نداء إلى الأخ سكر ضروووووووووووري لتغذية الكاسكو

[هدير الأمواج]

السلام عليكم ورحمة الله وبركاته

يا أخ سكر أرجو منك المساعدة في تغذية طيري ميسوون

طيري عندو إسهال بس الأن خف شوي وأخي وداه لبيطري وداه دواء مره واحده في اليوم
وهو يقول هذا إسمو إنروميك الماني

المهم الأن أبغى غذاء يمسك بطنو اديتو حمص مطحون عشان يمسك بطنو هل ما فعلته صحيح؟
أديتو سريلاك القمح وأغلب إلي في المنتدى يقولو السريلاك يجيب الإسهال وآخر يقول( لا )
ولاكن من خبراتك في غذاء الببغاء أريد منك بعض الوصفات البيتيه التي تجعل الطائر في احسن حال فما ما هيا؟
صح افتكرت
سلقت لببغائي بطاطس و جزر وكوسه وطحنتها ؟ هل هيه مفيده للطائر ام ماذا ؟

الرجاء الرد السريع في أقرب وقت ممكن؟


وشكرا

[مجنون عويشق]

السلام عليكم

بما ان الموضوع للاخ سكر

فنتركه للاجابه


تحيه طيبه

[سكر]

أفااا يا مجنون عويشق,,,,

أختنا هدير الأمواج ماخذه مقلب فيني تفكر اني فاهم في ذي الأمور,,

بس الحقيقه خصوصاً في الأمراض انت أفهم مني بكثير, وأنا دائماً أقول للأعضاء ان تخصصي في سلوكيات الببغاء.

أما النواحي الصحية والطبية انا مجرد هاوي وكل يوم أتعلم منكم.

أتمنى منك يا مجنون عويشق تفيد الأخت الكريمة لأني شخصياً أثق في معلوماتك الطبية بحكم تخصصك في الصيدلة وهذا شي أفتخر فيه.

أختي هدير,, انا مات عندي 3 كاسيكو على فترات متباعدة, وآخر واحد مات قبل خس شهور تقريباً.

يعني للأسف ما عندي خبرة في هذا المجال, لكني تمنيت ترجع الأيام وأعطيه عسل وحبة بركة (حبة سوداء).

لأن ببغائي الحالي من نوع أمازوني كان على وشك انه يمرض وأعطيته خليط من الشابورة والحبة السوداء والعسل, وخلطتها بالماء وأعطيته, والحمد لله صحته تمام.

طبعاً انا ما أدري من ايش كان يشتكي, لكن اللي شفته خمول فيه وبس.

يمكن اللي اعطيته ماله دخل في شفائه.

ع العموم بالنسبة للسيرلاك, طول عمري أأكل طيوري من نوع الدرة أو الأمازوني بلو فرونت سيرلاك وما اشتكو نهائياً, وهذا عن تجربة.

لكن شي طبيعي ان الأفضل الأكل المخصص لهم من محلات الطيور.

نصيحتي لك يا اختي تعطيه مثل ما عملت انا, شابورة مطحونه (بر) وربع ملعقة عسل وشوي موية حتى يصبح المزيج مثل الزبادي, حاولي ما يكون سائل كثير عشان الاسهال.

أما الباقي اللي انتي ذكريته الأفضل انك ما تعطيه في هذا الوقت لأنه تعبان مثل ما ذكرتي.


وفي الأخير يا ليت تصوري الببغاء وتصوري الدواء اللي اعطوك اياه عشان الأعضاء ذوي الخبرة يفيدونك.

تحياتي

[مجنون عويشق]

السلام عليكم

هلا سكر ....شدعوه ياشيخ ..

انا كنت ناوي ارد ..بس قلت الحين بيقولون وش يبي ذا الملقوف ههههههههههه


عزيزتي ....

الاسهال غالبا خطر على الطيور ..وعلينا نحن كذلك فهو راح يقلل كمية المياه او plasma في اجسامنا ..ويصاحبه بالتالي تقليل كمية الصوديوم وكمية البوتاسيوم ..وهذه بالتالي خطيره جدا

وعلشان نتلافى كل تلك الامور ...

حاولي تركزين على نوعية الاكل ..ووتشوفين اي واحد منهم يسبب الاسهال ..

واذا كان فاكهه .مايعني ان حنا راح نتركه اكيد لا ..ولكن نحسب له جرعات محدده >>>ماسك على الادويه ههههه

يعني مثلا نعطيه في الاسبوع مره ..او مرتين ..وهكذا

وبالنسبه للدواء الي وصفوه لك ...ياليت تكتبين لنا اسم الماده الفعاله ..لان الشركات تختلف

وبالنسبه للاسهال ..امره سهل ...

اضيفي مع الماء شاهي ....او ماء الرز ...بمعدل يومي ..ولمدة ثلاث ايام ..وذا مالاحظتي تغيير ...زيدي الكميه

بالتوفيق

تحيه طيبه

[هدير الأمواج]

أرجوكم اي أحد يسا عدني
إعتمادي على الله ثم عليكم

هذي هيه الصوره بسرعة في أقرب وقت ممكن

[هدير الأمواج]

هذا الدواء وهذا طيري وش أسوي كل يوم من أسوء لأسوء

[هدير الأمواج]

على كل حال جزاكم الله خير حاولت إني اوريكم الدواء وميسوون لكن للأسف
الحمد الله على كل حال ما أبغى منكم غير الدعاء لطيري
وشكرا

[هدير الأمواج]

أخيراً ولله الحمد بانت الصوره هو ذا

[مجنون عويشق]

اختي الكريمه ...

الصور غير واضحه بتاتا ..

واتمنى تقولين اسم المركب وليس اسم الدواء التجاري علشان افيدك

واذا لاحظتي عدم فائدة الدواء وانه غير مجدي ..

راح اوصف لك دواء موجود في الصيدليات البشريه ..ولكنه للاستخدام البشري ...

مع معلومية انه اقوى دواء مضاد للاسهال ..ومن جرعه واحده ..ولكن لن اتحمل اي عرض يحدث لطيرك

تحيه طيبه

[سكر]

شكل الطير ودّع

الله يكون في عونك