ياجماعه افيدوني

[امزوني]

السلام عليكم ورحمة الله وبركاته
اخواني عندي ببغاء امزوني وصراحه اتعبني اكثر ما يأكل ارز اذا شافني آكل قامت الدنيا حتى افتح القفص ويجي ياكل مو بس الارز اي شي موجود ياكله ومادري يضره ولا لا؟
وبعدين ايش رايكم بالفلفل اقدر اقدم له ولا ماينفع؟
والمشكله صارله الحين شهرين وماتكلم ولما اشتريته كان يتكلم والاحظ كأنه يبغى ينطق بس ماقدر . ايش المشكله؟
وكيف اقدر ازيل الخوف منه مع العلم انه يأكل من يدي بس لما احاول المسه يخاف ويهرب؟

ارجوكم ردو علي
واشكركم جميعا ...

[كاسكو البحرين]

اخوي أمرك بسيط

شي جيد ان الطير ياكل اي شي لانه في بغبغاوات تم تعويدها من الصغر على العباد الشمس والفول السوداني هو مفيد جداً عباد الشمس والفول ولكن الافود يكون هناك تنويع في انواع الاكل ولكن انت راقب شنو اتقدم للأمزون فمثل البقدونس مضر له وحبوب الفتاح اللي بالداخل مضر يعني اذا بتقدم له قطع تفاح اعزل البذور الموجود فيه وحذاري من الشكولاتة حتى لو كانت قليلة والافوكادر لانه راح يسبب له مشكلة في الهضم ،وعليك بالبرتقال والبطاطا والبطيخ والبقول المطبوخه مثل الحمص والعدس والفاصوليا والمشمش بإختصار الفاكهة والخضروات

ممتاز ان ياكل من يدك وحاول انك تأكله من يدك اكثر الاوقات لانه هذه الطريقة بظل الطير يبني الثقة بينه وبينك وبعدين راح تقدر تلمس وتمسح على راسه بدون هروب يكون في علمك مدة شهرين غير كافية للطير عشان يتعود على الجو الجديد عليه اصبر عليه وبخصوص الكلام حاول وقت الأكل وانت تأكله من يدك تتكلم معاه ،بداية لاتقول كلام جديد عليه حالياً اعرف شنو الطير كان يتكلم وكرر عليه الكلمات اللي يتكلمها واللي انت سمعته ينطقها واكرر عليك استخدم هذه الطريقة وقت الأكل وان شاء الله بكون الطير معاك بأحسن صورة بس عليك بالصبر والصبر مفتاح الفرج

انا الاحظ اغلب الاعضاء المربين للطيور يركزون على الفلفل بشكل ملحوظ جداً اخي بما ان الطير اللي عندك ياكل كل شي فستغل هذه النقطة بتنويع الاكل المفيد ونسى موضوع الفلفل لانه بصراحه هناك إجابات مختلفه هناك من يقول مفيد وهناك من يقول مضر انت اقطع الشك وقدم للطير ما لذ وطاب من الفواكه والخضروات

وهذه هدية مني لك صورة للأمزون



تحياتي والمعذره على التقصير

كاسكو البحرين

[امزوني]

تسلم ياخوي كاسكو على معلوماتك القيمة وان شاء الله بلتزم بها
صراحة افرحتني وريحتني الله يرزقك الجنة

[كاسكو البحرين]

امزوني عزيزي ماسوينا غير الواجب وانت بعد لاتعتمد على هذه الاجابة فقط تصفح في المنتدى ورجع الى المواضيع اللي قبل وستفيد


تحياتي لك وتمنى لك كل خير