محبوب الحبوب .. في حاله يرثى لها ..الرجاء الــمسـاعـده العاجله بما تجود به انفسكم..!!

[طير جديد]

يارب يقوم بالسلامة

اخوي

هذي سالفة طيري صارت معاي
انا عندي طير افريقي الطير خلص اكله الي في علبة الاكل وتفاجأة ان مافي اكل بالبيت مره وحده
وكان الوقت متاخر فا ماشريت لطير اكل والصراحة انا مهمل بتوفير الاكل لطيري
المهم حطيت لطيري تفاح بس هو مايحب الفواكه مثل الحب الشمسي
الطير جاع وقام ياكل من الاكل الي طايح قي ارضيت القفص ..... انا قلت زين ولا يجلس جائع كان هذا الكلامـ الساعة 2 في الليل
نمت وجلست الا الطير دايخ متبهدل نافش ريشه وخامل وعين مفتوحه والثانية مايقدر يفتحها
رحت شريت لالطير اكل وحطيت له لكن ماكل منه جلست اعطيه بس لاحياة لمن تنادي وخذ حبه فرحت لكن ماعرف يفتحها ((قلت انا ماينفع الا البيطري ورحت الى البيطري الساعة 2:30 الظهر وحسافة طلع مسكر اتصلت عليه قلت له عندي طيري افريقي وقلت له السالفة قال لي تعال بعد صلاة التراويح )) انا انقهرت وكان ودي اغلط عليه قلت له انت اللحين صاحي ولا تظمن نفسك دقيقة كيف الطير وفي ذي الحالة قال انا دوامي كذا
رجعت البيت ونظفت القفص وحطيت له مع الماء ثوم الى ان صار الماء رائحته ثوم واجبرت الطير يشرب وتحسن شوي
في اليوم الثاني صارت حالة قريبة من حالة طيرك ونفس الشي نظفت القفص وحطيت له الثوم وطلعته في الشمس وصار احسن الى ان صار كويس
والحمدلله


يارب تشافيه
بالتوفيق يالغالي

[بندولة حب]

اسأل الله ان يشفيه يارب والله من اعز الطيور على قلبي بهذا المنتدى

والأخوان ماقصرو

ولاتنسى ترقيه وبأذن الله ماقدامه الا العافيه والله كثير طيور تشافو على هذه الطريقه

[ابو محمــد]

لا لا لا ما يشوف شر اخوي ابو نايف تكفى طمني شخبار محبوب

راح اكلمك اليوم ان شاء واتطمن علية.

[راينو]

الله يشفيه يا رب و ان شاء الله يرجع احسن من اول

اخوي مثل ما قالت لك اختي بندولة

عليك بالرقيا و جرب القليل من ماء زمزم ( قلت القليل من باب الاحتياط ما ابيك تكثر و يصير شي للطير و انا اتورط يعني يمكن يفيده زمزم ) مجرد نصيحة

و ادع انه يتعافى اليوم جمعه و صيام ان شاء الله يستجاب دعائك يا رب ( آمين )

[g.s.990]

شوف اخوي عندي دوا مضمون

سوي شاهي لا تحط سكر بردة و اعطيه الببغاء بدل الموية

الطريقة مضمونة و مجربه

خلي الشاهي عندة لين يشرب نصه بس

اتمنى له الشفاء العاجل

تحياتي

g.s.990

[sniper-111]

أخوي أبو ناف الله يشفي طيرك وهاذي عين ما صلت على النبي
إن شا الله يكمل معاك العمر كله يا رب لكن ما أقدر أفيدك بشي لأن ما أعرف أربي أصلا

[كاسكووووو]

بشرنا يأابو نايف وش صار علا محبوب

[هاااايز]

اسئل الله الكريم رب العرش العظيم ان يشافي طيرك هذا اللي اقدر اقوله لك اخوي والله يجيرك في مصيبتك لان الموضوع من تاريخ 15-8-2010 له اكثر من 19 يوم طمنى عليه كيف حالته وش سويت معه عشان نستفيد

[ظاهر]

السلام عليكم
ربي يشفي محبوب يارب

عندي صديق عشاب قلت له عن مرظ الاسهال عند الطيور

قالي انطيه حب الرمان هو فيه ماده تروح الاسهال

ونا جربته مع الكاسكو الي عندي بعد فترت كم يوم صار تمام وتعافا من المرظ

[سكر]

لا حول ولا قوة إلا بالله

أسأل الله الكريم الحليم, المشافي المعافي, أن يشافيه,,

وانا رأيي من رأي أسير القلم و g.s.990

الشاي ممتاز لهذي الحالات, وبرضه ماء الرز المنقوع لمدة ساعة,,,

المشاركة الأصلية كتبت بواسطة g.s.990

شوف اخوي عندي دوا مضمون

سوي شاهي لا تحط سكر بردة و اعطيه الببغاء بدل الموية

الطريقة مضمونة و مجربه

خلي الشاهي عندة لين يشرب نصه بس

اتمنى له الشفاء العاجل

تحياتي

g.s.990

وربي يشفيه وتطمنا عنه يا ابو نايف,, ونشوفه معاك في الديرة نعيد سوى ان شاء الله