الذبان لعب بالخيل

[ابرق]

ياشباب الذبان متجمع على الحصان هل هو طبيعي ولالا وله حل ارجو الافادة

[ابو عبدالله21]

اخوي في قطعه لذبان تنحط على الراس في الصباح وتنشل في المغرب

[خيال العروبه]

يالغالي الذباب حله لازم تتنضف بايكة الخيل بشكل يومي

وطلع الخيل برا وشب محله نار لكن مو نار قويه دخااان فقط يساعد ..

[Zebras]

اخوي الذبان شي عادي في كل الحيوانات مو الخيل بس

القطعه الى يتكلم عنها الاخ ابو عبدالله هي واقي للذبان لوجهة الحصان فقط

اخوي خيال العروبة عذرا ولاكن طريقتك بدائية جدا وفيها خطر كبير على الخيل لانها تسبب سموم في غرفة الحصان يجب ان تكون من انظف الاماكن غرفة الحصان


اخوي انا اقولك طريقة ممتازة اول شي يجب الاهتمام بعناية الاسطبل في الاساس
وضع نفايات الاسطبل بعيد عن غرف الخيل وايضا مكان تصنيع الاكل وتغسيل الشعير
اخراج الحصان من غرفته وغسلها بالصابون والديتول ورش مواد من الصيدلية البيطرية للحد من الحشرات والدود الى في اكياس النشاره

وفيه بخاخ Spray insecticide في شركة cavalor مضاد للحشرات ترشه على جسم الحصان
وان شاء الله بعد كذا راح يختفي الذبان

بس اهم شي العناية الكاملة بالاسطبل لان اشياء بسيطه لن تتوقع ان لها تاثير راح تسوي لك مشاكل كثيره
منها سرعة نقل العدوى واصابة الخيل بالحساسيه امراض في العين وامراض في التنفس

والله يبعدنا عن المرض

[خيال العروبه]

احترم كلامك اخوي .. وكلامك سليــم مئه بالمئه بلا شك وطريقتي انا صحيح بدائيه ..


لكن والله ثم والله لو فيها خطر على الخيل كان ما سووها الاوليين وكان حتى خيلي مرضت !!!

هذا انا انضف بايكات الخيل تبعي واشب فيها شويت طبينه (( مجموعه اوراق شجر او جذوع ميته ))

وبعدها اطفيها واشيلها و اسكب الترابالجديد على البايكه كاااامله وارجع الخيل كما كااانو .. ولا

يصيبهم اي ضرر

لما تكون الخيل برا البايكه راح تكون بالبادوك طبعا ..

ولا راح تدخل الا لما يخلص كل شي ويتنضف مكانها مع التراب الجديد .....


يالغالي والله لو ان فيا خطر .. ماكان كتبتها .. ع العموم


الله يجزاك خير .. واسف اذا كنت مخطئ ومحد معصوم ..