كــاســكــو جــديــد

[QaDsia]

السلام عليكم ورحمة الله وبركاته

ياشباب انا عضو يديد واحتاج مساعدتكم انا مبتدأ في تربية الطيور

وماخذلي كاسكو يديد خل اقولكم شنو الي يسويه وياي وانا شسويت وياه

اهو من النوع الافريقي عمره بحدود السنتين مايتكلم غير متدرب وابيكم تساعدوني بخصوص التدريب


1. اول ما خذيته حاولت اني اخليه يتأقلم معا الستاند فترات طويله

2. قاعد احاول اقلل الاكل بالنسبه له

3. لما احاول اني اعطيه اكل يرمي الاكل

4. بس اول ماخذيته كان 24 ساعه يجاعر لما احد يقرب منه

5.الحين ثاني يوم له عندي وخفة الجعير لما اقرب منه لاكن ليلحين مايرضى اني المسه وفيه نسبة من الخوف

6. كل ما احاول امسح عليه يطير من الستاند ولما احط المس منقاره لمسات خفيفه يهدى شوي

7. في نسبة كبييره من الخووف واهي الي مو قادره تخليني اقدر ادربه

8. الاحظ عليه انه يدوخ بفترات من الساعه 6 المغرب يبتدي يحس بالدوخه عكس الكاسكو الثاني الي عندي ممكن اعرف حلول لهلمشكله

9. وشنو الطريقة الي تنصحوني فيها بالاكل والمعامله


عموما اذا في شي ماذكرته مهم قولولي

ويعطيكم العافيه مقدما ادري انكم ماراح تقصرون معاي

تقبلوني معكم

[QaDsia]

وشغله اخيره نسيتها

هل اذا كنت ادخن يمه هالشغله بتأثر على صحته ؟

[غوغو]

هل تتوقع انه الطير راح يركب على ايدك وياكل من ايدك ومايجعر في خلال يومين او ثلاث ايام ؟

الطير يحتاج لاكثر من شهر لحد مايتعود على المكان وعلى الناس اللي في البيت ، لاتحاول تخوف الطير منك وحاول تتجنب اي حركه اتخليه يجعر ، اذا كان يجعر لما تتقرب منه حاول تتقرب منه وفي ايدك ميداليه ملونه كبيره الحجم (اللي تستخدم في لعب الاطفال) وقدمها للطير وبينسى الجعير وبيلعب في الميداليه وبيعضها وانته بتكون قريب منه

بالمختصر خل الطير لما يشوفك يحس باحساس جيد كانك جاي تقدمله لعبه او اكل

وهذي المرحله الاولى انه الطير يتعود عليك وبعد مايتعود عليك ويخف الجعير ابدأ في تدريبه على الركوب على اليد

[QaDsia]

يعطيك العافيه جوجو

انا عارف ان لازم ياخذ فتره بس انا كتبت هالاسئله استفسر عليها

معا الوقت شراح اسوي وياه

[عازف الكيبورد]

السلام عليكم

أخوى مشاء الله عليك أسأله كثيره وكل سؤال عاوزله موضوع لحاله

أولا شيء أذهب للمواضيع المثبته عن الكاسيكو اقرئها وتجد كل الاجابات الوافيه

ولو التبس عليك شيء احنا موجودين

بنسبه لعملية الدوخه المغرب يبدو ان الطير متعود أنه ينام مع غروب الشمس ويصحى مع طلوعها

فهذا الروتين المتعود عليه الطائر يعنى ماهو متعود على برنامجك

بنسبه لتدخين أكيد بيضره رأت الطائر صغيره وحساسه


بنسبه للمعامله بعطيك قاعده لترويض

|(0 لا تجبر الطير على فعل شيء بل أجعله يفعله من نفسه )

يعنى لو بغيته يطلع من القفص لا تمسكه بل أفتح القفص وحطله فول سودانى فوق

حتى يطلع وهكذا في كل شيء وانت أبتكر طرق المهم أنك ما تخرج عن القاعده

[ظريف]

زي ماقال اخوي عازف الكيبورد انت ابتكر طرق لاني ولا مرة اخذت نصيحة من احد وزبطت وياي (العيب مني طبعا) اخر شي يوم يأست من كثر الطرق الي جربتها صار الطير يتعلم وتربى واحين صار يركب على اليد لكن المشكلة انه طول وياي تقريبا فوق الثلاثة شهور ولسة يخاف مني لن خوفه اقل بكثيييييييررررر وانشاالله باقي الاعضاء يفيدوك

[المدمر755]

احب ان انبهك ان التدخين يضر الطائر كثيرا ويضرك انت بعد واتمنى انك تبتعد عنة وتسلى بالطيور وان شاء الله تنسى التدخين
اتمنى اني ما تطاولت عليك لكن ما نصحتك الى لمحبتي لاخي المسلم
وانا اسف اذا بدر مني شئ غير لائق

[qadsiafans]

صب عليه بانزين وخله يدق زقارة :>