سؤال لأهل الخبرة عن البلوفرونت

[The Mac9]

من يومين شريت فرخ البلوفرونت عمرة تقريبا 5 شهور وعلى كلام اللي باعني أياه أنه مفطوم من أسبوعين.
السؤال: أنا ما أشوف أنه ياكل كثير يعني امس ما أكل الا تقريبا 5 حبات دوار وحبة فول سوداني , هل هالشئ طبيعي (يعني ممكن يكون خايف أو ماتعود على المكان الجديد). او هل تنصحوني آخذه لبيطري يكشف عليه مع العلم أني في الرياض إذا تعرفوا بيطري ممتاز.

ومشكور مقدما

[زيزو10]

اخي الكريم كان الطير حركته نشيطه وغير خامل ولا يوجد عنده اسهال ان شاء الله مافيه شي وكان طول على ها الحال وديه البيطري افضل ويفضل ان يكو الاكل الي تعطيه مشكل مو تباع الشمس فقط

[The Mac9]

مشكور أخوي على الرد السريع, حقيقة هو خامل ما يتحرك فقط إذا دخلت إيدي في القفص يتحرك غير كذا طول الوقت واقف على العصا.

وياليت ترشدوني على بيطري في الرياض

[زيزو10]

ان شاء الله الاخوان الي من الرياض ما يقصرون

[ابوعبودي1400]

اخوي قبل ماتشتريه هوعلى هذا الحال ولا يتحرك اذا كان يتحرك خله يتعود واذا على نفس الوضع الحقه ببيطري ولاتعرضه للهواء