لوتي اخاف تكون تعبانه :(

[كاميليا]

السلام عليكم ورحمة الله وبركاته

كيف الحال وكيف حال قططكم يارب تكونوا بخير جميعا .؟؟


..
راح ادخل في الموضو بعد اذنكم


- فجأه وبدون سابق انذار قطتي الله يحمي بساسكم
يخرج من فمها لعاب كتير - الله يكرمكم-.. ودآيمًا يخرج ..

استغربت جدا لمن شفت مع العلم انو نشاطها وأكلها كان طبيعي جددددا ..

اتصلت على دكتور بيطري اقولو على دي المشكله
فقالي انو عندها التهاب بالأمعاء ؟؟

المهم أعطاني الدوا وهادا اسمو (Amoxil)
وقالي اشتريه من الصيدليه البشريه ..

المهـم سرت اعطيه للبسه وتاخدو ..
والحمد لله راح اللعاب اللي كآن ينزل من فمها

وقالي خلاص وقفي العلاج ووقفتو "

بعد ماوقفت العلاج
سرت اشوف البسه ناااايمه وخملانه مع العلم انها كانت داايما نشيطه وتلعب
وبعض الأحيان كده تطلع زي الصوت كده (امممم) بس نادرًا تطلعو

تقوم تاكل وبعدين ترجع تنام
واحيانا في الصبح اشوفها تلعب ..

اكلها طبيعي برازها الله يكرمكم طبيعي كل شي فيها طبيعي
بس انها سارت كسلاااااانه مرره فخفت يكون الدوا اللي اعطاني هوا الدكتور مضر

الله يسعدكم ساااعدوني وأرشدوني
اخاف يكون فيها شي وانا مادري ><

[azoz12331]

كم عمرك قطتك

[كاميليا]

تقريبا سبعه شهور

[azoz12331]

ممكن تكون قطتك ارتاحات مع الدواء وصارت تنام ..
وقطتك الان في مرحلة بلوغ ومثل ما تعرفين انه تتغير طباعها بهالفتره والقطط البالغه ما تلعب مثل الكتين كثير ..
والأفضل انك تراجعين العيادة وتخلي البيطري يفحصها والله يوفقك ويسلمك قطوتك

[كاميليا]

المشاركة الأصلية كتبت بواسطة azoz12331

ممكن تكون قطتك ارتاحات مع الدواء وصارت تنام ..
وقطتك الان في مرحلة بلوغ ومثل ما تعرفين انه تتغير طباعها بهالفتره والقطط البالغه ما تلعب مثل الكتين كثير ..
والأفضل انك تراجعين العيادة وتخلي البيطري يفحصها والله يوفقك ويسلمك قطوتك

إن شالله الله يسمع منك ويسعدك يارب ..
انا وقفت الدوا من يومين كده

بس البسه اليوم سوت شي غريب ><

كانت تمشي فجأه جلست وتطلع صوت (ميو) وتتنفس بسرعـه
شويه كده قامت ولا كأنو شي سار : "( ..

انا خايفه عليها مرره .. بس ان شاالله زي ما اتفضلت وقلت يكون شي بسيط يارب
الف شكر لك الله يعطيك العافيه ماقصرت

والله يوفقك ويسعدك دايما

[azoz12331]

تسلمي .. وزي ما قلت لك لا تهملينها وراجعي البيطري .. وان شاء الله ما عليها شر

[شاهستا]

شوفى كدة فى روشته العلاج فى مكوناته فى كورتيزون ؟

[امال شاعر]

العلاج اعطيته قبل كدا لقطتي مرره ممتاز

وهادي الايام الجو حار فلقطط تحس بالحراره وتلهث كثير وممكن من الحر يطلع العاب

عندي سوشي نفس عمر قطتك بتنام كثير وكثر دلعها ودائما احس قلبها يخفق بقوه وديتها

قلي الطبيب عادي بس تغيير في الهرمونات والبلوغ بيغير نفسيتهم لا تخافي ان شاء الله خير