الافريقي جاب لي الارق..من غير ميعاد...

[التركماني]

السلام عليكم رحمه الله وبركاته

ياربي دلني للي فيه الخير وسبب لي من اهل هالمتدى من يرشدني ياربي


مدري ابدا من القصه والمشكله ...

المهم هذا الطير شرفنا له خمس ايام تقريبا

اشتراه زوجي لعيالي كانو يبون بسه وهو مايحبها ابد فجأه دخل علي ومعه ببغاء

اول شي الببغاء عينه سودا مره وصاحب المحل يقول عمره 4شهور

جاب معاه استاند الكبير فقط من غير قفص
اول ليله نمنا صحينا ندوره في الصاله وموسخ الدنيا كلها وخفت عليه لايكون الحق ضرر في نفسه
ثاني ليله ماقدرت انوم قاعده احرسه وعلى غفوه مني نط على الارض مع انو الدنيا ظلام وبصراحه اصابني رعب في اخر هاليل خفت عليه يجوع ومدري كيف اطلعه لمكانه
حملته بيدي ورفعته
من بكره ماعاد يرضى ياكل من يدي مثل العاده واذا قربت منه يمد رقبته باتجاهي بشكل مبالغ ويفتح فمه ويطلع صوت بس خفيف

انا صرت ابعد عنه لاني اشمئزيت من شكله بعد ماشفت صور لفراخ الافريقي مع اني في البدايه كنت متقبله له والمسه عادي بس الحين لالالا
لان الي عندي ماله ريش على رقبته وصاحب المحل قال لزوجي عشان توه صغير يطلع بعد فتره
الله يهديه ماكان الفروض يشتري شي مايفهم فيه

طبعا من يوم دخل البيت وانا مسنتره قدام النت على مواضيع الببغاوات

بموت من دخل بيتي ماانام احسه بيموت احس بيصير له شي ومدري وش الدبره معه
وكل هذا وابو الشباب مايدري وش انت ياطير ببغاء ولاغراب يمر من عنده ويصرخ في وجهه
ويوم قلت شكل فيه شي يامنزعج من نطت البارح يا متضايق مني لاني شلته ورفعته وخاف مني
ضحك علي

اذا مايزعجكم بحاول انزل صوره

[مـحـمـاس الـمـنـحـاس]

اختي الكريمه
في البدايه مرحبا بك بين اخوانك
وان شاء الله راح نفيدك كل واحد منا بما عنده من معلومات ان شاء الله

اول شي اختي
الطير في هذا العمر يحتاج الى عنايه خااصه واهتمام وذلك لصغر عمره
اهم نقطه في هذا العمر ابعااااده عن اي تيارات هوائيه
لأنها مضره جدا جدا له

ومن كلامك عن عمره وعدم اكتمال الريش حول رقبته
اتوقع والله اعلم ان الطير يحتاج الى الان الى مساعده في الاكل
من الممكن ان يكون في حاجه الى الغر (الاطعام اليدوي بواسطه سرنجه)
والاكيد انه يحتاج الى بعض الاطعمه اللينه(الذره المسلوقه-البطاطا المسلوقه-الترمس-البليله وبعض الخضار المسلوقه) بالاضافه الى الحبوب

من الخطء اختي الكريمه ترك الببغاء بدون قفص وبالاخص ان الطائر جديد على المنزل وصغير بالعمر

ومثل ماتكرمتي من الممكن ان يقع عن الاستاند ولايستطيع الرجوع اليه ومن الممكن ضياعه داخل المنزل مما قد يؤدي لاسمح الله الى موت الطائر سواء من الجوع او العطش او حتى من المخاطر المحيطه به في المنزل (الادوات الحاده -مخاطر الكهرباء والاسلاك الكهربائيه-او حتى الانحشار بين الاثاث او الاختناق بأي قطع صغيره موجوده في البيت)

لذلك اتمنى منك الاسراع في احضار قفص مناسب للطائر
ومن الممكن ترك الطائر اغلب الوقت على الاستاند ولكن وقت النوم يكون في القفص

واي اسأله ثانيه نحن في الخدمه

[التركماني]

المشاركة الأصلية كتبت بواسطة مـحـمـاس الـمـنـحـاس

اختي الكريمه
في البدايه مرحبا بك بين اخوانك
وان شاء الله راح نفيدك كل واحد منا بما عنده من معلومات ان شاء الله

اول شي اختي
الطير في هذا العمر يحتاج الى عنايه خااصه واهتمام وذلك لصغر عمره
اهم نقطه في هذا العمر ابعااااده عن اي تيارات هوائيه
لأنها مضره جدا جدا له

ومن كلامك عن عمره وعدم اكتمال الريش حول رقبته
اتوقع والله اعلم ان الطير يحتاج الى الان الى مساعده في الاكل
من الممكن ان يكون في حاجه الى الغر (الاطعام اليدوي بواسطه سرنجه)
والاكيد انه يحتاج الى بعض الاطعمه اللينه(الذره المسلوقه-البطاطا المسلوقه-الترمس-البليله وبعض الخضار المسلوقه) بالاضافه الى الحبوب

من الخطء اختي الكريمه ترك الببغاء بدون قفص وبالاخص ان الطائر جديد على المنزل وصغير بالعمر

ومثل ماتكرمتي من الممكن ان يقع عن الاستاند ولايستطيع الرجوع اليه ومن الممكن ضياعه داخل المنزل مما قد يؤدي لاسمح الله الى موت الطائر سواء من الجوع او العطش او حتى من المخاطر المحيطه به في المنزل (الادوات الحاده -مخاطر الكهرباء والاسلاك الكهربائيه-او حتى الانحشار بين الاثاث او الاختناق بأي قطع صغيره موجوده في البيت)

لذلك اتمنى منك الاسراع في احضار قفص مناسب للطائر
ومن الممكن ترك الطائر اغلب الوقت على الاستاند ولكن وقت النوم يكون في القفص

واي اسأله ثانيه نحن في الخدمه

ربي يوفقك
يعي انت ترى ان عمر اربع شهور عادي تصير رقبته ماعليها ريش!!!!

الاكل الي استخدمه نفس الي جا معه كيس فيه حب شمسي ومخلوط معه اشياء ثانيه واربع وعشرين ساعه ماشاءالله ياكل منه
وكيس مثل الطحين نخلطه بمويه واعطيه اياه بس شكله مااعجبه


واتوقع اني ببيعه اليوم ماابي احط في ذمتي شي لان وجوده في البيت يبله مشقه شوي
ابي رايكم

[ابوفزاع]

اقترح عليكم تبيعونه

يبيله عنايه طيركم فرخ صغيّر

ومالومه يوم انه مايبي البسه

وش اردى من ذا غير ذاك

خل يجيبلهم بادجي او مدري وش اسمه

او طير صغير وش حليله يونس العيال

او تجيبون درّه اليفه وجاهزه وش حليلها

[التركماني]

مشكورين ممكن تفيدوني
ليه كل مامريت من عنده يطلع صوت أأ أأ أأ ويفتح فمه بقوه ويمد رقبته وكانه يحاول ينط علي

[مازن محب الببغوات]

السلام عليكم ورحمة الله وبركاتة

يااختي الببغاء يطلع هذا الصوت لانه فرخ لازم تجييبين سرنجة وتحطين فيها سرلاك الطيور وتعصرين السرلاك في حلقة لانه توه صغير يبالة عناية وفي خلطة ثانية بدال السرلاك شوي احطها لك ولازم تجيبين قفص بحجم متوسط
شوفي المواضيع في المنتدى وشكرا

[مازن محب الببغوات]

تصحيح معلومة هذا صوت الجعير للببغاء وهذا الصوت طبيعي لانه خائف لازم يتروض

[مـحـمـاس الـمـنـحـاس]

المشاركة الأصلية كتبت بواسطة التركماني

مشكورين ممكن تفيدوني
ليه كل مامريت من عنده يطلع صوت أأ أأ أأ ويفتح فمه بقوه ويمد رقبته وكانه يحاول ينط علي

من الممكن انه يسوي هالحركه عشان ينغر

يعني عشان تأكلينه بالسرنجه او برواز الابره مثل ماقلت لك سابقا السريلاك
وهذا واضح لما قلتي ان الاكل اللي جا معه فيه مثل الطحين يخلط بمويه

ومن الممكن انه شعور بالخوف ورده فعل من الطير يبي يخوفك

ما اقدر احدد الا لو شفته
عشان كذا يفضل لو تصورينه وتعرضين لنا مقطع الفيديو عشان نعطيك الجواب الاكيد

[مـحـمـاس الـمـنـحـاس]

المشاركة الأصلية كتبت بواسطة التركماني

واتوقع اني ببيعه اليوم ماابي احط في ذمتي شي لان وجوده في البيت يبله مشقه شوي
ابي رايكم

والله خيتو طيرك بالعمر هذا
مثل ماقلت لك يحتاج عنايه خاصه
واهتمام
واذا ماعندك او عند احد من عايلتك خبره في الببغاوات
اقترح عليك تبيعينه وتدورين لك طير اكبر منه في العمر
يكون لون عيونه رمادي فاتح او ابيض ويكون مدرب وجاهز افضل
لأن الببغاوات اللي في عمر طيرك كثييييييييير اللي تموت عند اصحابها خصوصا في مثل هذا الوقت من السنه وتقلب الاجواء

والله يعينك خيتوو

[التركماني]

مشكورييين
وبحاول انزل صوره حتى تقدرون ااهل الخبره تفيدوني على بينه <<اخليه ولا ارجعه