سؤال للي جرب تربية المكاو

[كويتي777]

السلام عليكم

اخواني ابي اسئلكم عن المكاو شرايكم فيه كطير هل حلو ول لا وهل يسوا ان اربي واحد

بصراحه انا حاب شكله بس مادري عن تربيته

انا معروض علي واحد فرخ عمره 5 شهور مايعض ابدا وجناحه كامل مع قفص كبير ب 400 دينار كويتي هل يسوا ول لا

وشكرا

[كويتي777]

يعني تقريبا سعره بالريال ما يقارب 5000 الا ريال تقريبا


ولونه الازرق واصفر

[ابو احمد الشهري]

والله أنصحك أشتريه وهو من أحلئ وأجمل وأفضل أنواع الببغوات

وسعره يعادل 5184 ريال سعودي تقريبا . وعدنكم 400 دينار لو أنا مكانك أشتريه .؟.

الله يوفقك ويقدم لك مافيه الخير .

[كويتي777]

جزاك الله خير اخوي بو احمد وعساك عالقوة يارب

يوفق الجميع يارب

شكرا علي مرورك وردك الطيب

[نوني..]

اذا بتتحمل صراخهـ لانو عالي جدآ اذا ابعدت عنهـ او خلص اكله او يبغاك تشيلهـ لين تجيهـ

بس هالنوع جدآ حنون وذكي وراعي حركآت حلوهـ ويتعلق بصاحبهـ

وخذلك اليف لان منقارهـ مرعب

+ هالنوع يحب التخريب والتدمير بجميع انواعهـ هو والكوكاتو

وبالتوفيق يارب

[كويتي777]

المشاركة الأصلية كتبت بواسطة نوني..

اذا بتتحمل صراخهـ لانو عالي جدآ اذا ابعدت عنهـ او خلص اكله او يبغاك تشيلهـ لين تجيهـ

بس هالنوع جدآ حنون وذكي وراعي حركآت حلوهـ ويتعلق بصاحبهـ

وخذلك اليف لان منقارهـ مرعب

+ هالنوع يحب التخريب والتدمير بجميع انواعهـ هو والكوكاتو

وبالتوفيق يارب

مشكوره اختي علي ردج

ترددت كثيرا بعد ماقريت ردج وممكن اني اكنسل

لاني ماحب الازعاج ابدا ابدا وماحب الي يخرب ويدمر يعني بتعبني معاه

شكرا لج فتحتي عيني علي عيوب مهمه

[نوني..]

التخريب تقدر تسيطر عليهـ ماتخليهـ قريب لاثاث خشب وتوفر له خشب يكسرهـ

والصراخ فطره فيهم بس بعض المكاوات تجي هاديهـ أسأل صاحبه اذا مزعج

بس هالنوع جدا ممتع ومميزاته تغطي على عيوبهـ يكفيك جماله سبحان الخالق

[ٌابوعمر]

صحيححححح كلام اختي نوني اضافه الي ذالك ترا صراخه اببببد ابببد ابببد ماله وقت فجئه يصرخ انت جنبه وتلعبه عادي يعطيك صرخه وسط الليل يعطيك صرخه يقومك من احلى نومه هههههه بس فعلا فعلا فعلا اذكى طير مررر علي اذكى طيررر بلا منااازع واذا تدرب صح ممكن يتكلم حاله حال الكاسكو وان تدرب صح يصير بهلواني درجه اولى وان تدرب صح تقدر ترميه بسماء يدور ويرجع لك حتى لو تلاحض المقاطع بل يوتيوب اكثر طير يطيرونه هو المكاو لانه فععععععععععععععععععععععععععععععلا ذكي جداااا بنسبه لي لو انا عايش بروحي بل بيت كان اشتريت بدال المكاو عشره هههههههههه

[نوني..]

ابو عمر فعلا من ناحيه الطيران وكذا ماشاءالله بارك الله طير ذكي جدآ ويعرف اصحابهـ

+

اعارضك هنآ انو مايصرخ غالبا الا بثلاث حالات لما يكون بمكآن غلط يبغاك تأخذهـ او ضايع + لما يخلص الاكل +

لما يبغاك تشيلهـ او لعبت معهـ وخليتهـ يبدأ يصارخ يبيك او قفلت بوجهه باب غرفتك هههههه انواع الصراخ

ومرات يعطيك كم صرخه اذا كان مبسوط بس صرخه الفرحه غير صرخه الغضب هههه هاذيك شئ

تخرق الاذان وبقووووهـ

ياربيييه حنيت للمكآو طير مميز فعلا اجمل واذكى طير مر علي

وفعلا كلامهـ واضح جدآ ويلعب بالاصوات ماشاءالله عكس اللي قريتهـ او سمعتهـ عنهـ

[ٌابوعمر]

^^
ممكن مكاو عن مكاو يفرق هههههه بس فعلا طير ذكيييي كانه انسان مو طير ما شاء الله