قصتي مع الهليكوبتر

[بوفهد]

يعطيكم العافيه ياشباب

شلونكم وعساكم بخير

اليوم بقولكم سالفه عجيبه تبين فيها شجاعتي

في سريلانكا وفي يوم من الايام كان عندنا لقاء مع رئيسة سريلانكا (( رئيسة الجمهوريه السريلنكيه )) علبالكم شويه تراني واصل .....لوووووول

المهم رحنا عند الرئيسه وقبل لانمشي قالت لنا لكم مني طياره عاموديه علشان توصلكم للمناطق البعيده اللي بتروحون لها (( هليكوبتر )) المهم شكرناها على هذي المبادره الطيبه

وبعد يومين رحنا القاعده العسكريه علشان نركب الطياره العاموديه وفعلا اول ماوصلنا قعدنا خمس دقايق ولا ذيك الطياره اللي توها نازله وفعلا اطلعت طيارتنا

وهذي صورة الطياره



قعدنا شوي ووصل وزير معروف بالدوله علشان يكون معانا بالرحله هذي (( ماقلتلكم واصلين احنا - رئيسه بعدين وزير )) ترى بعد ماوصلنا للسالفه ليما الحين

وبعدين طارت الطياره فينا متوجهه الى المناطق اللي بنزورها وفعلا كانت رحله رائعه فيها مناظر تعور القلب وخياليه

وهذا منظر من المناظر الحلوه



والحمد لله وصلنا بالسلامه وزرنا المناطق وخلصنا ورجعنا حق الطياره اللي ناطرتنا علشان ترجعنا (( هني بدت السالفه خلكم معاي زين )) وركبنا الطياره وفعلا طارت فينا بطريق العوده

والجو كان شحلاته بديييييييييع

شوي والا الدنيا تغييم يااااااااا تعااااااال الوضع تغير شوي جان يطق مطر رعد غيم لا لالالالالالالا شصاير شوي قامت تتهزهز الطياره يمين ويسار افاااااااااااا وين الواسطه وين الرئيسه وين الوزير طبعا الوزير قاعد مطقطق يمنا ، بعدين حسينا ان الطياره قاعده تطير بصعوبه ويلعب فيها الهوا يمين ويسار وفجأه لف الطيار بسرعه وبدى ينحاش عن الضباب اللي ترس الجو ، اي والله ياجماعه ماقمنا نشوف شي انا طبعا هني ماسويت شي (( بس قريت القران كله وتشهدت 274874848478474 مره وقمت استغفر وادعي الله انه ينجينا )) وبعدين انسدحت ونمت علشان ما اشوف شي وبيني وبينكم نوم الظالم عباده

وهذي صوره للضباب



وصوره حق الغيوم



وبعدين

فتحت عيني الحمد لله ولا احنا واصلين العاصمه اوووووف رااااااحه وناااااسه شي حلو رجعت الابتسامه على الوجوه والوزير اللي معانا قام يضحك اخيرا وقام يسلم على الطيار ويقوله مشكور مشكور وشوي ويبجي ويحب ريوله

بس بصراحه صج صعب هالطيار

وهني قررت انا اني ما اركب طياره عاموديه بعد الان ابدااااااااااااااا الا اذا صار الموضوع خارج عن ارادتي يعني غصبن علي

وهذي طبعا صورتي وانا نازل من الهليكوبتر وحدي مستانس



والحين شرايكم فيني وبشجاعتي وشلون قررت اني ما اركب طياره عاموديه بعد

والله ياجماعه السالفه طبعا الاساسيه اني تذكرت كلام الشاعر اللي يقول :

(( ندعوه في البحر كي ينجي سفينتنا ***** واذا وصلنا الى الشاطئ عصيناهُ ))

وهذي فعلا عبره كانت لي ولغيري من اللي طاح حظهم بهالهليكوبتر العجيبه

وتحياتي لكم وسامحوني على الاطاله

[لحن الخلود]

هههههههههههههههههههههههههههههههههههههههههههههههههه
لوووووووووووووووووووووووووووووووووووووووووووووووووووووووووووووووووول
لالالالالالالالالالالالالالالالالا
والله والله طول ما انا اقرا الموضوع ميت ميت من الضحك
طبعا انتا تدري ليش اضحك
بس والله رحله ممتعه ماتوقعنا سيلان حلوه جذيي
بس مو خوش سالفه والله الي صار
يالله الحمد الله عى سلامتكم
اخي العزيز بوفهد



.
تحياتي لك

[بوفهد]

تسلم على مرورك بالموضوع يا لحن الخلود

تحياتي

[قناص]

هاهاهاهاهاهاهاهاهاهاهاهاهاهييييييييي
بس يا بوفهد لو انا منك . . مجرد ما اشوف شكل الهليكوبتر ما اركب . . يا امعود يبين شكلها داقينها بمسامير . .

عالعموم الحمد لله على السلامه . .

[الاستاذ]

هههههههههههههههه وانت ماصدقت على طول ركبت لهليكوبتر بس احلا شئ المغامره في السفره علشان تكون رحلة مميزه بس عسى الوزير ماسواها على نفسه

[بو تركي]

هههههههههههههه يالله الحمدلله على السلامة بوفهد

[بوفهد]

تسلمون ياجماعة الخير على مروركم على الموضوع

تحياتي

[كدري الرتقه]

ماتشوف شر يا بو فهد بس ترى هم وناسه شوي اكشن لازم عشان تقول حق عيالك شصار فيك اذا شيبت بعد عمر طويل لوووووووووووووووول

وشكرا