رد: خبير بالروت؟.... تعالي فيدني الله يعافييييييك... وعطوني رايكم في سيزر
ماشاء الله
كلب حلو وبيور الله يحفظو
وحجمو حلو بس راح يحلو اكثر لما يكبر مع الوقت
بالنسبه للأكل زي ماقالولك الاخوان اربع مرات باليوم والافضل تعودو ياكل كل شي وتحاول تمشيه كثير عشان المشي يخلي الشهيه مفتوحه عندو ... طبعا الفيتامينات كويسه بس لو تكون طبيعيه احسن يعني عن طريق التغذيه مش ابر ولا حبوب ...
بالنسبه للحليب اتوقع لترين كافيه ... انا كلابي لما كانو صغار كنت اعطيهم لتر في الصباح ولتر في اليل وعلى حسب حليب او لبن كلو مفيد بس اللبن افيد لانو مايسبب اسهال اكرمك الله والقراء, ولا تنسى الزبادي مره مفيد للي في عمرو لانو يحتوي على بكتيريا مفيده للجسم ... وطبعا منشطه لو .
وبالنسبه للاسنان طبيعي جدا لانو يبداء يغير اسنانو خلال هذي الأشهر خاصه الرابع والخامس.
حاول تعطيه بدل الشي القاسي حاجه ألين مثل ( العاب الربل ) المطاطيه او الخشبيه الي مش شديده القساوه.
وانا من رأيي الخاص اشوف انو حلو ووزنو يبيلو شويه زياده بس , لانو الوزن الناقص ماهو كويس والزايد ماهو كويس كمان ومضر بصحتو وتخليه يلهث كثير بعد .
والصور ماشاء الله مره حلوه ولونو حلو بعد ....
الله يخليه لك ويمتعو بالصحه انشالله
اتمنى اكون افدتك
بالتوفيق
__________________
|