عندي مشكلة مع ببغائي الافريقي كوكو

[سامي الشريف]

بسم الله الرحمن الرحيم
السلام عليكم و رحمة الله و بركاته
اخواني و اخواتي اعضا المنتدى انا عضو قديم في المنتى بس صارلي فوق السنه تقريبا ما خشيت
الحين صارت لي مشكلة مع الببغاء الأفريقي كوكو
صا للببغاء معي أربع سنوات و نص تقريبا كان معي زي الحلاوه على قولتهم بس من شهرين تقريبا تغير صار يوم يشوفني يقوم يرمي اكله و اذا جيت أقرب يدي من القفص يهاجمني و يحاول يعضني بس لما يكون برى القفص تقل شراسته يعض بس مو مثل لما يكون في القفص
مع العلم اني ما سويت شي يخليه يخاف مني تعبت منه أبيه يرجع مثل اول اعطوني حل تكفون

[سامي الشريف]

معليش نسيت احط سؤالي في القسم المخصص للاسئله X_X

[سامي الشريف]

محد رد علي

[الطاير]

حياك يالغالي ,,,


طول بالك اشووي .... بتجيك ردود الاعضاء ان شاء الله على التوالي ,,,,

تصير احيان ان طيرك يتغير عليك لو ابتعدت عنه مده او لو احتك من اشخاص غيرك. واحيان يجيه هياج ويتغير موده خاصة انه هذا موسم التكاثر حقه. اهم شي طول بالك عليه ولاتضربه او توريه انك زعلان منه. ضروري تطول بالك عليه.


انا وجهة نظري انك لاتتغير عليه اصفطه .... فترة وتعدي ويرجع مثل اول.

جرب حل ثاني اذا مستعجل ... بانك تجوعه يوم من الصباح الى الظهر او من الظهر الى الليل .... مو اكثر من كذا. بعدها طلعه برى القفص او خله داخل شوف الي يناسبك. بعدين تعطيه الاكل حبه حبه بيدك ... لاتخلي له مصدر ثاني للاكل غيرك. اعطه من اكله العادي وحط معاه مرة قطعة تفاحة صغيرة ومرة جزرة وكذا. التطعيم يكون باليد لازم. اتوقع بعد يوم يومين بيصير اذا شافك يقرب من جهتك على حافة القفص ... مو حب فيك ... حب في الي تعطيه



علمنا ايش بيصير معك

موفق

[سامي الشريف]

المشاركة الأصلية كتبت بواسطة الطاير

حياك يالغالي ,,,


طول بالك اشووي .... بتجيك ردود الاعضاء ان شاء الله على التوالي ,,,,

تصير احيان ان طيرك يتغير عليك لو ابتعدت عنه مده او لو احتك من اشخاص غيرك. واحيان يجيه هياج ويتغير موده خاصة انه هذا موسم التكاثر حقه. اهم شي طول بالك عليه ولاتضربه او توريه انك زعلان منه. ضروري تطول بالك عليه.


انا وجهة نظري انك لاتتغير عليه اصفطه .... فترة وتعدي ويرجع مثل اول.

جرب حل ثاني اذا مستعجل ... بانك تجوعه يوم من الصباح الى الظهر او من الظهر الى الليل .... مو اكثر من كذا. بعدها طلعه برى القفص او خله داخل شوف الي يناسبك. بعدين تعطيه الاكل حبه حبه بيدك ... لاتخلي له مصدر ثاني للاكل غيرك. اعطه من اكله العادي وحط معاه مرة قطعة تفاحة صغيرة ومرة جزرة وكذا. التطعيم يكون باليد لازم. اتوقع بعد يوم يومين بيصير اذا شافك يقرب من جهتك على حافة القفص ... مو حب فيك ... حب في الي تعطيه



علمنا ايش بيصير معك

موفق

والله سويت اللي قلت لي عليه بش مافاد

[AVOCADO]

بما ان القفص هو الي موتره , وايضا يزعجك

خلاص اشتري ستاند مخصص للببغاوات يجي فيه وعائين للماء والأكل , وايضا قاعده وصحن اسفله للحفاظ على النظافه

وارفع الشبك عنه مدة شهر كامل , ولا تخليه يشوفه

وحاول دائما وهو على الاستاند امسح على راسه والعب معاه

الين يخضع للنظام اقصد يخضعلك