الحقوني يا شباب !!! زغلول الحمام بين الحياة والموت !!!

[kingofbirds]

السلام عليكم .. بغيت المساعدة يااخوان .. اليوم رحت الى الحمام فلم اجد الا الذكر جالس في العش مع ابنه الفرخ الصغير .. ولكن لم اجد الانثى فقد فتشت في كل مكان ولم اجد اي شيء ... يااخوان انا قاعد على اعصابي .. وخايف على صغير الحمام .. هل يستطيع الاب اطعامه ؟؟ علماً بانه واحد فقط ... وخوفاً من هروب الاب قررت نقلهم الى قفص آخر .. هل سيطعمه بعد ان انقله .. الله يخليكم بسرعة ردو علي لاني قاعد على اعصابي وصار لي 3 شهور انتظر فقس بيضة واحدة فقط لان البيض كله غير مخصب وبعد تغيير الازواج والنقل اخيراً فقست هذه البيضة .. مشكورين .. تحيااااااااااتي

[ehap_ali2005]

اخى الفاضل يستطيع الذكر تاكيل الزغلول اذا كان حجمه كبير قليلا ولكن انصحك بعدم تغيير مكان الذكر والزغلول وان لحظه ان الزغلول لم ياكل قم بتحضينه على الفور تحت زوج اخر وقم بمساعدت الزغلول فى الاكل اذا كان حجمه يقبل الاطعام بليد

[قطرررررررررررري]

لاتحاتي ان شاء الله ذكر راح ياكل الفرخ لين مايكبر

واذا حبيت تنقل الفرخ مع الذكر لاتوديهم قفص كبير حاول تنقلهم من مكانهم لين محكر

لان فالعاده اذا خليت الجوز فالمحكر عادي حتى لو غيرت له المكان مايتاثر بسبب صغر المكان

اما لو نقلته لقفص كبير فاكيد مراح يطعمه

واذا عندك جوز منتج حضنه تحتهم واذا ماعندك

وكان حجم الفرخ صغير وايد فاحسن حل تخليه عند ابوه فتره بسيطه لين مايكبر شوي

وبعدها خلاص انت اللي لازم تطعمه كل يوم وان شاء الله راح يكبر ويعدي الخطر عنه

وهذا رابط كيفية اطعام لفروخ من اعداد اخونا زيزو

http://www.2zoo.com/vb/showthread.php?t=25419

[kingofbirds]

مشكورين ولكن الفرخ عمره سبعة ايام وقد فتح عينه .. ومحكري صغير الذي سأنقلهم له .. وانا عندي زوج عنده بيض فقط .. هل اضعه لهم ؟؟ لان ذكرهم عدواني درجة اولى ..

[ليث سعد]

ترك الوضع على ما هو عليه وستعود الانثى لان الذكر سيظل باطعام الصغير حتى ولو ظل وحده لاتغير شيء

[zajeel2005]

عموم الذكور تبدأ باطعام صغارها من اليوم العاشر اذا كانت الانثى موجودة وبعضها يبدأ من اليوم الثالث للفقس حسب حنانه على الصغار واعتقد مثل حالة طيرك راح يطعم الفرخ ان شاء الله بس الامر اللي ضروري تتأكد منه هو حضانة الفرخ ليلا لأن الذكور غالبا لاتحضن في الليل ويمكن يتأثر الصغير من البرد ,, ومثل ماقالو الزملاء اذا فيه جوز ثاني عنده صغار بعمر اليتيم حضنه تحتهم - تحياتي

[kingofbirds]

الذكر تركه خير شر .. قمت انا اطعمه !! مالحل ؟؟

[ehap_ali2005]

حضنه تحت جوز اخر فى نفس عمر الزغلول

[kingofbirds]

جميع الازواج الا عندي لديها بيض فقط !! الحقوني يااخوان .. والله شكلي بتخلى عن تربية الحمام وسأتوجه الى تربية البادجي والزيبرا فقط ..

[قطرررررررررررري]

انا اللي اشوفه انك خلاص انت اللي تطعمه

شوف حاول تخليه في مكان دافئ مثل الطريقه اللي نعامل فيها فروخ الببغاء

علبه فيها قطن علشان الدفئ او قش وتخليه مكان معتدل مائل الي الدفى

وانت تغذيه كل يوم ماظن تغذيته متعبه لان الحويصله تكون واضحه اذا فيها اكل او انها فاضيه

انت حاول انك ماتخليها تفضى على الاخر ولا انك تمليها على الاخر

فاليوم مرتين تطعمه بيكون على ما اعتقد كافي وكل ماكبر الفرخ راح تزيد جرعة الاكل

وفتره بسيطه وراح يكبر الفرخ ويبتدي شوي شوي ياكل بنفسه والله يعينك

صج بتتعب...لكن اول يكبر الفرخ راح تحس بسعاده وبعد احتسبها اجر عند رب العالمين

والله يوفقك ويعينك............................تحياتي