طريقة شحن القطط من أ - ي وسلامتك

[cute cat]

سلام اخواني واخواتي
انا شايفه كثير يسالون عن طريقة الشحن
وحبيت افيدكم واستفيد منكم كمان
لاني جربتها كم مره وشحنت من جده للرياض ومن جده للشرقيه
وان شاء الله احاول اكتب بالتفصيل الممل عشان>>>

اول شي انا انصح بالثقه بين اطرفين
<<<سيبك الفلسفه وهاتي المفيد

لا بجد انا انصح بالثقه لان عند تحويل الفلوس فيه طريقتين
الاولي....
تكون ثقه بين الطرفين ويحول المشتري كل المبلغ ويستلم القط لا جا
ويريح راسه من التحويل مرتين
ويعني بديهي الواحد ماينزل الاعلان والا هو يبي يبيع
وشي ثاني ان رقم الحساب واسم صاحبه عندك
والثانيه....
ماتكون فيه ثقه وكل واحد خايف من الثاني كنه بعبع
ويحول نصف المبلغ + مبلغ الشحن 150 ريال والقفص 100 ريال ويستلم القط ويحول الباقي
رغم اني ايد الاولي
المهم نجي للطريقه ونسيب الثرثره

الطريقه...
ان البائع يتصل علي الشحن تبع الخطوط الجويه الموجود في منطقته
لان سالت DHL وارامكس وفديكس مايشحنون اي شي فيه روح
المهم يطلب من عامل شحن الخطوط انه يبي يشحن قطه للمنطقه الفلانيه
ويطلب جدول رحلات الطيارات الا فيها اكسجين عشان يقدر يتنفس القط
ويحدد وش هي الرحله وياخذ رقمها ومتي الاقلاع ومتي الوصول
فيطلب العامل منه رقم الشخص المستلم واسمه (اجراءات روتينيه)
عشان ياخذ موافقة الاستلام لانهم مو متكفلين بتربية القط كم ساعه او كم يوم
وياخذون اسم الشاحن ورقمه
ويرسلون برقيه للشحن في الجهه المقابله والشحن يتصلون علي المستلم
وياخذون منه الموافقه واذا وافق انه بيجي يستلم يرجعون يرسلون برقيه للشحن
في جهة المرسل بالموافقه ويتصلون فيكم الشحن
ويقولون خلاص اوكي بس جيبه قبل الوقت ب4 ساعات
<<هذا الا منرفزني مدري ليه
بس انتم جهزوا قطكم حطوا تحته في القفص منشفه عشان
وشويه اكل دراي فود عشان مسكين لو جاع
وعلي فكره>>القفص له مميزات الا هي الحجم الصغير واي حجم يرفضونه
وشيل معك 150 ريال
وودع قطك قبل الموعد ووديه واتاكد من انه طلع نفس الرحله (لانها صارت معي هالحركه)
وبعدين اكد علي المستلم بانه اقلع عشان يستلمه بوقته برضوا حرام يجلس اكثر من كذا
ويوصل للمستلم ويستقبله بكل وله وفرحه
وبالتوفيق وعاد الامور الماليه انتم اتفقوا عليها مو تدخلوني في كل شي
بس يارب اكون وصلت لغرضي وفهمتوا علي
وتري لكل شخص يفهم من هنا ويشحن ضرائب الفهم وتعب الشرح
خخخخخخ<< طماعه
بس شكرا لاستماعكم لي بكل ود واحترام

رقم الشحن بمنطقة جده
026842043
ورقم الشحن بمنطقة الرياض
2221053-01
2221267-01

مع ودي ووردي
وشكرا

[بدر^الكويت]

الله يعطيج العافيه اختي على الشرح الرائع بالفعل كنت اجهل الطريقه
تحياتي

[cute cat]

هلا اختي بدر الكويت
ردودكم لي هي الا تحمسني عشان اكتب كل الا عندي
واهم شي فهمتي علي وشكرا لك علي مرورك

[خليلو خليلوه]

الله لازم اروح مطار الملك خالد عشان اكلم العامل لا مستحيل اجل

[cute cat]

لا طبعا تكلم تليفون وتنسق كل شي بالتلفون وتروح لما تشحنه فقط
خخخخخخخخخخخخخخ
مو اقول لازم اشرح زين

[بدر^الكويت]

اسمي بدر يعني ولد يا اختي كيوت
تحياتي يا الغاليه

[cute cat]

اسفه اخوي مررررررررره مررررررررررره اسفه بس مري احسب بدر يعني قمر الكويت
والله احرجتني بس مو مشكله لازم المنتدي يحطون عند كل واحد هو انثى ولا ذكر

[passposse]

السلام عليكم ..

مشكوره اختي cute cat ع الشرح الوافي والله يعطيج العافيه ..

تسلمين ..

[cute cat]

هلا اختي بسبوس
شكرا لك والله يوفقك

[Sanaa]

مشكوووووورة أختي كيوت كات


بس المشكلة مو في الشحن داخل المملكة


المصيبة في الشحن من وإلى خارج المملكة


لأني نفففففففسي اشتري قطوة من مصر


ونفففففففسي أعرف الطريقة بالتفصيل الممل


من أسعار وكله


لكن ماقصرتي حبيبتي مشكووووورة