بطريقة أرخص وأسهل>>> "اصنع فقاستك بنفسك بادوات من بيتك!!" ((بالصور))

[صمت الأمل]

mohamid



صحيح الترومومتر هو ميزان الحرارة .



وبالإختيار اذا تبي الميزان الإلكتروني أو اللي بالزئبق .



بالنسبة للأسلاك أنا تركت الضوء لحاله والمروحة بسلك لحالها .



بس ماتطفيهم عنهم أبدا طول مدة الحضانه .



وأي سؤال ثاني أتفضل هنا اسأل وبإذن الله راح يجيكـ الجواب .

[صمت الأمل]

هاذي الصور مرة أخرى للموضوع ..



الحافظة حقت المشروبات









غطاء بلاستيكي شفاف >> اذا ماعندكم تقدرون تاخذون صينية بلاستيك شفافة بعد ازالة اطرافها


















مصباح بقاعدته البلاستيكية بقوة 60 فولت .









مقياس لدرجة الحرارة أو ترمومتر







صحن معدني >> مثل علبة تونا كبيرة عشان الموية >الرطوبة .








سلك معدني









مروحة كمبيوتر








نبدأ في التركيب ..






أول شيء نزيل الغطاء العلوي ونثبت الغطاء البلاستيكي من داخل الحافظة >> عشان المنظر وماتضطرون تفتحونها كل شوي أو البزران يبون يشوفون .


ويفضل تثبيتها بالبراغي عشان الصمغ مع الوقت والرطوبة والحرارة راح يتأثر بها وممكن يطيح .



ناخذ لفة من السلك ونحطة أسفل العلبة . ونثني الجوانب للداخل عشان يرفعة لوضع صحن التونا وعشان أطرافة الحادة ما تمخش البيض ويخرب .







سويت رسمه توضح أكثر :






نثيت اللمبه في الزاوية والمروحة في زاوية ثانية وناخذ أسلاكهم ونثبتها داخل الحافظة ونفتح فتحة لسحب الأسلاك خارج الحافظة ...











ونثبت الترمومتر أو تبي تجلسة عادي مافيه مشكلة .






في أي جهه من الحافظة نفتح فتحات صغيرة بالسكروب أو اداه صغيرة عشان يطلع الهواء الحار والرطوبة ويتجدد الهواء .ولاتكثرون منها يمكن 10 كفاية .. واذا الهواء يتسرب بزيادة وتبغون درجة الحرارة ترتفع شوي ممكن تحطون شريط لاصق على الفتحات (( بس لاتنسونها .)) عشان كذا لا تكثرون الفتحات .













آخر شيء وأهم شيء .. البيض .










لازم يكون البيض مخصب ونظيف وانا ماأطهره ..




نجلس البيض في القاعدة ونضع علامة عشان يبين لنا من اللي حركتة أو اللي ما حركتة . او اذا تبغى تضيف قواعد ثابتة ممكن تضيف كرتون البيض تقصصة وترتبة على حجم الفقاسة .




وممكن تكتب التاريخ اذا كنت تضيف بيض يوم ورا يوم عشان تعرف كم مر عليها .




نقلب البيض من 3 الى 5 مرات يوميا الى اليوم ال18 ونوقف التقليب لين يفقس ..





وعذرا بعض الصور مشطوب عليها اسم المنتدى اللي نسخ الموضوع وكتب من وين نقله .. بس كتب اسم المنتدى على الصور ..



فإضطريت أشيلها ,

[صمت الأمل]

احمد93



شكرا لمرورك .. بس أنا أضفت الصور أمس في الصفحة الأخيرة ..



ماطلعت الصور ؟

[ابو بكر الاول]

مشكور على الشرح بس الصور ماظهرت عندي

[صمت الأمل]

ابو بكر الأول



للأسف .. شكلي راح أعيد الموضوع .. الصور راحت بسبب انتهاء تاريخ المركز 2009 .

[لاعصار الاحمر]

موضوع مثبت ولا فيه صور

[صمت الأمل]

الإعصار الأحمر


بإذن اللهـ راح أعيد الموضوع . موب أنا اللي حذفت الصور . المركز هو اللي انتهى تاريخهـ .

[قطيفي الخرج]

اخوي الله يعطيك الف عآفيه والله ماقصرت يالغالي

بس عندي كم سؤآل الموية نحطهآ تحت ثم شبك وفوقه البيض ؟

النور (الإضآءه) تكون مشغله 24 ساعه الى ان تفقس ؟

لازم افتحه ةقت معين للتهوئه او مايحتآج؟

تنفع لبيض الحمام والسمان وغيره ؟

[صمت الأمل]

قطيفي الخرج



اللهـ يعافيكـ ..



وبالنسبهـ لسؤالكـ الأول ايهـ صح ,, المويهـ تحطها تحت الشبك وفوقهم البيض .



واذا كانت الإضاءة هي مصدر الحرارة فإيهـ لازم تكون شغالهـ 24 ساعة .



اذا عندكـ فتحات تهويهـ فمايحتاج تفتح الفقاسة الا للتشييكـ .



اذا ماعندكـ ممكن تهويهـ كل 4 أو 6 ساعات .



وتنفع لبيض السمان والحمام ليش لأ ؟؟ أهم شيء تضبط الحرارة والرطوبهـ .



اللهـ يوفقكـ ويعينكـ وشكرا لأسألتك .

[قطيفي الخرج]

مشكوور اخوي ؟ بس هل احتاج الى مروحة داخليـهـ ؟ ولا فتحات تكفي بدل المروحة؟

وهل لازم مقياس رطوبة ؟ وكم لازم تكون درجة حراره الفقآسـه ~