الدرة الزرقاء

[بحريني خطير]

السلام عليكم

يا الربع انا قريت مواضيعكم عن الببغاوات في المنتدى وعجبوني فقررت اني اخذ لي درة الزرقاء

طبعا انا شريتها امس و راعي المحل قال لي انه عمرهم تقريبا 6-8 شهور

فبغيت اعرف هل هذا العمر مناسب للتدريب على الكلام والوقوف على اليد

وانا اخذتها بحوالي 300 ريال سعودي ( 30دينار بحريني )

وتقريبا لونها ازرق وفيه نسبه من اللون الاخضر

انا حاولت اليوم اني ادربها على الوقوف على اليد شوي شوي كانت تهرب مني وبعدين اخذتها وخليتها تعض بالقفاز لين تعبت وبعدين صارت اوكي شوي شوي وقمت اكلها خوخ وكانت تحبه بس المشكلة لين اعطيها بدي تشرد وبالقفاز تاكلة عادي


وهذه صورها اذا في احد يقدر يقول لي كم عمرها واذا كانت انثى ام ذكر








واذا الصور مب واضحه اقدر اخذ صور اوضح

وشكرا لجميع اعضاء توو زوو

[ابومران]

ما شاء الله تعالى .... والله يباركلك فيها ... بس يا اخوي اضن عمرها في 9 شهور والله اعلم ...

لان الذيل وكمان جناح الطائر اول 4 ريشات تبين انة عمرة اكبر من 8 شهور .. الصورة غير واضحة .

واذ محتاج اي مساعدة انا حاضر ...

[SILVER LOVER]

ما شاء الله طير جميل و السعر اجمل

واكيد هذا شي اكيد وهو عمر مناااسب جدا جدا

ولاكن هو علا حسب المدرب

[بحريني خطير]

مشكورين اخواني ابومران و salfr lover وعساكم على القوة

بس ياليت تقولون لي اذا كانت ذكر او انثى وانا دربتها على الوقوف على اليد وهي تخاف شوي وكل ماتوقف على يدي اعطيها خوخ وتحبه وكل ماهدها ترد ترجع للقفص ولين احاول احملها من دون قفاز تحاول تعض وتشرد هل يوجد حل لهل المشكلة
وكيف اقدر ادربها على الكلام ؟
ناس يقولون لي عطها فلفل حار وناس يقولون حط لها مسجل شغال وقت الى محد موجود ياريت احد يعلمني الطريقة

[SILVER LOVER]

المشاركة الأصلية كتبت بواسطة بحريني خطير

وكيف اقدر ادربها على الكلام ؟

جنسها انثى

2 هو على حسب تدريبك لها انت وشطارتك تعرف تدرب راحت معك منتب عارف

خلها على ربك

بس حاول معها

ملاحظه : لا تعطيها حبحر فهو يسبب للطائر الحرقان

في المعده

[بحريني خطير]

مشكور اخوي salfr lover وعساك على القوة انا بحاول وان شاء الله التوفيق من ربي

[كوكوميل]

انا كان عندي دره وكنت اكلها فلفل وكانت تحبه مرره واحط لها مرايا ومسجل في تسجيل بصوتي كنت ادربها تقول اسمي وصارت تردد اسمي وتقلد صوت البساس وتقلد صسوت قفلت الباب وفتحتوو بس خساره طارت

[الهاشم]

اخوي الصور ما طلعت عندي ما ادري ليش بس احب اخبرك ان طائر الدرة تقدر تحدد جنسه بعد سنة ونص من عمره
وانت تقول انه ما كمل 9 شهور يعني ما تقدر تحدد الجنس
وذا تبي تتاكد شوف المواضيع عن الدرة
وشعرها مرة حلوة ويعتبر رخيص

[آنآستــآزيآ]

.. الموضــوووع مــن 2010 بــس اللهـ يهديهــا الأخــت كوكــوو رفعتــهـ .. ..

.. آنآستــآزيآ ..

[بلاك بيري]

الموضوع قديم والصور ماهي موجوده