معلومات عن الروت ويلر

[romyo0o]

السلام عليكم ورحمه الله
انا هكتب عن كلب بحبه موت كلب شجاع و قوي ووفي اكيد انتوا تعرفوا هو:الرود فيلر
مواصفت الجسم
الحجم يعتبر من الكلاب الكبيره المتوسطه ( يعنى مش عالى زى الدان مثلا )
الارتفاع- الذكر من 60 : 65 سم --- الانثى من 55 :60 سم
الجسم - بناء عضلى قوى مش ممكن تغلط بينه وبين كلب تانى
الراس - حجم متوسط متناسقمع حجم الجسم
العين - متوسطه لوزيه الشكل بنيه اللون (عسلى )
الفك - قوى يحتوى على 42 سنهعند الكلب البالغ
الاذن - على شكل مثلث على جانبى الراس متدليه للامام
الظهر- مستقيم فى الوقوف والمشى
الصدر- عضلى
الارجل - ارتفاع متناسق مع الجسم
اللون - اسود للجسم مع وجود لون حناوى فى اماكن محدده وغير متداخله مع الاسود وهى
الحاجبين - الخدين و تفصل بينهم الانف سوداء - جزء من الصدر اسفل الرقبه( الحزء المغطى للقفص الصدرى - الارجل الاماميه من الكوع الى القدم - الخلفيه من اسفلا الركبه الى القدم
الذيل - اسود وهناك كثيرين وانا واحد منهم( وإن كنت لا املك واحد فى الوقت الحالى للاسف ) يفضل قطعه فى سن صغيره جدا

الصفات الشخصيه و المزاجيه


يعتبر الرت فايلر مطبعا معاه حق واثق من نفسه ومعتز بشخصيته وده بيبان جدا فى مشيته الواثقه و وقوفه
و الثقه العاليه بنفسه دى بتكون مشكله لصاحبه لو معرفش يطوعه ويعرفه مين القائد فيهم بس منغير ما يجرح كرامته لانه عنيد
ولو صاحبه عرف يتفاهم معاه بيكون الكلب ده غريب جدا انا شخصيا لمست ده مع اصدقاء مربينه بيكون حنين وبيدلع معاه فظيع ولو عايز تصدق بص لعنين الكلب تحس انه حنين وعسول جدا ( طبعا تبصلها فى صوره لان النظر للكلب فى عنيه بيعتبر تحدى وزى متكون بتقوله ورينى انت مين وانا منصحش الروت يوريك هو مين )
كلب حراسه من الطراز الاول بطبيعته بيحمى مكانه و اصحابه و لازم يتعود على وجود الناس و متخفش ( انا مضطر اعتمد الموضوع و ابقى اكمل بكره فاكر يا محمد الى حصلك فى موضوع الجريت دان )
معلش هكمل الموضوع واسف انى قطعت فى النص
والورت فيلر كلب ميعتبرش مزعج يعنى مبينبحش على الفاضى و المليان لما يكون فى حد غريب داخل على البيت او حيوان قطه مثلا او كلب غريب لاكن فى ملاحظه كانت عند واحد صاحبى ان كلبه اول ما ابتدى ينبح زى ميكون فرحان بنفسه كان ماشى على مثل من عجبه صوته علاه بس الحكايه مطولتش تلات اربع ايام
يستحب ان الروت يتربى فى البيت من صغره ويتعود على طباع صاحبه واهله وخصوصا لو فى اطفال واحزر من انك تعلمه اللعب بالعض لان فكه قوى وانت الى هتندم لو علمته اللعب بالعض ( والموضوع ده لكل الكلاب بس الروت فكه جامد هو و البوكسر و البيت بول )
الروت مش محتاج تعلمه الشراسه زياده عن اللزوم لانه مبيحبش الاغراب بطبيعته بس برضه ميتعودش على ان كل من هب ودب يلاعبه وياكله يعنى يشوف الناس ويمشى وسطهم بس مياخدش عليهم يعنى الاجراء العادى لكلب الحراسه بيطلعه كلب فوق العادى لطبعه الشخصى
ممكن يتربى مع كلاب تانى لو اتعود على كده من الصغر بشكل عام
واخيرا منصحش يكون الروت اول كلب تربيه لانه محتاج خبره شويه لعناده وشخصيته القويه لاكن كلب ذكى و مخلص

[kacime]

10000شكر

[romyo0o]

2000000000000 عفو حبيب قلبي نورت

[الهولي]

وعليكم السلام ورحمة الله وبركاته

اشكرك على حماسك في تنزيل مواضيع بس يريت تكون من مجهودك

وليس نسخ ولصق او مع بعض التغيرات البسيطة جداً

عن الروت وايلر بذات يجب ان يكون موضوع يليق بالاسطورة الي هي الروت وايلر

اتفضل خذ فكره من اساتذة المنتدى وتعلم عن التنسيق والترتيب والصور لتوضيح الشرح

بالتفاصيل الدقيقة جداً

http://www.2zoo.com/vb/showthread.php?t=260047

[ibrahim sherif]

رابط رهيب شكراااا

[Octopus]

اتفق مع الهولي و لفتني شي و يسعدني اوجه الى اخوي رومي

ارجو منك اخوي رومي قراءة هذا الرابط لانه فيه شيء هام بالنسبة لذيل الكلب و قطع ذيل الكلب الروت و غيره لا تجوز الا في حالات الطبية و ذيل الكلب يسعاده على التوازن و غيرها



http://www.2zoo.com/vb/showthread.php?t=241070

[ra22d]

مع كلام الخبراء
الله يعطيك العافية

[Ovic]

يعطيك العافية

[سعودي تايم]

شكرا عالمعلومات

[عاشق الكلاب و القطط]

شكرا ع الموضوع