مصيبتي مع الكروان

[فطوم]

السلام عليكم

الكروان حقي اليوم طارت وطاحت بطشت (السنترال مالنا خربان وينزل منه ماي) طبعا الماي ماكان عميق ماغرقت لكن هالماي اكيد في مواد ضاره قلت شسوي شلتها وحطيها بالبانيو ورشيت عليها ماء دافي

المهم اهي ما والفت علي ليحين تخاف

انا حطيتها بالفوطه ونشفتها وقلت اقص جناحها بعدين رديتها القفص

بعدين رديت شلتها لاحظت دم على ملابسي مع اني متاكده اني قصيت فقط الاطراف اصلا اهي ليلحين تطير

انحاشت مني حاولت امسكها جان تنقز وطااار منها شكثر ريششش واااااااايد واااااايد نص ذيلها راح والريش كاامل!!

ولاحظت مثل ريشه عويهينزل من يمها دم مسكتها جان تطلع !!!!!!!!!!! وطلع معاها شوي دم و وقف



شسويي قولووليي؟
وهل هالريش الكامل الي طاح شي طبيعي لانها تبدل ريش؟؟
وليش نزلمنها دم؟؟؟

[micho]

والله مالى فى الكروان - لكن قلبى معاكى

[محمد يوسف]

الاخت الفاضلة فطوم
انا ما حدث مع طائر الكروان الخاص بكى هو امر طبيعى جدا ومن الممكن ان يتعرض له اى احد من الهواه لذلك لاتنزعجى وبالنسبة للدم سوف يتوقف تلقائيا .

[انا و سمسم]

اختي فطوم نصحنااااااك تودينها مختص يقص الاجنحه لانه في نوع من الريش اسمه
blood feather وهذا يكون في طور النمو و اول ما ينقص يطلع منه دم
والعاده ما يوقف الدم الا اذا شلتي جذر الريشه نفسه
اختي وديها البيطري ولا تستنين ردود من هنا بسررررررعه ومايصير الا خير
وانتنبهي ترا كثييير من الطيور ما عندهم البكتريا اللي تسوي تجلط للدم
يعني ممكن يقعد الدم ينزف ليييين تموت لا سمح الله فاذا كان الحين
الوقت متأخر وما تقدرين تروحين بيطري حطي على مكان االدم طحين
الاكل العادي اللي يحطونه مع الفطاير اتوقع
وان شاء الله يوقف النزيف

[فطوم]

اهي موقاعده تنزف وقاعده تاكل عادي؟؟

[انا و سمسم]

لا خلاص الحمد لله اذا مو قاعده تنزف هذا شي زيييييين
بس ولو بكره او بعد بكره روحي للبيطري بس تاكدي
لانه لو كان فيه blood feather مكسور ووقف نزيفه ممكن يرجع ينزف
في اي وقت فعشان كذا لازم ينتف من جذوره
بس انتي وديها البيطري وان شاء الله ما يصير الا الخير

[Mr. MeMo]

الاخت المبدعه فطوم

اعتقد انكي من الذين لهم خبرات كثيره مع الطيور و الحيوانات
الاليفه كما يعلم الجميع و جميل جدا انك حاولت قص ريش
الاجنحه بنفسك فمن المهم للهاوي يتعلم هذه الامور
بنفسه دون الاعتماد علي البيطري في كل شي
و ربما تحصل بعض الاخطاء البسيطه ولكنها
اشياء متوقعه و تحصل معنا جميعا
الامر طبيعي جدا و بخصوص كميه
الريش التي تساقطت لربما كانت بسبب
انك كنت ممسكه بها و هي تحاول الهرب
فامسكتي بريش ذيلها فتساقط ( عادي )
سوف ينمو من جديد ولكن يجب ان تطلبي
مساعده احد افراد الاسره في المره القادمه
لمساعده في مسك المقص و ما شابه

اما بخصوص الدم الذي نزف فهو امر شبه طبيعي
ففي بعض الاحيان نقص ريشه لم تكتمل النمو
و لذلك يحصل هذا النزيف و اليك بعض الصور عن
كيف المسك بالطائر وقت القص

[محب الكروان]

الاخت فطوم
الحمد لله على سلامة الطائر
انا اعتقد انه الان بخير مادام انه ياكل
لان الاخوف الاكبر كان من المواد الكيميائية ، لكن عدت بسلامة ولله الحمد .
والكروان طير صبور ومتحمل وهذي ميزة تدعونا للحفاظ عليه اكثر
الله يوفقك

[فطوم]

انا شاكرتلكم مروركم ونصائحكم والمعلومات المفيده الي اكتسبها منكم دائما

بس مستر ميمو انا للأسف ليست عندي هذه الخبره وبالذات مع الطيور بس مشكور لأنك رفعتلي احب المجاملات
- انا ماكنت ابي اقص جناحها عشان ماتكرهني بس ماكان اكو احد غيري يقصه وماحب احبسها بالقفص اهي تتضايق واخاف تطير وتعور نفسها فظطريت اقصه بنفسي

- اهي ليلحين تقدر تطير انا بس قصيت اطراف الجناح وهذا اللي محيرني

- اما خصوص الريش فانا ماكنت ممسكه فيها بقوه اهي بس طارت طار ريش من اماكن متفرقه بجسمها ريش كامل و وايد والله العظيم فوق ال10 ريشات هذا اللي حيرني

[katy]

انا عمرى ما اقص ريش الطائر لانى بخاف علية