مشكلة في الجهاز التنفسي :(

[ץمْ ـنَآدِيץ]

السلام عليكم

ببغائي الافريقي عنده مشكلة يعاني منها من كم اسبوع في الجهاز التنفسي
كانه بردان
رحت لكذا بيطري ووصفوا له فاليمايسين ويقولون حط له مقدار ربع ملعقة شاي في الماء واستمر عليه لمدة 6 ايام
جربت الدواء اللي خبروني عنه
ماجاب نتيجة وتطورت حالته حتى مرات يغمض عين ويخلي عين والحين منطقة وجهه فيها مثل السواد
قبل العلاج كانت صحته ماشي حالها نشاط وياكل اكل زين
الحين فيه خمول وضعف وصوته كانه مزكم

حطيته بمكان جاف ومو معرض للهواء وصرت الحين استخدم فيتامينات لعل وعسى تجيب نتيجه

اللي عنده حل ويقدر يفيدني لايحرمني من رايه

[حب استطلاع]

وعليكم السلام

الدواء إللي وصفه لك البيطري خاص بعلاج حالات البرد

يعني التشخيص إلتهاب في جهازه التنفسي

وأعراض إلتهاب الجهاز التنفسي في بدايته

وإللي لازم ينتبه لها كل هاوي

هي سيلان واضح من أنف الطير مع ملاحظة إن الطير ممكن يكون نشيط

بعدها تلاحظ الطير بدأ يصير على الصامت

ويتبعها ضعف في الشهية وخمول

وهنا إن أهمل ممكن تتأزم حالته أكثر بظهور صوت أثناء التنفس

مع تورمات حول الأنف والعين

وعلاج طيرك في هالحالة هو التايلان

مجرب وفعال

تسحب بالأبرة الصغيرة 0.3 وتعطيه مباشرة في الفم

مرة واحده في اليوم

ولمدة 5 أيام

مع ملاحظة إن الدواء يكون جديد ( يعني ما مضى فترة أكثر من شهر من أول إستخدام ).

[ץمْ ـنَآدِيץ]

الطير ماكان عنده سيلان في الانف بس الواضح صوته اذا جاء بيصفر او يتكلم او يتنفس
تبين الزكمة

يعطيك العافيه اخوي حب استطلاع
اعطيتني امل بعد الله انه بيشفى

[صوغة]

الله يشافيه يارب


ومنكم نستفيد

شكرا للسائل والمجيب

[ץمْ ـنَآدِيץ]

امين يارب
وشكرا لمرورك صوغه

[الكاكي]

زي ماقالك اخوي حب استطلاع التايلان هو العلاج الفعال لامراض الجهاز التنفسي

[ץمْ ـنَآدِيץ]

ربي يعافيك اخوي الكاكي
صرت اعطيه التايلان بواسطة ابره مباشره لفمه
من امس مره كل يوم
بس اليوم الصباح بهدلني مو متقبل مع اني حرمته من الماء لمدة ثلاث ساعات

سؤالي يقول هل ينفع اعطيه التايلان مع الماء ؟ ولا مباشره للفم افضل
مع العلم ان حالته شوي سيئه صار في وجه سواد حول منقاره وعيونه بس اليوم احسن نوعا ما من امس على مستوى النشاط

[حب استطلاع]

المشاركة الأصلية كتبت بواسطة ץمْ ـنَآدِيץ

ربي يعافيك اخوي الكاكي
صرت اعطيه التايلان بواسطة ابره مباشره لفمه
من امس مره كل يوم
بس اليوم الصباح بهدلني مو متقبل مع اني حرمته من الماء لمدة ثلاث ساعات

سؤالي يقول هل ينفع اعطيه التايلان مع الماء ؟ ولا مباشره للفم افضل
مع العلم ان حالته شوي سيئه صار في وجه سواد حول منقاره وعيونه بس اليوم احسن نوعا ما من امس على مستوى النشاط

إذا تقدر تعطيه بالفم أكيد أفضل

وإذا ما قدرت تعطيه بالماء

بس تقلل الماء بالمشربيه حتى يكون الدواء مركز

[ץمْ ـنَآدِيץ]

عافاكـ ربي على الافادة اخوي دام بالماء نحط له فيه اليوم بهدلني على الاخر لدرجة اني تاخرت على دوامي

[ץمْ ـنَآدِيץ]

استخدمت التايلان لمدة 6 ايام والنتيجة تحسن ملحوظ على مستوى النشاط
اما بخصوص المشكله اللي كانت في الجهاز التنفسي مازالت على ماهي عليها
محتار ابي حل

صور تبين مرضه