اشترك في نشرتنا البريدية ليصلك كل جديد

أبو الببغاوات · 07-08-2008, 10:10 AM

السلام عليكم ورحمة الله وبركاته

كيفكم

هذي قصة حقيقية حدثت لنا في رحلة قبل تخرجي من المتوسطة <<<<< قبل الإختبارات افهموها

المهم دحين ابدأ

سافرنا إلى مكة والفرح يملئ قلوب الأطفال <<<<<<<<< اقصد الطلاب
سوينا عمرة وعلى البركة انتهينا وحلقنا وشربنا ماء زمزم
ثم ذهبنا في الليل إلى مدرسة في مكة اسمه : دار الحديث المكية أما نحن من دار الحديث المدنية .
المهم نمن رجعنا من العمرة إلى المدرسة رحنا غرفنا وكل غرفة فيها 5 أو 6 أو 7
أما أنا من الجماعة الإعلامية أي نحن الي نسوي نشاطات في الرحلة
وفي اليوم الثاني صحينا الفجر ورحنا نصلي في الحرم
صلينا الفجر وجلسنا إلين الساعة السابعة <<<<<< يا الله مناظر خلابة وأصوات العصافير الرائعة بس باقي الببغاوات خخخ
المهم رجعنا والي نام والي صاحي بس انا كنت صاحي
ورحت اتمشى في الدور الأول لوحدي وأنا أكلم الوالدة عن طريق الهاتف وفجأة الاقي
الأبواب تنفتح لوحدها قلت يمكن رياح أو ما شابه <<<<< للمعلومية قبل أن اكمل في وسط الرحلة تمنيت اني لم أتي هنا .
والوالدة قالتلي زور أقاربك الي في مكة قلتلها طيب بس بعد ما أخذ الأذن من مشرف الرحلة
المهم قلتله ممكن ازور اقاربي قال بس هذا على مسؤوليتنا لو سار لك حادث لا قدر الله
لو .. لو .. لو .......... إلخ المهم الين ما وافق زرتهم من العصر إلين العشاء والطلاب
راحوا الحرم أخذوا جو هناك
رجعنا في الليل ونمن رجعنا كل واحد طلع غرفته يقرر ايش يسوي دحين
وقال المشرف حنخلي اليوم سهر الين الفجر وبعد ما نصلي نروح
اغلب مجموعتي راحوا يلعبوا كرة قدم وما بقي في الغرفة الا انا وواحد مشغل كمبيوتره المحمول<<<<<<< مغرم كونان
وأنا قاعد أجهز الفقارات وبعدين نزلتلي 3 كتب وهي : سؤال وجواب ، 501 نكتة ، فوائد الرمان
وأنا قاعد اتصفح كتاب فوائد الرمان الاقي كتاب النكت تتحرك اوراقه بشكل غريب أي
صفحة ويوقف 3 دقايق وبعدين يتحرك وهكذا أنا ما شال همي شيء على طول قلت : ريح
وفجاءة دخل طالب الغرفة وهو مفجوع : وقاعد يبكي وطبعاً رجعوا أعضاء مجموعتنا
وقلنا وأنا في الحمام الاقي اشوف ظل يتحرك ويقرب من الحمام ونمن فتحت اختفى الظل
أنا قلت مؤكد : ريح <<<<<<<<< ايش اسوي قلت كذا وأنا اضحك
وفجأة يجي واحد ثاني ويبكي وبخوف وبقوة ويقول : وأنا في الحمام جيت بستحم نمن قفلت الباب
باقيلي اقفله بالقفل جيت بقفله لقيت القفل يتحرك وقفل بنفسه رحت خرجت وبسرعة من شدة الخوف
وفجأة جانا المشرف على الرحلة وسمع الهرج والمرج وقال : باقلكم شيء أنا أمس جيت بتأكد
إنكم نايمين ولا لا بس نزلت الدور الأول والأبواب مقفلة وفجأة الأبواب تنفتح زي ما يفتح أي واحد
الباب طالعت جوة ما لقيت أحد رحت شردت الغرفة ونمت وانا بقلكم البيت مسكوون
وسمعت قصة سارت لواحد انه نمن راح الدور الأول انقطعت راسه .
دحين أنا حسيت بشيء غريب وفجأة ونحن خايفين قلنا خلينا مع الطلاب وهم يلعبون
ومن نزلنا والخوف يملأ قلوبنا وإذا بأحد اللعيبة قد سقط وهذا الاعب خاف والطلاب شافوه وهو يطل
ورة ويرتجف قالوا ايش فيه : قال تحط على شيء حسيته بشكل مو طبيعي ولا مرة حسيته
والمهم وصفلنا كيف لا كان حجر ولا كان ..... ولا ........... إلخ والطلاب خافوا الا مجموعة
من البدو <<<<<< آسف بس هذي القصة
يلعبون طيري وفجأة واحد منهم طاح طيحة بسيطة بس قوموه وفجأة <<<<< لا أحد يخاف
عينه تتحرك اي تطلع البؤبؤة إلى فوق بكل راحة وبسهولة والمهم العين تتحرك فوق تحت فوق تحت
عرفنا إنه جاله مس
نادوا الأساتذة جاوا وقالوا رحوا المطعم وأخذ أحد الأساتذة يقرأ على الطالب وعلى الموية
وأخذ الموية يبخ عليه وتعرفون طريقة لكي تجعل الجني يتكلم مو لازم اقولها
جاوا الأساتذة بيسون الحركة بس نحن ملاقيف
دخلونا غصب وبالضرب ودخلنا المطعم والمشكلة جابوا افخم انواع الرز والدجاج والرحلة مكونة
من 12 مجموعة والمجموعة الوحيدة الي اقلت مجموعتنا خخخخخخخخخخخخ
بس أنا الي صرلي اليوم نزلت تحت الدور الأول وفتحات الأبواب وقراءة الكتاب <<< الجني طفشان جاء يقراءة 501 نكتة
ولكن أحمد الله أنه لم يسير لي مكروه
بس بقلكم تخيلوا إنتم مكاني عاد الله يعينكم
وانتظر ردودكم وبالتوفيق ويا رب ما يسير لأحد هذي القصة