اول مزرعة دود حي قمت بـ انتاجها

[فهد الخليفة]

السلام عليكم ورحمة الله

ازيكووو ياقدعاااااااااااااااان عامليييييين ايه النهرده

مبسوووط بصراحه اخر بسطه على المجهود الكبير والعميق والفذ والذي بذلته خخخخخخخ

ندخل في صلب الموضوع
ياطويلين العمر والسلامه انا لي فتره ادور على دود حي في الرياض وماحصلت عشان اطعم االاسماك حقتي

فقلت خلني اجرب الطريقه المعتاده الي هي طين وورق وبقايا الاكل الخ الخ واشوف النتيجه
طبعاً بعد اسبوع ونص فتحت العلبه وحصلت فيها حشرات تطير فــ تقرفت ورشيتها بفليت وخليتها لمدة يومين
واليوم قلت خلني انبش في الحوض يمكن فيه شي وانا انبش والا وكانت المفاجئه الكبرى
دوووووووووووووووووووووود ابيض
وانا الي اطير من الفرحه
فقلت لازم اغير التربه واعيد الترميم من اول وجديد عشان مايتسمم الدود ويسمم السمك
واحاول انقذ اكبر عدد من الدود الي باقي عايش

فقلت مره وحدا خلني اصور واشرح لكم الطريقه السهله والعنيفه والاكثر من رائعه

المطلوب

1- صندوق له غطاء ومايهم اي صندوق بس هذا لقيته جاهز في البيت




بقايا خضروات وبيضه لان البيض بسرعه يتعفن وينتج لنا الدود



ورق طباعه ابيض ماينفع ورق الجرايد والورق الملون لوجود الحبر الي يعتبر سام لدود




----------------------------------------------------------------------------

والان المقادير الخاصه لدود

نقوم بتقطيع الورق ونضعه داخل الصندوق ونرشه بالماء

ونغطي الارضيه بالسماد طبعا السماد تشتري الكيس بـ 5 ريال كيس كبير مره ويكفي حق انتاج
عشر مزارع دود واهم شي بعد تغطية الارضيه لازم نرش السماد بالماء ونخلطه كويس عشان تكون فيه فتحات تهويه

ونقوم بتقطيع الخضروات

وبعد مابللنا التربه بالماء نضع المقادير كلها طبعاً انا اضفت كبده ولحم لان الدود يكبر بسرعه اذا فيه لحم

وبعدها نغطي المقادير بالتربه مو كثير فقط لتغطيه ونرش الماء فوقها

ونغطي الصندوق ولابد تكون هناك فتحات تهويه في السقف

ونلف الصندوق بقماش او فوطه عشان يعزل ضوء الشمس وعدم دخول الحشرات الغير مرغوب فيها

وخلوها في الحوش او البلكون او اي مكان تبون وبعد عشرين يوم افتوح الغطاء ونبشو التراب وراح تشوفون الدوووووووووود طبعاً انا انقذت الدود واضفته في الصندوق وانشاءلله يتكاثر وهذي صوره لدود الصغير بالون الابيض

طبعاً الدود يستخدم لاطعام بعض من الطيور والاسماك الشرسه
والاسماك الكبيره والعناكب وبعض من الحيوانات الي تتغذاء على الحشرات
ويحتوي على كثير من البروتين الازمه لهذه الحيوانات
اتمنى يكون الشرح والموضوع مفيد

هذا الموضوع من تعبي الشخصي ولا اصرح بنقله لاي كاااان الا بعد اخذ االاذن

[الآسطورهـ]

ابدعت اخوي فهد الخليفه ..

واعضاء كثير يبحثون عن طريقه لآنتاج الدود ..

لكن عندي تعليقين ..

البيض ماينتج دود !

لكن يساعد على تواجد الدود ..

والتعليق الثاني بالنسبه للسماد

يفضل يكون طبيعي ..

ومشكور على مجهودك ..

[salman-q8]

ماشاءالله عليك

مشكور يالغالي على جهدك
تقبل ودي...~~

[فهد الخليفة]

المشاركة الأصلية كتبت بواسطة الآسطورهـ

ابدعت اخوي فهد الخليفه ..

واعضاء كثير يبحثون عن طريقه لآنتاج الدود ..

لكن عندي تعليقين ..

البيض ماينتج دود !

لكن يساعد على تواجد الدود ..

والتعليق الثاني بالنسبه للسماد

يفضل يكون طبيعي ..

ومشكور على مجهودك ..

اخوي الاسطوره يعطيك الف عافيه ومقاصرت على تعليقك الي اسعدني

واشكر اهتمامك اخي الكريم

بخصوص التربه فهي سماد طبيعي 100 في 100
وبخصوص البيض انه من خصائصه بسرعه يتعفن وينتج لنا الدود وهذا الي قريت عنه
-----------------------

المشاركة الأصلية كتبت بواسطة salman-q8

ماشاءالله عليك

مشكور يالغالي على جهدك
تقبل ودي...~~

اخوي سلمان مشكور وماقصرت على تعليقك الاكثر من ممتاز

[شاهيـن]

أخوان الموضوع غريب جدا بالنسبة لي هذي ما تطلع ريحة كريهة في البيت ؟؟؟

معلش على السؤال لأن الموضوع فيه تعفن وهل ممكن تسبب أمراض؟؟

[فهد الخليفة]

المشاركة الأصلية كتبت بواسطة شاهيـن

أخوان الموضوع غريب جدا بالنسبة لي هذي ما تطلع ريحة كريهة في البيت ؟؟؟

معلش على السؤال لأن الموضوع فيه تعفن وهل ممكن تسبب أمراض؟؟

هلابك اخوي شاهين واشكرك على تعليقك وسؤالك الي في محله

مالغريب الا الشيطان
لما تربي حيوان يحتاج الى بروتين طبيعي وتتعمق اكثر في متطلبات الحيوان راح تفهم الموضوع كويس

اما بخصوص الريحه طبعاً انت لا تحطها في مكان مكتوم مثل الغرفه حاول بقدر ماتقدر انك تخليها برى الحوش او السطح او البلكون

والتعفن والريحه اطمنك وابشرك بعد ماتترك الحوض لمده معينه راح تخف الريحه منه وبالنسبه لي ماشميت اي ريحة تعفن الا ريحة السماد الطبيعي
واالامراض انشاءلله مايكون هناك امراض اذا كانت في هواء نقي

ولك تحياتي

[صاحب البنكياتي]

واااااااااااو شي خطير بس عندي سؤال اذا سمحت

البيضه

نسلقها اول ولا علطول نفقشها

[فهد الخليفة]

المشاركة الأصلية كتبت بواسطة صاحب البنكياتي

واااااااااااو شي خطير بس عندي سؤال اذا سمحت

البيضه

نسلقها اول ولا علطول نفقشها

هلابك والله اخوي ومشكور على هالسؤال

بالسبه للبيضه الي يريحك تحب تسلقها تحب تفقشها وتحطها الامر راجع لك
بس الافضل انك تسلقها وبعد السلق تشيل القشور وتفتح فتحه داخل البيضه

[الأسد الملك]

ماشاء الله مجهود رووعهـ

تسلم يمناك

وان شاء الله اجرب هل طريقه وتشوف دودي

[%لوب ذهبي%]

السلام عليكم

كيف حالك اخوي صاحب الدود

والله لو ادري ان فيه ناس يبغون دود كان نزلت طريقه سريعه ماتحتاج الا اسبوع فقط وبكميات كبيره جدا من الدود

لكن عندي سؤال قبل ما انزل الطريقه هل الدود اللي انت تنتجه نوع محدد لاني ما اعرف وش يحتاج سمكك ؟

واذا تبغى تفهم الطريقه ارجو مراسلتي على الخاص لكي تلم الفائده للجميع