مساعده بخصوص الدجاج (صور)

[بو عفره]

السلام عليكم


انا عندي النوع هذا من الدجاج لكن المشكله ان الجو عندنا حر كثير في الامارات وكان عندي ديكين ودجاجه وماتو ديك ودجاجه وبقى ديك

المشكله انهم ماتو في الصيف والحين الصيف كرب وخوفي يموت ديكي الوحيد شو الحل لان مكانهم فيه ظل كثير مسويه انا بالواح خشبية وفوق الالواح ظل شجر محترم

شو الحل



وعندي مشكله ثانية مع التفريخ البيض مايكون مخصب والمشكله من الاخ لانه الدجاج اللي معاه مش من نفس الحجم (بلدي) لكن الحمد لله فيه تخصيب لكن النسبة منخفظه

واحد قالي احلق ريشه وافتك من المشاكل مره وحده لكن خوفي الاخ يموت

شو نصيحتكم اتركم مع الصوره

[بحراني]

هلا اخوي بو عفرة
هذا النوع من الدجاج احنا انسميه عدنا بالبحرين أمريكي
وطبعا لا يتحمل الحرارة الشديدة وخاصه جو الخليج
المهم ان شاء الله ما يصير فيه شيء وباين انه مكانه حلو بس اعطه الحريه واذا عندك مكان واسع يكون افضل بين الشجر واترش مكانه بالماء البارد في الشتاء وخلاص
وكان الله غفورا رحيما مجرد عنايه
وان شاء الله يعيش وينتج واتجيب معاه دجاج من نفس النوع
اخوك بحراني

[بو عفره]

مشكور اخوي بحراني على ردك الجميل

ومنكم نستفيد

[banotat_dxb]

احم .. واحنا بعد من الإمارات .. ونفس الجو ..
واحنا بعد عندنا دياي ..
في الصيف نيب لهم المراوح الكهربائيه .. نحطه عند القفص ونشغله ..
وهالطريقه يمكن تنفعك ..

[البدبخت]

وعليكم السلام


اي نعم هذا النوع يسمى بالدجاج الامريكي ..

وهذا النوع صعب يتربى في جو الخليج وخاصة في الصيف .. ومثل ما قال الاخ حط لهم مراوح وماي بارد وبلل منطقتهم بالماء فعز الظهر عشان اتخفف عليهم الحرارة وعطهم مكان واسع يتسكعون فيه .. وان شاء الله راح يبيضون لك بيض مخصب وتقدر تنتج منهم بأذن الله


بالتوفيق

[Dr Khalid]

السلام عليكم ورحمة الله وبركاته
الأخ الكريم الحل الوحيد هو انك توفر ظروف مثالية يعيش فيها الديك وذلك بتوفير درجة حرارة ملائمة وياريت تضعه فى مكان فيه درجة حرارة منخفضة تكون فى حدود 18 - 24 درجة مئويةوتوفر عليقة جيدة
وبالتوفيق ان شاء الله

[mohamed refat]

النوع دة اسمة اوشين و دة دجاج يابانى مش امريكى

انتشر فى مصر فى فترة الثمانيات و اوائل التسعينيات و ما لبث ان اصبح شبة نادر لعدم اقبال الناس على تناول لحومة لصغر حجمة

سعر الزوج منة يصل الى 150جنية حسب الحجم و العمر

من الوانة ( الابيض و الاسود)

يتميز عن باقى الدجاج انة قزم و يغطى الريش ارجلة مثل الحمام (شراب)

[بو عفره]

كلكم مشكورين وماقصرتوا

اتعرفون شو سويت فيه؟


قصيت ريشه كله <<< حلقته


والحمد لله اشوفه احسن بكثير


اخوي محمد رفعت هذا النوع اللي عندي مش الصغير هذا ما شاالله عليه اكبر من البط

[الكناري الموهوب]

انشاء الله ما يموت بس حطله خضار كل يوم والمويه واشتر دجاجات اكثر من الي عندكلا نه يحتاج الديك اكثر من دجاجه واتمني ما يموووووت يارب

[بو عفره]

مشكور على الرد يا الموهوب

المشكله ها النوعيه من الدجاج خلاص ما تتصدر للامارات بسب انفلونزا الطيور الله يحمينا منه