طيري [ هوبي ] يسلم عليكمـ ..

[ALaWi xX]

السلام عليكمـ

حبيت اراويكم مقطع لطيري .. طبعا الطير ذكي جدا

لو قلت له قفص راح يفهم انك بتدخله القفص .. فراح ينحاش ويصفر ويعض ههههه

لو قربت يدك وقلتله اركب يركب فوقك

اذا قلت له بوسه بوسه يحط منقاره في فمك لووول

وفيه اشياء كثيرة يسويها .. من ضمنها ان لو يبغى يطلع من الغرفه حقي يروح للباب ويقعد يصفر بعدين يرجع لي .. يعني يقولي افتح الباب لو سمحت هههه

اتمنى انه يعجبكم :

[مـحـمـاس الـمـنـحـاس]

ماشاء الله تبارك الله

علاوي

واضح الطير شيطون

ربي يحفظه لك ويخليه

وان شاء الله كلها شهرين وتجيب له وليف وتشوف انتاجه
بأذن الله

واسمح لي بتعديل الفيديو ليظهر على الصفحه مباشره

[برنس المملكة]

ما شاء الله طير جميل الله يحفظه لك واضح انه لعاب تعبك

تقبل مروري

[الامل]

ماشاء الله
الله يخليه لك طير جدا رائع

[ALaWi xX]

الف شكر على المرور ..

وبالفعل الطير شيطووون جدا جدا واتعبني هههههههههه

لكن احبه

[|| كــروآن ||]

ماشاء الله عليه ..
اللي نعرفه اللي اسمه هوبي بالمسلسل خبل
لكن طيرك المفروض تعطيه اسم غير من ذكائه ههههههههه

[like animals]

ممكن تقولي كيف قدرت تدربة .؟ الاطعام اليدوي ممكن ؟

[Birds man]

ما شاء الله ربنا ىخلىهولك

[ALaWi xX]

المشاركة الأصلية كتبت بواسطة || كــروآن ||

ماشاء الله عليه ..
اللي نعرفه اللي اسمه هوبي بالمسلسل خبل
لكن طيرك المفروض تعطيه اسم غير من ذكائه ههههههههه

لالا هذاك اسمه أوبي ( بالألف ) هههههه

المشاركة الأصلية كتبت بواسطة like animals

ممكن تقولي كيف قدرت تدربة .؟ الاطعام اليدوي ممكن ؟

طيب بقولك اللي سويته بالضبط ..

أول شي انا شريته عمره شهرين وينغر

قمت اغره فواكه طبيعية ... وتركت السيريلاك على جنب

طبعا ركزت في الموز و التفاح

اما الماي فأحط فيه قطرتين ليمون .. عشان الليمون يخليه نشيط

والحبوب اعطيه حبوب صغااار

واستمريت على هالحال لين ماصار عمره 4 شهور

طبعا كل هالفترة كان خاااامل ودائما نايم

لكن بفضل الفواكه والماي بالليمون صار نشيط جدا يوم كبر

1 - طريقه تدريبه تسلق الخيوط :

فأول ما شفته نشيط جبت له خيوط وخليته يلعب فيهم

وكان ما يعرف يطير زين فيضطر انه يتسلق برجله

والحمد لله بعد ماطار زين صار يعرف لهالحركة .. فيتسلق الخيط دائما برجله .. الا ببعض الاوقات يستخدم جناحه

2 - طريقه تدريبه الصعود فوق اليد :

طبعا اول ما اخده كان صغيير وما يعرف يطير ومفهي .. فهذا الوقت المناسب لتعليمه الصعود فوق اليد

اول شي تاخده وتحطه بأصبعك .. بعدين تقرب يدك الثانية وتقوله اركب وتخليه يركب غصبا عنه

وتستمر بهالوضع لين ما يتعود عليه .. يعني خلاص يفهم كل ما تقوله اركب يعني يجيك باليد

3 - طريقة تدريبه الطيران اليك :

هذا اصعب شي واجهني .. بحيث اني ابغى اسوي صوت او حركة كل ما اسويها يعني لازم يجي

اول ما بدأ يطير .. قمت دائما اناديه بإسمه ( هوبي ) واصفر له تصفيره خاصة ( زي الموجوده بالفديو )

طبعا اروح عنه بعيد واصفق له وانا اصفر واقول اسمه .. وامد يدي بنفس الطريقه اللي علمته كيف يركب

طبعا ماراح يفهم ويستوعب .. بس انتظر ثواني او حتى دقائق وبتشوفه يجيك .. بعد ما يجيك عطه شي يحبه

سواء كان أكل أو لعبه .. فتستمر معاه بنفس الوضع لوقت طويل وبتشوفه يفهم على طول

* ايضا ملاحظه مهمه .. حاول اذا هو داخل القفص وجيت تطلعه ناديه بإسمه .. مو تطلعه وانت ساكت .. يعني
لو انت بعيييد من القفص وقصدك تروح له ناديه من بعيد على اسمه .. اذا وصلت للقفص لا تطلعه على طول
انتظر ثواني وانت تناديه بإسمه بعدين طلعه .. عشان يعرف انك تقصده بهالاسم

4 - طريقه تعليمه دخول القفص :

سهلة جدا .. قبل لا تدخله كل مرة قوله قفص قفص قفص ( 3 مرات او اكثر وبصوت قوي شوي ) أو أي كلمه
تبغاها .. بعدين راح يفهم كل ما تقوله يعني انك بتدخله .. فراح ينحاش هههههههههه

5 - طريقه تعليمه البوسه :

قوله بوسة بوسة بوسة ( 3 مرات أو أكثر ) وحط شفتك بمنقاره .. ويفضل ان تكون حاط بشفتك أكل عشان
يتشجع .. فإئا شاف اكل راح يستانس

فمع الوقت كل ما تقوله بوسه بوسه بوسه راح يعتقد انك بتأكله من شفتك .. فراح يقرب منقاره للشفه

6 - الاطعام اليدوي :

بسيط جدا .. بدال ما تغره بالإبرة استخدم يدك .. وراح يعرف لين يصير شايب ههه

أخيرا حبيت اقول ان هذا اول طير ادربه بحياتي .. واشوف نفسي نجحت بالتدريب

بس صاحبي عنده واحد واشوفه خااااامل بزيااااااده وسمييين .. فما اعتقد انه بتنجح معه الطريقه حقي

فالطير حقك لا تخليه سمين .. انا افضل انه يكون رشيق .. ما اقصد لا تأكله .. بس فيه بعض المنتجات تزيد من سمنه الطير .. احذر منهاااا :d

أي طلب انا موجود

[bonsho]

ههههههههههههههههههههههههه
ماشاء الله عسول
ربنا يخليه لك ويبارك لك فيه
عجبنى اوى وهو بيلعب بالسماعات
ولما ماكنش عايز يدخل القفص