الـقـشــطــه مـع ♥ 2zoo

[شاهستا]

اهلا بيكو محبى قسم النباتات

فى الاجازة كنت فى المزرعه ولاقيت شجره القشطه الثمار بتاعتها نضجت

حبيت اصورها واتكلم معاكو شويه عن فواديها للناس الى متعرفهاش

دى صورته الشجره

عاده الشجرة بتحمل من 100 الى 150 ثمره

الشجرة بتاعتى كان فيها 90 واحده لان دى اول مره تثمرر

وطبعا بتحتاج لبوتاسيوم ونترات وفوسفات هى فى التعامل الزراعى زيها زى الموالح بالظبط

حتى فى الرى متختلفش حاجه عن الموالح

وطبعا اوصيكم بالبوتاااااسيوم لانه محسن الثمر بشكل فظيع

هى من الفواكه النادرة جدا ومش بتكون متواجده

غير فى السوبر ماركتات الكبيره واسعارها بتكون غاليه

دى صور للثمره

دى صورتها من الداخل وهى غير ناضجه

ودى صورتها من الداخل وهى فى حاله النضوج

الاختلاف او ازاى تعرف انها غير ناضجه او فى حاله النضوج :

فى حاله عدم النضوج هتكون ناشفه جدا وصعب جدا كسرها بالسكينه

اما وهى فى حاله النضوج بتكون طريه جدا واول ماتضغط عليها ضغطه خفيفه جدا

هتلاقيها اتفتحت ووممكن كمان تنفجر فى ايديك

وهى عاده بتكون فصوص بالشكل ده

طبعا مش هقدر اوصف مدى طعامتها وانها لذيذه جدااا وكمان شكلها جميل

فى حاله غسل القشطه بيفضل انك تغسلها بفرشه اسنان غير مستعمله

لان سطحها مموج وعلى شكل فصوص

ولو فى اتربه او اى حاجه تقدر تغسلها بالفرشه كويس

وهى من الفاكهه الى بتتأكسد بسرعه يعنى الافضل انك متفتحهاش غير لما تكون هتاكلها

لانها زى التفاح والموز لونها بيتغير بسبب الاكسده

دلوقتى نتكلم عن فوايدها :

1. تعالج السكرى والتهاب الاعصاب

2. تقوى المناعه وتمنع من تواجد السرطان بالجسم وخصوصا سرطان البروستاتا والقولون والبنكرياس

3.تساعد فى حالات الاكتئاب والتوتر

4.غنيه بـ فيتآمين (( أ ، ب ، ج ))

واكيد ليها فوايد اكتر من كدة كمان

اتمنى تجربوها وتقولولى رأيكو

يسمح بالنقل مع ذكر المصدر

[مربية قطط]

ماشاءالله عليك يختي
موضوع قمه في الرووعه وأول مره اسمع عن هالشجرة سبحان الله
تسلم ايدك ياعسل عالموضوع

[الكادي هواها]

ماشاء الله عليكي ياعسل
موضوع جميل و اول مره اسمع بشجرة
القشطه ياقشطه
يلزمنا أن نسأل ونبحث عنها
تسلم الانامل على المعلومه المفيد
تقبلي مروري

[basil-ramahi]

الله يعطيكي العافية مراقبتنا

بس ما فهمت القشطة يعني القشطة القشطة؟؟؟يلي بنضيفها للحلو

[Egyptian Eagle]

تسلم الايادي مراقبتنا العزيزه شاهستا

متميزه في موضوعك و في طرحك

باسل

هذا نوع من النباتات يسمى بالاناناس الهندي

و هو موجود في الوطن العربي في السودان و اليمن , و كذلك في غزة و في مصر

و اسمها باللغه الانجليزيه Sugar-apple

و اسمها العلمي Annona squamosa

[حــلآا]

واو موضوع رائع و خطير

هي موجده بتيلاند وبكثره واساس عصير الفواكه عندهم


بجد مشكوره على المعلومات

[عبووود أبو عيون سووود]

يا خسارة
الصور ما طلعت معي !!

[شاهستا]

المشاركة الأصلية كتبت بواسطة مربية قطط

ماشاءالله عليك يختي
موضوع قمه في الرووعه وأول مره اسمع عن هالشجرة سبحان الله
تسلم ايدك ياعسل عالموضوع

اهلا بيكى ياقمر

ان شاء الله تجربيها

شكرآ لمروركـ حبيبتى نورتينى

[شاهستا]

المشاركة الأصلية كتبت بواسطة الكادي هواها

ماشاء الله عليكي ياعسل
موضوع جميل و اول مره اسمع بشجرة
القشطه ياقشطه
يلزمنا أن نسأل ونبحث عنها
تسلم الانامل على المعلومه المفيد
تقبلي مروري

انتى القشطه يا كادى

تسلميلى حبيبتى على كلمات الحلوة ومرورك الاحلى

نورتينى ياقمر

[شاهستا]

المشاركة الأصلية كتبت بواسطة basil-ramahi

الله يعطيكي العافية مراقبتنا

بس ما فهمت القشطة يعني القشطة القشطة؟؟؟يلي بنضيفها للحلو

اهلا بيك بسووووول

هى اسمها فى مصر قشطه غير القشطه بتاعت الحلويات اكيد

وتقريبا طلع عليها الاسم دة بسبب لونها وانها طعمها لذيذ زى القشطه

نورتنى باسل