حقوق الحيوانات في الرياض ؟ هل من مجيب

[truth in life]

السلام عليكم ورحمة الله وبركاته

سجلت في هالمنتدى خصيصا عشان احصل احد يهتم بالحيوانات اللي تتألم وما تتكلم

حصلت ارقام كثيره على انها من ضمن حقوق الحيوان ولا حياة لمن تنادي وبحثت كثير في النت ولقيت واحد في تبوك شكله مهجور من قرن

قصتي الحين انه كان عندي قطه جايبه من صاحبي وما فيه ابد شي كمل السنتين عندي ودخله برد بسيط رحت اعالجه في محل حيوانات وطبعا المحل عشان يكسب من الزبون فراح يستخدم سياسة السرقة الباردة عبارة عن يبتلي الحيوان مليون مرض عشان كل مره ادفع من جيبي وفجأة في اليوم الثاني اروح عشان اشوف قطتي واخذها البيت اللاقيه مشرحها قدام عيني ويقولي حاولت اعالجها بس ما قدرت !!!!!!!!!! عذر اقبح من ذنب قبح الله وجهه وبكل بساطه يقولي عندي قطط للبيع ؟؟؟؟؟؟؟؟؟؟؟؟؟؟؟
وطبعا لما قلت له بشتكي عليك واجيب حقي منك قال وين تشتكي فيه ؟!! صادق الرجال هنا عندنا ما في شي اسمه حقوق الحيوان بالذات للقطط والكلاب عشان كذا الحرامية تزداد سرقة ونهب في محلات الحيوانات عندنا واحنا طبعا نشجعهم على كذا عشان نشتري منهم ونزيد من ارباحهم ونخسر فلوسنا ولا الحين محل .... اللي راعيه .... والبيطري حقه.....شغال وناجح وما احسن منه ويبيع قطط مريضة ومع ذلك ناجح ما اعرف كيف؟

وعدت نفسي ان ما اجيبها ابد المهم مره سنة على الموضوع هذا واختي الصغيره جتها حاله انها تبغى تربي بسه وصجتنا في البيت
قلت يمكن تحسنوا او فيه تطور في محلات الحيوانات رحت اشتريت هالمره من محل الحيوان اسمه......
اشتريته صغير طبعا طلع القط اعرج قال في البداية عادي عشان انه صغير وانه ما يعرف يمشي والكلام الفاضي هذا قلت اوكي خلينا ورا الكذاب الى النهاية
كبرت عندي الى 4 شهور القطة ما زالت عرجة ورجلها منتفخة وشكل مشيتها مرعبة رحت وديت له وهالمره حالف ان اني ما اسكت له ابد راح خاف وقال لي بسوي لك عملية مجانيه طبعا عالجه لي وعمل عملية جراحية في رجله وفي النهاية مات القط طبعا اشتكيت راعي المحل وقال اننا بنطرد السوري والمفروض يعوضوني بس ما عوضني ولا ريال رغم اني شاريها 2500 ريال على قطة مريضة غير مصاريف علاجها من الصيدليات

سؤالي الحيين ما في حقوق الحيوانات وبالذات خاصة بالقطط عشان اوقف هالحرامية عند حدهم او عادي يستمر مسرحية النصب والاحتيال بالاخص بالرياض !!!!!