لوسي ولدت باركولي ^^

[ديناصورة]

وأخيرا وبعد انتظار حاااار ولدت حبيبة قلبي ودلوعتي لوسي يوم الخميس 13 رمضان الساعة 3 الفجر ^_^ ويابت وبرة مثل العسل حدة كيوت وتهبل مشالله عليها الله يحفظها، امي سمتها swim لإنها لما كانت في بطن لوسي تتحرك كإنها تسبح هههه، ما قدرت أحط الخبر في وقته لإن ما كان عندي نت وقتها ^^" وأقولكم القصة ... كنت قاعدة ألعب على الجهاز وفجأة سمعت لوسي تطلع أصوات غريبة كإنه أحد يقرصها أو يعضها، يعني صوتها وهي تتأذى، وبنفس الوقت كانت تقفز قفزة صغيرة، انا استغربت شفيها ؟؟؟ علبالي غينيبي يأذيها بس غنوبة طلع يخزها مايدري شالطبخة ×_×" رحت لها وقلت في نفسي " لايكون بتولد !!!!! " ما توقعت هالشي أبداااااااااااااااااا لإني قلت يمكن تكون ولادتها بنص رمضان أو نهايته، المهم وهي تتألم لمحت من الخلف شي صغير فعلطول قلت قعد تووووووووووووووووووولد كولولولولولولوووووش، رحت قعدت امي من نومها وامي راحت خايفة وقعدنا نجهز لها مكان دافي ونظيف ليم طلعت الوبرة منها بالكامل بدفعة وحدة مشالله ^___^ وقعدت تنظفها وهي ظلت ترضع منها .... وهذي الصور :



















لكن ... الشي المحزن الي حصل إن غينيبي ويوكاري تهاوشو هوشة قوية وايد لدرجة إن الأثنين طلعو من بعض دم -_-" غينيبي طلع من خشمه وحلجه ورجوله دم، ويوكاري من حلجه ومؤخرته جروح كبيرة، كان صراع قوي بصراحة لدرجة إن يوكاري الغبي وهو ما يدري غضي غضة قويييييييييييييييييييييية طلعت الدم من يدي بكثرة، والمشكلة كان مغمض عيونه وهو يعضني يعني خايف وعلباله يدي غينيبي والجرح بصراحة قوي ومؤلم وهذي صور لاصبعي المجروح شوفوه شلون محمر ومتفوخ رح تقولون عنه جرح سخيف وصغير لكن والله يعور ونزف واااااااااااااااااااايد ويخرع







وطبعا رحت الطبيب وأخذت ابرة تسمم احتياط إذا صار شي لا سمح الله وأخذت مضاد حيوي والحمد لله الحين صار الجرح تمام لكن لونه ظل أزرق شوي -_-" ... والحين غينيبي نايم في القفص مع سويم ولوسي ويوكاري نايم فوق في الطابق الثاني (( ركبت حديدة علشان تفصلهم )) وإذا شافو بعض رح يتهاوشون من يديد والمشكلة إن الحين كرهو بعض بشكل فظيع ....... الحمد لله على كل حال أهم شي ان سويم ولوسي بخير ^_^ الذكور بعالجهم وانشالله بيطيبون، لكن رح أظل فاصلتهم عن بعض علشان لا يتهاوشون من يديد وانشالله يتعودون على بعض ويتصالحون جريب يااااااااارب لإني زهقت من هواشهم لدرجة إني فكرت أستغني عن واحد وهو يوكاري -__-"

[البطريقه]

ماشاء الله
مبروك الف مبروك
بتريون بعزج انشاء الله

وشكلها هوشه جدا قوية
وان شاء الله ماتشوفين شر

[زين ابوها]

الف الف الف الف مبروووووووووووك خيتوو .!.

والحمدلله ع سلامتك ^_^
ان شاءالله ما يصيبك شر .!

تتربى في عزك وعز امها وابوها ..!

[عاشقه الحيوان]

الف الف مبرررررررررروووووووووك
وشكلها الوبره الصغير مرررررررررهك كيووووت تتربى بعزك
وانتبهي لأصبعك زييين

[رعوود]

يوووووووو

وصرتي جدة يا ديناصورة

لووووووووووووولز

خلاص كبرتي

الف مبروك عليك الصغنونه وتتربى بعزك

وسلامات ما تشوفين شر وزين سويتي اخذتي ابره

احتياطا لا سمح الله

وبالنسبة لقصة الذكور الافضل تسوين الي قلتيه

لانه راح تتعبين وايد بوجود ذكرين بقفص واحد ومعاهم انثى وحده

الله يكون بعونك

[~ Amy ~]

كولولولولولولولولولولييييييييييييش

مبرووووووووك قلبو ديناصورة ألف ألف مبرووووووووووك ^^ ..

ياختي عليها يا نااااس تجننننننن الصغنووونة ما شااااء الله تبااارك الله *^^* ..

تتربى في عزك ان شاء الله .. ياختي عليها صغنووونة كأنها هامستر ههههههه ..

ما شاء الله .. الله يخليها لك و تكبر ان شاء الله و تصير مثل أمها و أحلى ^^ ..

و أما العضة .. يا ساااااااااااااااااتر ><" .. ما تشوفين شر حبيبتي ^^" ..

المهم انك أخذتي إبرة احتياط ^^" ... و أحسن شي بالنسبة

للذكرين انك تفصلينهم .. و ان شاء الله تتحسن الأمور ..

و مبرووووووك عليك الصغنووونة مرة ثانية *^^* ..

الله يخليها لك .. بالتوفيق لك حبيبتي ..

.. مع السلامة ^^ ..

[NwiNis]

الف الف الف الف مبروووووووووووك

[مدلقم]

مبرووك يا الديناصوووره
القصه حلوووه با المررره

بس زعلتينا قبل قلتي عن ن صبعك
بسم الله عليك

[PGN]

مبروك ماشاءالله لكن أساميهم غريبة شوي ولا كأنكي عربية , يعني ياليت لوكانت أساميهم عربية مثل شهاب , خالد , ريم ....إلخ

يواكاري غينيبيه و مدري إيش والله غريب صرنا يابانيين ومدري وش

[sweety2007]

مبرووووووووووووووووك

والصغيرة كيوووووووووووووووت ماشالله عليها

وماتشوفين شر حبوبة