كيف تجعل كلبك شرس لا يخاف

[راعي روتات]

السلام عليكم ورحمه الله وبركاته ...
شلونكم شخباركم


اليوم حبيت احط لكم موضوع عن شراسه الكلب وقوته لاني شفت شباب يشتكون ان جلابهم يخافون من الغرباء او اذا احد هوش لهم ما ينبحون ولا يدافعون عن نفسهم؟؟

اول شي امسك جلبك وخله على يسارك ولمس عليه ولعبه وخله يحس بالامان ...
خل صاحبك يدش عليكم ويبدأ بالتهوش من بعيد بيده ويطلع اصوات او التصفير
الكلب طبعا سيستغرب هذا التصرف الغبي هههههه
قوم انت وشجعه وناده بأسمه واذا نبح او حاول انه يهجم عليه خل صاحبك يركض مسرع خارج المكان ولا يظهر ابدا وانت ربت على راس جلبك وشجعه مثل برافووو وتصفيق الخ
خل صاحبك يكرر الحركه وراح تلقا الجلب تلقائيا يبي يهجم مع الحرص على عدم ضرب الكلب وتشجيعه وهالحركه انفعت معاي ومضمونه 100% وشكــرا اتمنى انكم استفدتوو

يا شباب انا جربت الحركه ونفعت معاي.. كلب عن كلب يفرق مو كل نجمه بالسما تبرق ههه شكو مادري المهم الي ما تضبط معاه عندكم موضوع اخونا المميز بو عزوز الي دايما يفيدنا ويمتعنا بمواضيعه الحلوه http://www.2zoo.com/vb/showthread.php?t=8118 وشكرا

[بوعزوز]

اخوي مشكور ويعطيك العافيه ولكني اريد ان اقول انه هذي الطريقه ليست مع جميع الكلاب تنفع وانا برأيي الشخصي ورأي الناس في الخارج اعذرني اخوي لا يفعلون هذي الشغلات ابدا حتي لكلاب الشرطه او اي تدريب وانا يعني تعبت وكتبت موضوع عنوانه ((الذي يلاعب كلبك أو جروك)) وهذا اللنك:-
http://www.2zoo.com/vb/showthread.php?t=8118
يعني اخوي انا جاوبت وبالتفصيل عن جواب سؤالك واذا في شيئ غلطان فيه ارجوا منك انت تبين لي أين لأني بعض المرات اخورها ههههههه وشاكرلك كل الشكر ويعطيك العافيه مره ثانيه.
وشكراا

[guitarq8]

شكــراً اخوي راعي الروتات على الهذا الموضوع الجميل ..

[راعي روتات]

هههههههه بو عزوز مشكور بس انا بالنسبه لي وايد وايد انفعت معاي هالطريقه مادري عنك
...
وشكرا على مرورك قيتار

[بوعزوز]

والله اخوي انا معاك ولا اريد ان ازعلك والطريقه ولا تزعل تنفع .
وشكراا

[راعي روتات]

عزيز وغالي واحنا نفيد ونستفيد وترى مافيها زعل يا بوعزوز

[milano]

اخوي حركتك تنفع بس مع مو كل الكلاب ،، وانا من الناس اللي مسويها زمان وتمام معايا

[بوعزوز]

تسلملي اخوي .
وشكراا

[راعي روتات]

يسلمك ربي .. العفو ولو

[addiction]

مشكووووور حبيبي على الموضوع