لأهل الخبره

[أفريقي]

يا شبااااااااااااب أنا عندي الأفريقي جاااااامبو ينتف الرييش القديم


والجدبد يخلييه وشرايكم وش أسوي

[grey parrot]

هلا فيك يا (( الافريقي ))
لازم تتأكد اذا كانت هذي حساسيه او ان قاعد يقوم بعملية تبديل الريش و هذي تصير موسميه
اللي عليك الحين انك اتسويه انك دايما اتسبح الكاسكو و اتشمسه وكت الشمس اتطلعه بره و اترشه بالماي عن طريق بخاخ بس ديربالك لا يدش الماي داخل خشمه على شان لا يأذيه و يسببله نشله و اذا قدرت هذي الحركه سوها معاه على طول موسم الصيف
يوم و ترك و اذا كنت قادر يوميا و وهو يستحمل ميخالف
بالاضافه ....... صج انك قاعد اتسبحه لكن ترى حط بالك الشمس قويه و ابسرعه ينشف لا تخليه وايد
و احسن وكت انصح فيه انك اتسبحه هي فترة العصر و ما قبل المغرب تكون الشمس اشوي اهدى من الظهر و الصبح
هذا من جانب ...
جانب اخر ,, نوعله بالاكل و خصوصا الخضروات لا تقتصر على الحب فقط خصوصا في هالحاله
و اذا كنت انت في الكويت فأنصحك بنوعيه جديده من الاكل موجوده عند محل اشكناني في شارع عمان
عباره عن مخلوط مضاف معاه خضروات موجود في كيس من انتاج شركات خارجيه
مرسوم عليه مكاو و كاسكو لون الكيس وردي .... هذا الاكل المخلوط عن تجربه يساعد الكاسكو وكت الحساسيه و تنتيف الريش و كثير من الشباب اللي اعرفهم جربوا هذا النوع من الاكل و امدحوه
و انا شخصيا قاعد احاول اطلب كميه من هالنوع من الاكل من بره عن طريق الانترنت
و ان شالله ما فيه شي و يتعافى ان شالله
تحياتي

[تاكو]

ياسلام عليك يا grey parrot ماخليت شي نقوله

سوألي للأفريقي هل عملية نتف الريش جائره ام فقط تجد بعض الريش
اوبعض من ريش الجناح
في القفص
ولمزيد من المعلومات ادخل الربط التالي

http://www.2zoo.com/vb/showthread.php?t=613

[asadyya]

أخي grey parrot

كم وزن الكيس وسعره؟ وهل المخلوط بذور والإضافات هل هي أغذية طبيعية أم مصنعة؟

وشكراً

[أفريقي]

أول شي شكرا على المرووور

ثاني شي ألي عندي الطير

ينتف من كل مكااان بجنااااح

وزييييل كله تانفه

بس في ريش بزييييل توه طالع جديد ماتنفه

[تاكو]

الحقيقه مافهمت هذه المنطقه هل تقصد الذيل

[grey parrot]

ما عليك قاصر يا تاكو انت الخير و البركه عزيزي
و بالنسبه لسؤالك اخي asadyya نعم المخلوط عباره عن بذور و اضافاتها طبيعيه حسب الظاهر و لكن الكاسكو يحبها وايد و انا لاحظت هالشيء
وزن الكيس 750 غرام و سعره 1 دك .

[أفريقي]

أخوي تاكو أقصد الريش أحمر ألي تحت فهمت

[تاكو]

اذا كان الببغاء وصل الى تنتيف الذيل ( الريش الأحمر ) اغلب الظن حساسيه لأنه يوجد غده لها خرطوم صغير تخرج منه ماده يوزعها الببغاء على اجزاء الريش وهي التي تساعد الطيور عامة على
المحافظه على الريش من البلل يجب تدخل الطبيب .

اما الحالة الأخرى وهي ( feather plucking) قد لايصل النتف الى الذيل كما في الصوره

[asadyya]

أخي grey parrot

شكراً على ردك على سؤالي وأعتقد نفس المخلوط أخذت منه كيس من البحرين 15 كيلو بـ 7,5 دينار يحتوي على تشكيلة من البذور وفواكة مجففة وقطع أخرى صغيرة ملونة(أملاح فيتامينات؟).