اشترك في نشرتنا البريدية ليصلك كل جديد

muadh1993 · 14-11-2014, 06:44 AM

السلام عليكم ورحمة الله وبركاته

-اخواني و اخواتي مثل ما تشوفوا في العنوان احتاج مساعدة في ترويض كاسكو تمنه.

-انا عندي الطير من شهر تقريبا و هو عمره ما بين سنتين او سنة و نص.

-ياكل من يدي و يركب يدي و يقلد بعض التصفير بس ما ممكن امسك راسه ابدا.

-البعض يقول ممكن تروض كاسكو الكبير في السن و البعض يقول لا

-و البعض يقول كاسكو تمنه عنيد و ما ممكن تروضه ابدا

-و اذا ممكن اروضه تقريبا كم شهر بياخذ مني؟

رآبت · 14-11-2014, 09:49 AM

في البداية بشكل مختصر

هل يمكن ترويض ببغاء كبير في السن سواء كاسكو او غيره ؟

الجواب : نعم

ثانيا هناك طرق عديدة يستعملها المروضين مثل المنشفه و وضع يد خلف راس الطائر ويد امامه بحيث يتشتت

وتلمس راسه لين مايتعود ..

ولكن انا طريقتي تختلف قليلا وانا جربتها على درتي وكان لها اثر من اول يوم !!

الطريقة كالتالي

اولا لازم الببغاء يكون عادي يطلع ع الايد وياكل من الايد وكل شي بس مشكلته الوحيدة هي اللمس

فتقوم تحطه على الستاند

وتوقف امامه

تفرد ايدك بشكل مستقيم على جسمك ..

تحرك ايدك على شكل قوس باتجاد راسه من فوق

طبعا لاتلمسه !!

مجرد توصل فوق الراس بمستوى شبر وقف

راح تلاحظ الكاسكو يرفع راسه عشان يعض

ماعليك انت استمر في الحركة نفسها

وكل شوي قلل المسافة

يعني اول 30 مرة خل المسافة شبر

بعدين قللها اكثر الين 10 سم مثلا

وبعدين ل 5 سم

وقلل كل شوي

لو حاول يعض لاتعانده خله ع كيفه وبعد ايدك رجعها لمسافة الشبر

وارجع قلل

كرر العملية فوق ال 200 مرة

راح تلاحظ مع التكرار الكاسكو مابيرفع راسه وبيكون عنده شوي امان

وراح يخليك تلمس راسه شوي ويمكن اول ماتلمس يرفع راسه !!

شي عادي

لكن مع المحاولة بيخليك تمسح ع راسه وراح يستانس بعد

وبعد فترة اول ماترفع ايدك راح ينزلك راسه عشان تلمسه

طبعا لاتنسى مع مد الايد قوله كلمه يتعود عليها مثل : راسك راسكك رااسك

او اي كلمه ثانية

دمت