ساعدوني الام تهاجم الصغير ....ارجو الرد بسرعة

[الآرام]

ساعدوني يا اهل الخبرة

طلعت الهمستر الام تتمشى برى القفص و ما لمست الصغار

تمشت اكثر من نص ساعة

وبعد ما رجعتها للقفص هاجمت واحد من اولادها و طلعته برى القفص و استمرت في عضه الى ان فصلتها عنه بدون ما المس الصغير و رجعت الصغير بالقفص و الام حاطييتها بكرتون

هل ارجع الام للصغار ولا خلاص افصلهم يعني هل ممكن يستغنون عن امهم؟؟

مع العلم ان الصغار عمرهم 16 يوم بس وهم ياكلون اي شي

[Withered Rose]

اللي عملتيه مافيه خطأ و لكن أحياناً لما نحط الهامسترة بسرعه وجها لوجه مع الصغار تقوم بمهاجمتهم قليلاً خوفاً من أن يكونوا غرباء و لكنها سرعان ما تعرف بأنهم أطفالها و ترعاهم بعدها .. لهذا السبب لازم لما نرجع الهامسترة نضعها بزاويه بعيد عن الأطفال بالقفص و هي بروحها تأتي إلى الأطفال و تفحصهم .

هل ارجع الام للصغار ولا خلاص افصلهم يعني هل ممكن يستغنون عن امهم؟؟

لا و لكن ضعي الصغير (بملعقة نظيفه أو ماشابه) بين الصغار ليكتسب رائحتهم و كلشي بيصير تمام إن شاء الله

[الآرام]

اشكرك يا خبيرتنا Withered Rose

بصراحة انقذتيني

انا شلت الصغير بالعجلة و رجعته للقفص

لكن ما فهمت ارجع الام معهم ولا اخليهم بدون ام؟؟

واشكرك مرة ثانية

[Withered Rose]

أعتذر عن التأخير في الرد و العفوووو

نعم الأم يجب أن تكون معهم لأنهم صغار و عمر الفطام 3 أسابيع ..
بس حطي الصغير بين اخوانه فتره 10 دقائق تقريباً بالعش ليكتسب الرائحه و رجعي الأم حطيها بعيد عنهم و بروحها راح تكتشف القفص مره أخرى و تعرف إنه قفصها و عيالها اللي موجودين و إن شاء الله راح ترعاهم لأنهم محتاجين الرعايه بهالعمر ..

و بالتوفيق إن شاء الله مع الهامسترات

[Cappy]

خبرتي قليله بالهامستر
بس كنت مار وما حبيت اطلع من غير ما ارد
وانشاء الله تتبع طريقة الاخت Withered Rose
اخوك cappy

[الآرام]

اشكرك جدا جدا مشرفتناWithered Rose
و اشكر اخوي Cappy

سويت طريقة Withered Rose و الحمدلله نجحت بعد عناء كبير

توبة اخر مرة اطلع همسترة من القفص وهي ما فطمت الصغار

اول مرة رجعتها طلعت الصغير الابيض ورجعته انا للقفص وخليت الام برى فترة بعدين فتحت لها باب القفص عشان ترجع له من نفسها

رجعت الام وهاجمت صغير ثاني وطلعته وجلست انتظر النهاية فراحت عند الدولاب لانها دايما تدخل وراه و ما اقدر اطلعها لازم هي تطلع بنفسها

ففصلتها عنه بدون ما المسهم خوفا من انها تحطه ورى الدولاب و ما يقدر يطلع ورجعت الصغير للقفص وسكرت الباب فترة عشان يكتسب الريحة قبل ادخل الام

راحت الام جهة القفص تحاول تدخل و تقرضه من كل جهة

بعد 10 دقايق فتحت لها الباب ودخلت وسكرت عليها على طول

هاجمت واحد ثالث و تحاول تطلعه برى لكن ما قدرت لان الباب مسكر و بدات تدور و تهاجمهم كلهم لمدة 10 دقايق وهم يهربون

بعدين اعطيتها خس و بيض مسلوق و بدت تاكل بعصبية وشوي شوي هدات وجلست ترضعهم

فهالوقت بس اتطمنت وقدرت انام

ادري ان القصة طويلة و مملة لكن كتبها عشان يستفيد غيري من تجربتي القاسية

اشكر مرة ثانية مشرفتنا من القفص

[رعوود]

الاخت ويذر ما قصرت

الله يعطيها العافيه