ناويه اشتري قطوه عشان تاكل كوكتيلاتي

[تراني جديدة]

ابي اشتري قطوه صغيره وجاري البحث في هل موضوع بس سؤالي عادي احطهم في نفس الصاله ولا لا .. اخاف لو كنت طالعه تهجم عليهم وتاكلهم .. وش اعمل .. مع العلم انو القفص شوي مرتفع بس ما يندرى عن القطوات ممكن تتسلق وتروعهم .. وش الراي .. ؟

[حمد الاحمد]

السلام عليكم ورحمة الله وبركاته

اختي العزيزة تراني جديدة

بعد التحية اعتقد انه اذا حبيتي تطلعي او ترواحين محل تحطين القط في قفص مثل الاقفاص الي موجوده في المحلات الخاصه بالحيوانات وهو عباره عن قفص ابلاستيكي وهذا ممكن يساعدك حتى ان القط مايخرب اي حاجة في البيت وعلى حد علمي ان القط ملقوف يعني مايخلي اي حاجة في حاله فارجوكي اختي انتبهي على الكروانات



هذا ودمتم في رعاية الله

[السيف القاطع]

مدري والله بس اكيد راح يخاف الكروان من القطه ,.

[تراني جديدة]

الاخ حمد .. فكره والله ..بس عادي لو تأخرت يعني يبيلي الظاهر قفص كبير عشان ما يتضايق ..

مساكين هل الكروانات .. بيجي من يحد من حريتهم اول متفلتين ويطيرون في الصاله ويرجعون للقفص الحين مافي الا حبس ..
شكرا اخوي على الرد ..

[تراني جديدة]

السيف ., احتمال يخافون ويمكن يكونوا متنحين بس يمكن القطوه ما تأذيهم ..
شكرا على مرورك ..

[هاوية الكروان]

تراني جديده ..
يا اختي خرعتيني بهالعنوان :> ههههه ..
أكيد الكروان او اي طير ثاني راح يخاف من القطوه .. مافي تأالف بينهم
.
تقبلي مروري

[Candy Man]

ممممممم اذا جبتيها صغيرة اكيد ما رح تأذيهم وانتي لازم تعلميا تتآلف معن ... يعني في طرق للتدريب على الصح والغلط

[تراني جديدة]

هاويه الكروان .. اسعدني مرورك .. العنوان مداعبه لأهل القلوب العطوفه بحاول انهم يتوالفون وهي بتكون صغيره .. الله يقدرني واعدل بينهم : )

candy man انا اتفق معك .. عشان كذا بحرص انها تكون صغيره .. واذا شفت اي نوايا عدوانيا بفصلهم .. شكرا لمرورك ..

[Mr. MeMo]

الاخت تراني جديده


اول شي ايش اخبار الكروان انتجو ولا بعد؟؟

و ايش ناويه على كوكتيالاتك بالاعدام

فعلا لازم تتوخين الحذر و الافضل ان يكونوا في مكان
مرتفع كليا حيث لا يستطيع القط الوصل اليهم

و اتمنى لك التوفيق

[تراني جديدة]

مستر ميمو .. المعنى في بطن الشاعر الظاهر اني فقدت الامل فيهم وبتقمص دور قاتله الطيور ..الي كان اليف معي سار ما غير يتصدد عني والثاني ما وره تفريخ ما وراه الا الدجه ولا عندهم نيه انتاج .. بس بجيبلهم ذاك القطو الي بياخذني منهم ويروعهم ذيك الترويعه الي تخليهم عن جد يقطعون الخلف .. بس دعواتك القى القطوه الحلوه الي في بالي .. اسعدني مرورك ..