سؤال عن ترويش الكاسكو

[w7eed aljazerah]

السلام عليكم جميعا

حبايبي انا عندي

كاسكو هولندي فرخ عمره تقريبا 7 شهور

وعندي

كاسكو افريقي عمره سنه ونص

بسألكم عن طريقه الترويش وافضل طريقه مستخدمه للترويش وياليت مرفقه بفيديو للتوضيح اكثر

وايش رايكم الحين برد عليهم يعني اتركهم طول الشتاء ما اروشهم ولا وشلون الطريقه بالضبط

يعطيكم العافيه

[eaglesa38]

عليكم السلام ورحمة الله وبركاته

اخوي من المعلوم ان الببغاء الهولندي ضعيف المقاومة للامراض
وكثير من الببغاوات الهولندية تموت بسرعة
لهذا انصحك لا تروش طيرك لين يجي الصيف يكون كبر شوي وصارت مقاومته اقوى
لان اذا صار عنده التهاب بالجهاز التنفسي ممكن يموت خلال ثلاثة ايام من الاصابة بالمرض



تحياتي

[Zezooooo]

والله انا اايد كلام الاخ الي فوق
واذا انك مظطر تروشه روشه بمويه دااااافئه <<< بس لا تحرقه
وبعدين حطه عند الدفايه

[المقبل]

انصحك لا تروشه الحين نهائيا

[h4eak]

--------------------------------------------------------------------------------

عليكم السلام ورحمة الله وبركاته

اخوي من المعلوم ان الببغاء الهولندي ضعيف المقاومة للامراض
وكثير من الببغاوات الهولندية تموت بسرعة
لهذا انصحك لا تروش طيرك لين يجي الصيف يكون كبر شوي وصارت مقاومته اقوى
لان اذا صار عنده التهاب بالجهاز التنفسي ممكن يموت خلال ثلاثة ايام من الاصابة بالمرض


انا ايد هالكلام مئه با المئه

[بلاك بيري]

السلام عليكم ورحمه الله وبركاته

اخي الفاضل تحيه طيبه وبعد

الببغاء الرمادي الهولندي طائر جدا حساس وقوه مناعته تعتمد بالاول وبالاخير على المربي وعلى مدى اهتمامه ومدى ما يقدمه له ومدى الحفاظ عليه
ان لم تكن لديك الخبرة الكافيه لترويش الهولندي خصوصا في هذه الاوقات لانها تعتبر خطر وتضع الطائر فريسه سهله لمختلف الامراض سواء كانت البكتيريه منها او الفيروسيه
يفضل الابتعاد عن الترويش

هذا والله اعلم

تحياتي

[w7eed aljazerah]

الله لا يهينكم ويعطيكم العافيه والله ,,
بس طيب كيف طريقه الترويش وايش استخدم (( بخاخ المويه )) ولا احطه في البانيو واروشه احسن ,, وهل انشفه انا ولا اخليه فتره ينشف نفسه بنفسه

[eaglesa38]

طريقة الترويش

تروشه بخرطوم الماء مثل الصورة



او الرشاشة وناس يسمونها البخاخة



ولكن احذر ترش على وجه الطير
لان اذا دخل الماء في انف الطير ممكن يموت
ايضا مراعاة درجة حرارة الماء بحيث تناسب حرارة جسم الطير
بعض الببغاوات والتي تم تدريبها وتعليمها يضعون لها ماء في وعاء كبير يناسب حجم الطير
ويضعون الطير بالماء ويقوم بترويش نفسه بنفسه
لكن عندنا النسبة الكبرى يستخدمون خرطوم الماء او البخاخة
لا تنشفه هو ينشف نفسه بنفسه


تحياتي

[w7eed aljazerah]

يعطيييك الف عااااافيه

[ٌابوعمر]

انا الي عندي الهولندي ماروشته لييييين كمل 8 شهور وكنت خايف عليه بعد روشته وحطيته بغرفه لا يدخل عليه هوا
طريقة الترويش ابد رشه بمويه دافيه من جميع انحاء جسمه الا الوجه وبذات الانف وماعليهم شررررر ان شاء الله مايصير شي خلهم لين يجي الصيف عشان الجو بيكون حااااااااااااااااااااااااااااااااااااار في دقايق ينشفون