أسئلة عن الثعابين

[milk cat]

السلام عليكم و رحمة الله و بركاته ..

اخواني بدون مقدمات عندي كم سؤال عن الثعابين ..

ان شاء الله لي نية بشراء ثعباان و ما اعرف احد قد ربى ثعابين قبل .. عشان كذا ما عندي خبره فيهم

اول: شي قريت انه لازم ياكل فار كل اسبوع .. طيب ايش ياكل بعد لان ما اقدر اروح للمحل كل اسبوع اجيب فار و ما اقدر اربي فيران عندي .. فاتمنى تقولون لي ايش الاكل الي اقدر اقدمه

ثانيا: ممكن يسبب اذى للقطط ؟؟ .. لان عندي بسة و اخاف يأذيهاا ؟؟

ثالثا: تتفاوت اسعار الثعابين بين كم و كم ؟؟

رابعا: لازم ينام بمكان خاص ولا عادي يجلس عالارض بدون قفص ولا شي ؟؟

اخيرا: ايش افضل انواع الثعابين (انا ابغا واحد صغير لان ما احب الي يجون كبار و طوال بزيادة) و ايش احسن انثى او ذكر

و شكرااا

[الكلاسيكي]

المشاركة الأصلية كتبت بواسطة milk cat

السلام عليكم و رحمة الله و بركاته ..

اخواني بدون مقدمات عندي كم سؤال عن الثعابين ..

ان شاء الله لي نية بشراء ثعباان و ما اعرف احد قد ربى ثعابين قبل .. عشان كذا ما عندي خبره فيهم

مرحبا اختي وانا من مربي الثعابين وبأذن الله اجاوبك بالي اعرفه .

اول: شي قريت انه لازم ياكل فار كل اسبوع .. طيب ايش ياكل بعد لان ما اقدر اروح للمحل كل اسبوع اجيب فار و ما اقدر اربي فيران عندي .. فاتمنى تقولون لي ايش الاكل الي اقدر اقدمه

شوفي اختي الثعبان ياكل من 5 ايام الى 7 ايام بين كل وجبه و وجبه .

وانتي بتلاحضين اذا جاع سوف يبداء بالبحث والتحرك عن الأكل وهذا الشيء راح تعرفينه لما تربينه .

وبخصوص الأكل ممكن هذا يتوقف على حجم الثعبان الذي سوف تملكينه .

بس انتي بدك شيء صغير الحجم وعلى مستوى الفأران ممكن تربين هامسترات من النوع الروسي .

ثانيا: ممكن يسبب اذى للقطط ؟؟ .. لان عندي بسة و اخاف يأذيهاا ؟؟

ما اضن اذا الثعبان من النوع الغير السام وصغير الحجم .

ثالثا: تتفاوت اسعار الثعابين بين كم و كم ؟؟


والله يأختي في من الـ 400 ريال ومافوق على حسب البائع والمنتج والنوع طبعاً .

رابعا: لازم ينام بمكان خاص ولا عادي يجلس عالارض بدون قفص ولا شي ؟؟

طبعاً لازم مكان خاص لان المكان تبعه يتطلب نظافه وجو استوائي ورطب .

ليساعد الثعبان على التبديل .

وبرضو يحتاج الدفىء لان الثعابين معروف عنها من ذوات الدم البارد .

وانا كنت الجأ لجهاز التدفئة في الغرفه .

اخيرا: ايش افضل انواع الثعابين (انا ابغا واحد صغير لان ما احب الي يجون كبار و طوال بزيادة) و ايش احسن انثى او ذكر

والله اختي انا بالنسبة لي انصحك بـ الأصلات والبؤه .

ومن ناحية الذكر والأنثى ماتفرق الا اذا انتي ناوية على الأنتاج ممن الأنثى .

و شكرااا

تـم الأجابه عليك باللون الأحمر .

ونصيحه :

لو تحطين ثعبانك في حوض انا اشوفها افضل حل وفي قطع اخشاب تباع ممكن تضعينها في الأرضية لتساعد على جو الرطوبه .

والأحتكاك ليسهل عملية التبديل للثعبان .

ولاي استفسارات نحن في الخدمة .

والأعضاء ممكن يجاوبوك ويفيدوك اكثر .

تحياتي لك

اخـ ابومحمد ـوك

[مهووس الحيوانات]

اول: شي قريت انه لازم ياكل فار كل اسبوع .. طيب ايش ياكل بعد لان ما اقدر اروح للمحل كل اسبوع اجيب فار و ما اقدر اربي فيران عندي .. فاتمنى تقولون لي ايش الاكل الي اقدر اقدمه

للأسف الثعابين هذي مشكلتها ، لازم اما :

- انك تروح كل أسبوع تشتري فار

-أو انك تربي الفيران عندك ، مو للإنتاج لكن للاحتفاظ بها ، يعني ماتربيها عشان تتكاثر بس عشان تقعد عندك

يعني بدل ما تروح كل أسبوع المحل ، روح مرة وحدة و اشتر لك كمية ، و لما ترجع البيت تربيهم للاحتفاظ بهم عشان كل أسبوع تعطي الثعبان منهم .

- انك تربي الفيران للإنتاج و هذي أحسن و أوفر طريقة لكنها أصعب طريقة .

و ينطبق هالكلام على البدائل الثانية مثل الهامستر

ثانيا: ممكن يسبب اذى للقطط ؟؟ .. لان عندي بسة و اخاف يأذيهاا ؟؟

ممكن ، خاصة لو كان أصلة أو بوا ، لأنه مو شرط ياكلها ممكن بس يخنقها و يمشي

و هذا مو هو السبب الوحيد ، في سبب ثاني يمنع من تربية أي زاحف مع الحيوانات الثانية و الي هو الجرثومة الي تنتقل من الزواحف ، ممكن تعدي الحيوانات الثانية مثل القطط

أو تعديك انت لو ما اهتميت بالنظافة

و ممكن حتى ان القطوة هي الي تئذي الثعبان و تسببله جروح خطيرة

ثالثا: تتفاوت اسعار الثعابين بين كم و كم ؟؟

حسب النوع و الطول ( أو الحجم ) ، و يزيد السعر لما يكون فيه طفرة حلوة مثل الألبينو

تتفاوت من الثعابين الصغار المحلية 100 ريال إلى الأصلات الضخمة الكبيرة و توصل لـ 7000

رابعا: لازم ينام بمكان خاص ولا عادي يجلس عالارض بدون قفص ولا شي ؟؟

لا ماتقدر تربي الثعبان مفتوح في البيت مثل القطاوة و الببغاوات

لازم يكون في حوض لأنه يبغاله درجة حرارة و رطوبة خاصة لو جلس فترة طويلة بدونها ممكن يستبب في مشاكل له

و غيرها من الأسباب مثل الفضلات -وانت بالكرامة- و التخبي في الأماكن الصعبة ، و غيرها

و بالنسبة للنوم ، داخل الحوض أفضل مكان هو تحت لمبة التدفئة بس طبعًا لازم ماتكون قريبة مرة منه

اخيرا: ايش افضل انواع الثعابين (انا ابغا واحد صغير لان ما احب الي يجون كبار و طوال بزيادة) و ايش احسن انثى او ذكر

حسب كلامك أحسن شي لك هو ثعبان الذرة ( Corn Snake )

لأن طوله بسيط و متوسط و مايزيد على متر و شي ، مو مثل الأصلات و البوات الي يوصل طولها لعدة أمتار ووزنها لعدة كيلوجرامات



هذا هو الكورن سنيك أو ثعبان الذرة ، و طبعًا فيه كم لون غير هذا

=-=

و شكرًا للأخ الكلاسيكي على رده لكن جيت أجاوب على بعض الأسئلة و أأكد على الباقي

[milk cat]

مشكوريين الف شكررر اخواني (الكلاسيكي , مهووس الحيوانات) على المساعده =)

بس عندي سؤالين اخيرين : اناا الي فهمت من كلامكم اني اقدر اعطيه هامستر بدل الفاار صح ؟؟

و الثعبان ما ياكل الا مره بالاسبوع صح .. يعني اذا كنا بنسافر اسبوع اقدر اخليه لحاله بدون ما احد يعتني فيه ؟؟

[|| PyTHoN ||]

^

ممكن لكن من يفتح الليت و يسكره ؟
من ينظف لو وصخت ؟
الماي و غيره من هالسوالف

اي تاكل هامستر ، لكن على حسب حجم الحيه
ممكن في أنواع تاكل بيض و انواع فيران و طيور و زواحف و حشرات
يختلف يعني السؤال الحين غلط

+ البيئه مو شرط إستوائيه ، لو حيه صحراويه ؟ يبيلها جاف و دافي
او رطوبه خفييييفه

بالعربي ما ينفع نجاوب الحين
اختار النوع الي يعجبك وراها نساعدك بتربيته
و موفق

[milk cat]

زاناا اعجبني ثعبان الذرة الي حطهاا اخوي مهووس الحيوانات الله يعافيه

فياليت اعرف ينفع ياكل الهامستر او لا

و اللي عنده نصايح لا يبخل علينا

[jassim99]

انا بعد انصح بالكورن سنيك او الملك سنيك او البول بايثون ( الاصله الملكيه ) بس الاصله الملكيه شهيتها مو دايما تكون مفتوحه نفس الملك سنيك والكورن سنيك وهالثلاث انواع ماتعتبر من الثعابين العدائيه

بالنسبه لثعبان الذره ممكن ياكل همستر مع مراعاة حجم الهامستر مع حجم الثعبان

وبالنسبه للاسعار للالوان الطبيعيه

الكورن والملك تقريبا من 700 الى 900 ريال
و الاصله الملكيه من 500 الى 600 ريال

للعلم الملكيه ماتعتبر من الثعابين السريعه نفس الكورن والملك (تعتبر من الثعابين البطيئه )

والمكان لازم يكون حوض في دفايه او لمبه تدفئه و رطوبه ومكان (كهف) ينام فيه الثعبان مع الارضيه المناسبه سواء كانت جرايد او تربه زراعيه لسهوله تنضيف الارضيه

وبالنسبه للقطوه اذا الثعبان صغير الخوف ان القطوه هي الي تاذي الثعبان
بس عموما الثعبان راح يكون بالحوض فماراح توصلله القطوه و اذا طلع الثعبان راح يكون معاك ف مافي خوف ان شاءالله

[milk cat]

جزاك الله خير اخووي عالمساعدهـ والله ما قصرتواا الله يعافيكم كلكم =)