نفسي اعرف شيكا مات ازاي

[هانم4]

الحمد الله على كل شئ
شيكا قطي الاسمر مولود عندي وعاش معايا اربع سنين عمره ما تعب وكان قط هادي جدا مات مني اول امبارح واتاخرت في سؤالكم عن سبب الموت لاصابة اخته في عينها القطط بقالها اكثر من شهريين واخده شوطه بسبب الحسد اقسم بالله الحسد ده مرض احفظوا قططتكم بعيد عن عيون الناس
شيكا وانا في المصيف تعب فجاه اول يوم بدا يعمل بول على السرير والكنب كلمت الدكتور قالي بروكسيمول علاطول لحقته وللاسف ثاني يوم منع بول تماما والبروكسيمول مجبش نتيجه سافرت بسرعه والدكتور الساعه 11 بليل جه وعمله عمليه يدويه وقالي افضل من القسطره وعطاله بنج والبول الحمد الله نزل والدكتور قالي على الصبح باذن الله هيفوق وهياكل وللاسف الصبح برده مش فايق بس بدا يعمل بول لا ارادي وكنت باكله بالسرنجه وكان لسه مش قادر يقف الدكتور قالي هديله بركسيمول ثلاث مرات وحقن جيرميسين كل 12ساعه
وللاسف لحد بليل برده ثاني يوم لا بياكل ولا بيشرب ولا قادر يفوق ويمشي قالولي لازم يعدي 48ساعه عليه وهيفوق صبرت وكنت باكله وبشربه والبول كان تمام بس لا ارادي المهم بدا يفوق بعد 48 ساعه ويمشي بسيط كده وبراحه وبدا يشرب بسيط جدا وكنت باكله وللعلم بعد العمليه رجع وعطيته حقن للترجيع وزنتاك وترجيع وقف
رابع يوم الصبح لما اكلته رجع برده بس كان بيمشي براحه ورجله شيلاه وبيطلع السرير وينزل وبرده تبول لا ارادي ويومها رفض الشرب وبرده ماكلشي انا الكنت باكله بالسرنجه لحد مغرب برده ترجيع اتصلت بالدكتور يجي يديله محاليل ويشوفه قالي هيبقى كويس بس اكليه واديله محلول جفاف في البق ونقط لرفع الضغط علشان الهبوط فجاه القط وقع ومقدرشي يمشي على رجله ومات مات ومقدرتش اساعده مات بسرعه فجاه اتصل بالدكتور يقولي كان عنده فشل كلوي انا زعلانه جدا كرهت الدكتره من يوم موت قطتي هانم ومليجي كرهتهم بس كنت مضطره اروح للدكتور ومفيش مره بروح للدكتور غير النتيجه واحده موت قطتي بسبب الجهل وعدم الاهتمام وجربت اكثر من دكتور انا تعبت خلاص بفكر معندتش احتفظ بقطط جديده لان محدش بيعرف يعالجهم انا عارفه ان ده عمر بس لكل شئ سبب انا زعلانه جدا وحاسه بتانيب الضمير قططي مش بعرف اساعدهم وقت مرضهم

[الاليفه]

الكلام مو واضح
اتمنى تكتبـه باللغـــه العـربـيـه الفـصـحـى

♥

[فاتـــو]

لا حول ولا قوة الا بالله
الله يعوضك اختي
هل هو صاحب الموضوع هذا ؟؟
http://2zoo.com/vb/showthread.php?t=314773

انا لما شخصت له انه حصوي مثانه كان من الاعراض لكن كان محتاج لتحاليل
هل الدكتور سوى له تحليل دم ؟
هل العمليه اللي كانت ازاله الحصوى من المثانه ام من المستقيم ؟؟
وكيف الدكتور يقول انه فشل كلوي وهو مسوي له قسطرة ؟؟
الواضح من الاعراض اللي ذكرتيها فوق انه البنج كانت جرعته زايده ادت الى تخديره فتره اطول وتسبب له جفاف من قله الاكل والمويه

[MAMAMy]

لا حول و لا قوة الا بالله
الله يعوضك عنه
انا اعتقد انوا مات بسبب الاملاح هيه الي بتعمل حصوات
و الجفاف بسبب عدم شربه للماء و كمان علشان التبول اللا ارادي
انا بحّذر اصحاب القطط من المرض ده قطط كتير ماتوا بسببه و من ضمنهم قطي !!!
الله يعوضك عنه ان شاء الله

[هانم4]

المشاركة الأصلية كتبت بواسطة فاتـــو

لا حول ولا قوة الا بالله
الله يعوضك اختي
هل هو صاحب الموضوع هذا ؟؟
http://2zoo.com/vb/showthread.php?t=314773

انا لما شخصت له انه حصوي مثانه كان من الاعراض لكن كان محتاج لتحاليل
هل الدكتور سوى له تحليل دم ؟
هل العمليه اللي كانت ازاله الحصوى من المثانه ام من المستقيم ؟؟
وكيف الدكتور يقول انه فشل كلوي وهو مسوي له قسطرة ؟؟
الواضح من الاعراض اللي ذكرتيها فوق انه البنج كانت جرعته زايده ادت الى تخديره فتره اطول وتسبب له جفاف من قله الاكل والمويه

اسفه جدا على التاخير
لا اللينك ده خاص بقط ثاني والحمد الله بخير وخف
لا الدكتور معملش تحليل دم له خالص
معرفشي بس اعتقد من المثانه هو مش عملوا قسطره هو اعطى له بنج وفضل يضغط من اسفل الرجل كده لحد تحت لحد القط ما نزل البول يمكن اخد ساعه ونص او اكثر ورغم البنج القط كان بيتالم ولما نزل البول الاول كان فيه دم وبعد كده بقى ابيض
انا المزعلني وتعبني لحد دلوقتي ان الدكتور مش اعطى له محاليل رغم ان كنت بكلمه كل شويه واشكو له من الحاله انا حزينه جدا من نفسي ليه مش وديته لدكتور ثاني انا سالت الدكتور السوى العمليه اذا كان محتاج محاليل قالي لا انا بجد مش قادره انساه وعماله اقول ياريتني كنت عطيته محاليل هو مات من جفاف رغم كنت بديله ميه ومحلول جفاف من السرنجه مكنتش سايباه بس انا كرهت الدكتره فشله بمعنى الكلمه ومش عندهم ضمير اقوله القط بيموت عادي جدا بالنسباله بفكر مش هربي قطط ثاني لانهم بيموتوا مني وانا مش بعرف اساعدهم انا بجد زعلانه ومش قادره اتخلص من صورته وهو بيحتضر في ذاكرتي صعب جدا عليه الموقف ده صعب بجد والسبب ايه مش عارفه حسبنا الله ونعمه الوكيل في الدكتور لو هو السبب مش هسامحه وحق القط هياخده منه يوم الحساب

[هانم4]

المشاركة الأصلية كتبت بواسطة MAMAMy

لا حول و لا قوة الا بالله
الله يعوضك عنه
انا اعتقد انوا مات بسبب الاملاح هيه الي بتعمل حصوات
و الجفاف بسبب عدم شربه للماء و كمان علشان التبول اللا ارادي
انا بحّذر اصحاب القطط من المرض ده قطط كتير ماتوا بسببه و من ضمنهم قطي !!!
الله يعوضك عنه ان شاء الله

قطك مات بعد القسطره ازاي برده موت مفاجئ؟؟؟

[فاتـــو]

للأسف قطك كان ضحية للأطباء ضعاف النفوس مايهمهم الا جمع المال ..
مافي طبيب يشوف هالحاله ومايعمل تحليل دم او اشعة الا اذا اكان يستهبل
اتمنى من كل مربي مايقع بها الخطأ ويترك قطته في ايدي اطباء بلا ضمير
لازم الواحد يسأل عن الطبيب وسمعته وامكانياته في دكتور مبتدئ وفي محترف وفي ناس مالهم اصل بالطب
واذا لازم الامر يطلب منه الشهادة اللي تثبت اهليته لان يكون طبيب

يغلق لانتهاءه ..