مبتدئة ومحتاجه توجيه

[MoOoOoOn]

السلام عليكم ورحمة الله وبركاته ..

عندي قطه .. مشكلجية واجرام بعد ماتتصورنه ورى عيونها البريئة الي يشوفها يخق عليها لا اله الا الله ..

المهم ..

عندي كم استفسار وربي يعينكم .. وسوري على كثرة الاسئله

1- جبت ذكر لـ ايميلي وشكله تم التزواج لان مابقى طراقات مااكلها منها .. وشكله هو يبي بس مو معطته مجال الا ويتشوهه.. السؤال .. عضته وقرمت شوي من شعره تنتف في هذيك المنطقة وفيه شروخ .. قمت عقمتها ببيتادين هل صحيح ولا ؟

2- ضربها للذكر بشكل غير طبيعي حتى لو هو بعيد تروح له وتطقه وتنحاش وهو هاجد مايتحرك ؟

3- الذكر مريض ووديته البيطري قام قال فيه ديدان و حرارة مرتفعه جداً قام عطاه الدكتور ابرتين وعطاني له مضاد بيتاموكس مرتين 7 ايام وعلاج الديدان كبسولات افتحها واخلطها مع الاكل لمدة 3 ايام لهم اثنينهم وبعدها كل اسبوع مره .. اربع ايام الحين من عطيته العلاج بس ماحسيته مثل اول ..

4- بعد ثلاث ايام رجعت الحرارة للذكر بس وقف الترجيع وجاه اسهال ( الله يكرمكم ) وللحين معاه والحرارة تجي وتروح عليه سويت له كمادات وظليت اعطيه الدواء دايم خامل وحزين .. بس شهيته للاكل زينة .. هل في خطر عليه ؟

5- ايميلي مزاجية بشكل مو طبيعي .. ماتبي تاكل اي شيء بس تشم وتروح وديتها للبيطري قال طبيعية .. بس تشرب ماي كثيررررررررر و قلت له عطني فاتح شهيه عطاني معلبات دجاج وتونة قلت له ماتاكل الا دراي فود والحين عافت كل شي قال عطيها وبتاكله .. جربت ماكلت حرمتها من الدراي وهم ماكلت خلطته مع الدراي ماكلت .. تشم تلحس وتروح ..قبل لاوديها للبيطري لههث بالسيارة بشكل غريب مثل الكلب خفت عليها هاوشت اهلي قمت صبيت لها ماي ماشربت .. حسبت انها عطشانه بس اول مره كانت تلهث ؟
عطيتها بأيدي تاكل بصراحة بس مو الي يرضي يمكن عن الخاطر لقمتين ان كثرت اربع بس ؟ هل في حل الاقي عندكم جننتني ماتبي اكل ؟

6- شريت لها سرير حاولت اعودها عليها ماتبي ياتنام تحت سريري ولا على السراميك في اي مكان ولا على كتبي ؟


7- الذكر طلع ماخذ ولا تطعيمه في كل حياته وعمره سنه .. وهي ماخذه كل تطعيماتها .. هل في ضرر عليها منه .. وخاصه بعد التزاوج ..ومدري اذا حملت ولا للحين مابين ؟سوري اسئله كثيرة بس الله يجزيكم خير ..ويعافيكم ..

[دلوعةقطوتي]

السلام عليكم ورحمة الله وبركاته ..

وعليكم السلام ورحمه الله وبركاته

عندي قطه .. مشكلجية واجرام بعد ماتتصورنه ورى عيونها البريئة الي يشوفها يخق عليها لا اله الا الله ..
الله يحفظها لك

المهم ..

عندي كم استفسار وربي يعينكم .. وسوري على كثرة الاسئله

1- جبت ذكر لـ ايميلي وشكله تم التزواج لان مابقى طراقات مااكلها منها .. وشكله هو يبي بس مو معطته مجال الا ويتشوهه.. السؤال .. عضته وقرمت شوي من شعره تنتف في هذيك المنطقة وفيه شروخ .. قمت عقمتها ببيتادين هل صحيح ولا ؟

صح عليك عقميه مرتين باليوم ب بيتادين

2- ضربها للذكر بشكل غير طبيعي حتى لو هو بعيد تروح له وتطقه وتنحاش وهو هاجد مايتحرك ؟

شريره امزح معاك فيه قطط ماتتقبل قطط ثانيه وخصوصا اللي تتربى لوحدها

3- الذكر مريض ووديته البيطري قام قال فيه ديدان و حرارة مرتفعه جداً قام عطاه الدكتور ابرتين وعطاني له مضاد بيتاموكس مرتين 7 ايام وعلاج الديدان كبسولات افتحها واخلطها مع الاكل لمدة 3 ايام لهم اثنينهم وبعدها كل اسبوع مره .. اربع ايام الحين من عطيته العلاج بس ماحسيته مثل اول ..
كملي المضاد ل7 ايام واهم شي كل 12 ساعه بالضبط مو تاخرين او تقدمين والله يشفيه

4- بعد ثلاث ايام رجعت الحرارة للذكر بس وقف الترجيع وجاه اسهال ( الله يكرمكم ) وللحين معاه والحرارة تجي وتروح عليه سويت له كمادات وظليت اعطيه الدواء دايم خامل وحزين .. بس شهيته للاكل زينة .. هل في خطر عليه ؟

لو استمرت الحراره ارجعي للدكتور يعطيه ابره مخفضه للحراره
وكمدي بطنه والاطراف
والاسهال وقفي عنه الحليب والاجبان والتونا والسمك لانها تزيد
اكليه مهلبيه بدون سكر ربع الكاس حليب وثلاث ارباعه الباقيه مويه رز مصري والنشا (لوماتعرفين الطريقه اسالي ماما)
او دجاج مسلوق مع بطاطا ورز مصري بيساعد على وقف الاسهال
كمان السيريلاك بالرز

5- ايميلي مزاجية بشكل مو طبيعي .. ماتبي تاكل اي شيء بس تشم وتروح وديتها للبيطري قال طبيعية .. بس تشرب ماي كثيررررررررر و قلت له عطني فاتح شهيه عطاني معلبات دجاج وتونة قلت له ماتاكل الا دراي فود والحين عافت كل شي قال عطيها وبتاكله .. جربت ماكلت حرمتها من الدراي وهم ماكلت خلطته مع الدراي ماكلت .. تشم تلحس وتروح ..قبل لاوديها للبيطري لههث بالسيارة بشكل غريب مثل الكلب خفت عليها هاوشت اهلي قمت صبيت لها ماي ماشربت .. حسبت انها عطشانه بس اول مره كانت تلهث ؟

اللهث لانها خايفه شي طبيعي
بالنسبه للاكل اللي عندي تجيها فترات ماتاكل بس اعطيها فاتح شهيه
والاكل لاتتركيه قدامها خليه 10 دقايق ماكلت شيليه واتركيها بعد كم ساعه رجعيه واذا مره طفشتك ماتاكل اخلطيه بالخلاط وبالغصب اكليها شوي او وسخي فمها وهي بتنظفه

عطيتها بأيدي تاكل بصراحة بس مو الي يرضي يمكن عن الخاطر لقمتين ان كثرت اربع بس ؟ هل في حل الاقي عندكم جننتني ماتبي اكل ؟


جاوبتك بس لاتعوديها تاكليها بيدك تصير ماتاكل

6- شريت لها سرير حاولت اعودها عليها ماتبي ياتنام تحت سريري ولا على السراميك في اي مكان ولا على كتبي ؟

النوم كل القطاوه مزاجيه صعب تجبريها على مكان
ممكن تجربين الكات نيب في سريرها ممكن تحبه او اتركيها على راحتها

7- الذكر طلع ماخذ ولا تطعيمه في كل حياته وعمره سنه .. وهي ماخذه كل تطعيماتها .. هل في ضرر عليها منه .. وخاصه بعد التزاوج ..ومدري اذا حملت ولا للحين مابين ؟

لاان شاءالله اذا مافيه امراض ماعليها ضرر
والديدان عالجيها منها
بس انتبهي لو حامل ماتاخذ علاجات ولاتطعيمات

[MoOoOoOn]

تسلمين ياقلبوووووو .. وسوري غلبتك معي ..

بس في شي .. انا للحين مدري هي حامل ولا .. وقال الدكتور لازم تاخذ علاج الديدان .. لان الذكر احتمال كبير يعديها .. وقلت له لو حامل قال مافي ضرر ..

العلاج اسمه
vetscription
worm away


ربي يوفقك .. ومثواك الجنه ياااااااااااااااااااااارب ..

[MoOoOoOn]

ونسيت الله يعافيك ..

مع انها عندي من اربع او خمس شهور تقريبا .. واناديها بأسمها .. بس تجحدني مع اني امسح عليها .. واكلمها واهمس بأسمها بس .. بمزاجها تجي .. واذا حسيت عطست او برد عليها لان يانومها بالغرفه عندي .. احط الملحف عليها .. تقوم تعطيني هذيك النظرة الشريرة .. وتروح ابعد مكان عشان محط عليها شي .. ههههه بس عسل على قلبي احوبهاااا..

وفي سؤال صغيروووون عادي اذا عطرتها .. بأي عطر تنصحين فيه حتى لو بودة اطفال .. احممها كل يومين .. بس من جبت الذكر وهي لها ريحة مو زينة .. والذكر ماشاء الله مع ان اصحابه مايحممونه الا مرتين في الشهر بس ريحته ريحة اطفال مع انه عندي اسبوعين حممته مره وحده ؟

الله يجزاك خير .. وبيض الله وجهك ماقصرتي معي

[دلوعةقطوتي]

امين وياك يارب والمسلمين
اسفه عالتاخير ماعرف الدوا هذاياثر اولا بس اللي اعرفه ان اغلب الادويه تاثر على القطه وهي حامل
استني لاتعطيها شي الا بعد ماتتاكدي انها مو حامل او استني لبعد الولاده
بالنسبه للعطر البشري ماينفع قوي عليها وممكن تتحسس منه
فيه عطور خاصه للقطط من تجربتي قطوتي ماتحبه وتهرب لما امسك العلبه فتركته ورميته
فيه بودره الدراي كلين رووعه ريحتها وتنظف الشعر وفيه كمان بخاخ ترشيه وتتركيه دقيقه وتمشطين شعرها ينظف والريحه يمي

[MoOoOoOn]

الله يعطيك العافية يا حنونة ..

بس انا بديت لها العلاج حق الديدان على ضمان الدكتور لو حامل مايضر .. الله يستر ..

وبالنسبة للروائح العطره .. وين الاقيها .. وسوري غلبتك معي ..

.. وفي شي الله لايهينك .. المعذرة منك .. حطيت صوور للشريرة ايميلي .. والوسيم الي زاوجتها منه .. ممكن تلقين نظرة .. وتشوفين .. هل النسل حقهم بيكون نايس ولا ..

http://www.2zoo.com/vb/showthread.php?t=244224

الله يجزاك خير

[himo21]

[دلوعةقطوتي]

الله يعافيك يارب ويسلمك
البودره والعطور والبخاخ تلاقيهم بمحلات الحيوانات الكبيره
اما الانتاج بيطلع مون فيس ان شاءالله مستوى الانف عند الام والاب نفس الشي بيطلعون الكيتز عليهم عسولين ماشاءالله
والالوان بعلم الغيب
الله يفرحك فيها

[MoOoOoOn]

ألله يسلمك عزيزتي ..
ويوفقك ويسر لك ربي دروبك ..

سوري غلبتك ..