قطتي مصدومه بعد أن كانت محبوسه لمدة 10 أيام في غرفه مغلقه !!

[ام الغزال]

السلام عليكم ..

كنت قد إشتريت قطه قبل أن أشتري القط المتواجد لدي حاليا ...

القطه أختفت فجأه ...

منذ عشرة أيام ...

ووجدتها اليوم محبوسه في غرفه مغلقه لأني أنا التي أغلقت الغرفه بالمفتاح .. حين بحثت عنها و لم أجدها ...

الآن القطه شديدة الهزال و مصدومه صدمه شديده والله آنا و زوجي تحطمنا لمنظرها ...

الآن إنصحوني شنو أسوي ؟!؟!؟

آنا شربتها ماي و وكلتها و عطيتها حمام بشامبو الأطفال و الديتول المخفف ...

عطوني نصايحكم ..
و هل فيها أي خطوره علي و على أطفالي ..
هل تصاب القطه بأمراض لو لم تأكل لمدة 10 أيام ..

أوديها للطبيب ؟!؟!

ياناس تكفون ساعدوني !

[Luis]

لم تأكل من عشرة أياااااااااااام...

يا للحسرة...أختي هل هي تأكل الآن جيداً...؟؟

هل تشرب...؟؟

إذا كانت تأكل وتشرب جيداً وتصرفاتها طبيعيه فلاداعي للقلق..

لكن لابد من زيارة البيطري للتأكد من سلامتها....

تحياتي لكِ..

[عزوز]

لابد من زيارة البيطري

[مجنونة قطاوة]

مسكيييييييييييييييييييييييييينه

حرام لازم تشوفين اختي لها حل وديها لبيطري....

ام الغزال طمنينا عليها.....في انتظارك..

[فطوم]

اختي اذا ما اكلت هاليومين الجايين وديها البيطري

[twety]

يؤيؤيؤيؤ :/

ياليت تزورين البيطري ..

و مو زين تكون من 10 ايام ماكلت وفجأه تعطينها اكل كثييير !!

درجي لها بالاكل علشان معدتها وعلشان ما تموووت !! (بسم الله عليها)

وربي يخليها لك ويارب تقووم بالسلامه ..

طمنينا عنها =)

[قطو_Q8te]

الله يهداج =(
قطوتنا لصغيره " ببو " صكيت الباب بالغلط قعدت بالصاله اسمع صوت قطوه تطق الباب وتشمخ
اول مافجيت الباب مخترعهـ وركضت صوبي !
شلون 10 ايام ؟
انتي حسسيها بالامان
1- مسحي على جسمها " موشرط انتي بخصوص الحمل اي احد "
2-ناديها باسمها
3-قطيلها كور من ورق او لعبيها بليت الليزر
4-حطيلها ماي
5- وكليها بس بالتدرج مو وايد لانها اكيد خايفه بتاكل بالهبل
6-لاتسبحينها بهالفتره

[Withered Rose]

شلون جذي !!
قبل الاكل قبل كل شي وديها البيطري لازم يعطيها فيتامينات و معادن لا اكيد صحتها الحين تعبانه وايد لازم تودينها البيطري و مثل ماقالو درجي لها الاكل ..
و ان شاء الله تصير احسن
و ناطرين الجواب .................

[فطوم]

اخواني القط له قدره كبيره على التحمل وصديقتي كتشفو انه في قطه محبوسه بغرفه بالحش عندهم لمده تفوق ال10 ايام

لاتخافين قطتج ماراح تموت او شي لكن مثل ماقالو انها تحتاج فيتامينات فإذا لاحظتي انها ماتاكل وديها البيطري

[ام الغزال]

أشكركم أخواني و خواتي ...

أطمنكم القطه سوشي بخير ...

آنا وديتها عند بيت أهلي .. و خواتي و إخواني قامو بالازم ..

و اليوم ردت طبيعيه ..

سبحان الله ... ألحين متعلقه بإختي الصغيره حيل ..

تاكل و تشرب تمام .. و إنشالله بحاول أحط صورتها لأنها حدها عجيبه و جميله ..

و أشكركم إخواني و أخواتي على سرعة التجاوب .