

^

ماله شغل عاديه ولا ألبينو &&"
الأثنين مثل الشي ،،

[jassim99]

بايثون اول مابديت شريت وحده عاديه ووحده البينو والعاديه كانت تقعد بالحوض على طول والالبينو ان حطيتها بحوض الماي تبي تطلع نفس المينونه

وبين كلامنا ونقاشنا انا والاخ TNT قالي تختلف بعص التصرفات والمناعه بين العاديه والالبينو ومن هالصفات ان العاديه تحب الماي والالبينو لا

[|| PyTHoN ||]

^

زين انا كانت عندي ألبينو و كانت تقعد بالمآي وآآآآيد
و العاديه لا تدش شوي و تطلع

.
.

[الأصله]

فديتكم والله ياحبااااايبي يا اهل الفزعاااااات

[jassim99]

والله يابايثون ياحبيبي انا نهائيا مو قاعد اغلطك لاكن هذا شي صار معاي و اكدلي عليه الاخ TNT وانت صار معاك العكس والله خيي ماني متاكد اسحب معلومتي لين اتاكد

بس بالحالتين بالنسبه للاخ الاصله الوضع طبيعي ولا تخاف

[النمر الأبيض]

يا شباب الألبينو واللون العادي نفس الشي لكن يختلف طبع كل أصلة عن الثانية مو لانها عادية او البينو هم نفس الشي بورميات
لكن وحدة كانت متعودة انها تدخل بالموية والثانية لا وهذي القصة ما لها شغل في اللون هو لون وليس نوع
ومعروف ان البوا ايضا تحب الماء لكن انا عندي وحدة من تحطها بالموية تحاول تطلع مباشرة فهذا شي عادي

[|| PyTHoN ||]

^

و هاذا الي كنت أقوله

يمكن حتى 2 ألبينو وحده تحب وحده لا شي عادي
يعني كأنك تقول كل قطو بالشارع أبيض يحب ينام بالظل
بس البني لا يحب ينام تحت السياره &&"

< يهيه
.
.

[jassim99]

لا ياحبيبي يابايثون في فرق بين الثنتين الفرق هو كالاتي :-

مابي اشبه البشر بالحيوان لحد يزعل بس مجرد معلومه و ابي اوصلها اي شي البينو ( امهق ) سواء كان انسان او حيوان يفتقد ماده الميلانين الي بالجلد الي اهي عند البشر الماده الي تعطي اللون الاسمر و اذا انفقدت عند الحيوان سموه البينو او يقولون لونه امهق وكلنا نعرف ان الميلانين كل مازاد بالجسم كل ماقل تعرض الجسم للاشعه الضاره والمسرطنه وانا سمعت والله اعلم ان مو زين تعرض الحيه الالبينو للشمس بعكس العاديه والي انا متاكد منه ان مناعه العاديه اقوى من مناعه الالبينو من ناحيه الامراض..........

وبنائا على هالشي انا قلت ان يمكن اطباعهم تتغير<<<<< مو متاكد من هالكلام يهيه

التشبيه الي انت شبهته غلط لان بالقطاوه الي انت تكلمت عنهم مجرد لون مافيهم وحده مميزه عن الثانيه بشي

واذا في شي بكلامي غلط ياريت احد يصحح المعلومه والكل يستفيد