اشترك في نشرتنا البريدية ليصلك كل جديد

Mesh3l · 11-10-2009, 05:53 PM

السلام عليكم ..مساء الخير شباب\وبنات..كيفكم

ياناس والله شاب راسي ..كان عندي ببغاء بس مو زي اللي عندي اللحين والله ياهو عنيد ..راسه يابس يبي يسوي اللي براسه من يوم ما حطيته في قفص وفيه استاند...صار مزاجي بقولكم قصه صارت اليوم من احدد القصص..

وانا في الجامعة دقت امي الله يحفظها قالت تعال شف لولو من الصبح نازل من القفص ومارجع ولا كلا شي ووصخ الدنيا..عــ لطول خلصت المحاضره ورحعت البيت العصر..اشوف الحبيب جاي عند قفص الكناري وعافس قفصه وهو فووق يعني في السقف والكناري المسكين تحت ومعصب لولو واحاول اهديه وبعد محاولات هدا.. مع ان الكناري يصفر و لولو يرد عليه الفجر ..كنهم حبايب..وطلع على يدي ..وبرجعه للقفص توه طلع طار ورجع قفص الكناري ..وانا اقول في نفسي لا يكون غااار منه ولاشي..

ما ودي اطول ورجعته بعد معاناة ..وقعد شوي وطلعته على يدي بشمسه على آخر العصر ..وتوني طلعته في الحوش ونزلته من يدي عشان يمشي ..والحبيب ماصدق خبر وينقز درج المدخل ويركض على القفص حقه ..ويطلع فوق..!!! قلت اصبر ..خذيته وحطيته في الارض واوكله برتقال لأنه يحبه ..اخذ يآكل شوي تغافلني ورجع للقفص ..قفلت اخلاقي منه وقلت بعلمكم وش صار ..ووش اسوي معه ..شاااااب راسي من عنااااده عنيييد أحس يوم من الايام بصير انا لولو وهو مشعل..من عناااده

~~بندر الحب~~ · 11-10-2009, 07:12 PM

طيرية علشان مايشيب راسك

الببغاء الافريقي · 11-10-2009, 07:30 PM

وش نوع الطير اخوي تفرق من نوع لنوع

Mesh3l · 12-10-2009, 08:15 AM

اقتباس:

المشاركة الأصلية كتبت بواسطة بندر الحب

طيرية علشان مايشيب راسك

اول شي بندر مشكور على المرور ..وثاني شي طيره مو طيريه !!<تفرق ترى

Mesh3l · 12-10-2009, 08:16 AM

اقتباس:

المشاركة الأصلية كتبت بواسطة الببغاء الافريقي

وش نوع الطير اخوي تفرق من نوع لنوع

مشكور على مرورك اخوي ..طبعا هو كاسكو العمر 9 شهور تقريبا له عندي اكثر من شهر ..

بحر الزمان · 12-10-2009, 09:43 PM

هذا مزاجه متقلب

عادي فتره ويعود بس لا تهمله

o9Liii · 12-10-2009, 10:11 PM

ربي يخليه لك

لكن نصيحتي لك اشتغل على تدريبه بالمكافئه

يعني لو سوى شي عجبك أعطه مكافئه

وهكذا في كل شي يسويه

وكذا راح يترك العناد وراح يعرف انو لو سوا الحركة الفلانية راح ياخذ مكافئه

والعكس صحيح

اتمنى لك كل التوفيق

المتهورة · 12-10-2009, 10:41 PM

خخخ شكلها لولو راسها يابس ..

ممم احس انها تبغي شرييك او تبغي كاسكو ثاني وياها ولا شو رايك ؟؟
انزين حطلها العاب خلها تنشغل فيهم ^,^

FedEx · 13-10-2009, 08:33 AM

هذا نفس عنادت الي عندي عنيد و راسه يااابس لدرجه زهقت منه و قلت يوم ثاني يا ابيعه ولا اقطه في الشارع

و للحين مو راضي يصير زين صارله عندي 4 شهور و للحين عنيد ما ادري شنو الحل معاه استخدمت جميع الطرق جوعته و شبعته و لعبته و ضربته مافي فاايده لمن انا الي يائست و حاليا صافطه يبي يجي ما يبي بقريح

طبعا الميزه و مو ميزه ما ينزل من القفص لو ايش يصير

تحياتي

nasser1430 · 13-10-2009, 08:59 AM

السلام عليكم جميعاً ....

أخوي مشعل ...

أول شيء .. الببغاوات بشكل عام طيور مسكنها في الغابات يعني متوحشة فشيء غريزي حتى لو هو فرخ عندك وأنت مربية إن الغريزة ما تروح ( سبحان الله العظيم ) يعني يحاول يطير ويتحرك بحرية ولا يحب الحبس .

وثاني شيء ... قد يكون اللي شريته منه يعامله معاملة قوية وعنيده ... وهذا الشيء يرسخ في رأس الببغاء ولا ينساه ، وبعض الببغاوات يصير ترويضها وتدريبها شيء قريب من المستحيل .

بس إن شاء الله يلين ويطيح اللي في رأسه .. تحيتي لك وللجميع