الخبراء والمختصين والمروضين الفزعه

[ابوو عبدالله]

السلام عليكم ورحمة الله وبركاته

حبايبي انا شريت ببغاء دره اليف ويطلع ع اليد وياكل من اليد

أخذته البيت والأمور تمام وكل شي زي العسل

الكلام هذا كان يوم الجمعه الصباح

اخذته وخليته على الاستاند حق القفص ومفتوح ما قفلت عليه ابداً من اول ماجبته

جيت بعدين اعطيه يدي عشان يطلع صاار يعض

بس بمجرد ما اشيله من القفص واحطه على يدي يروق شوي لكن العض

والمحاولات موجوده منه يحاول يقرب من أي اصبع اذا كان على يدي عشان يعض

اذا مشيت فيه عادي مافيه مشكله

يخليني المس راسه وبعض الأحيان اذا جيت المس راسه يحاول يعض

مابطول في الكلام عندي كم سؤال وأتمنى منكم الاجابه عليها

1- اش مشكلته مع العض بالرغم من أنه أليف هل لأنه للحين ما تعود علي والا كيف
اليوم هو الثالث له عندي

2- كيف اخليه ما يعض نهائياً

3- اذا حطيته على يدي ما يثبت يحاول أنه ينزل من يدي اش الحل عشان يثبت

4- طبعاً هو عنده كلمتين ومن اول ماجبته احاول كل فتره أكرر عليه كلمه يقولها
بس لاحظت عليه أني اذا كررت يعصب ويمد رقبته يحاول يعض على الرغم من
أن عيونه تصغر وقتها طبعاً انا جالس اكرر عليه كلمة ( سلام عليكم )

5- اذا كان على القفص واجي ابيه يطلع على يدي يحاول يعض بس اذا كان في مكان
ثاني ماعنده مشكله يطلع على طول واذا قربت عنده من القفص يروح مكان ثاني

6- وهو في القفص اخذ عصى معاي عشان اخليه يطلع عليها وبعدين أطلعه على يدي
الطريقه هذي سليمه والا لا

7- أتمنى تفيدوني بوقت الأكل يعني كم مره في اليوم وكل بعد كم

وشكراً جزيلاً لكم مقدماً

واسف طولت عليكم بالكلام والأسئله

[ابوسهيل]

اهلا اخي الكريم ابو عبدالله
وحياك الله في عالم الدرة
احب اطمنك انه لا بأس عليك وعلى ببغائك
طبعا الطير لا زال جديد عندك حاول تتركه يطمن لك وللبيت الجديد
و كل اللي كان يسويه قدام صاحبه القديم راح يعمله معاك بس بشوية صبر
بالنسبة للعض هل هو عض قوي حيث انك ماتقدر تتحمل؟؟!!
ام انها مجرد محاولات عض ولكنها ضعيفة نوعاً ما
ودام ان العض مو على طول فهذا امره سهل
بس اول شي اكسب ثقته وخليه يطمن لك واعطيه اكل بنفسك
يعني ياكل من يدك او حط في اصبعك مربى او زبدة الفول السوداني
واعطيه يلحس بعد فترة راح ينسى العض
بالنسبة للطلوع على اليد من داخل القفص تراه شوي صعب
لان القفص هوا بيته ومملكته ودخول يدك لداخل القف تعتبر تهديد له
فيدافع عن نفسه الهروب او العض ان وجد ذلك مجدياً
والحل كما ذكرت سابقا هو بكسب الثقة والامان وخليه يفهم انك
صاحبه داخل القفص وخارجه
شي طبيعي لما يطلع ليدك يحاول يهرب حتى لو بقي بعض الوقت معاك
لان طيور الدرة عنيدة جدا
حاول لما تشيله تخرج بيه من الغرفة اللي انت فيها
وادخله لغرفة ثانية ساعتها راح يتشتت تركيزه
وراح يخاف يبعد عنك قربه لصدرك واسح على راسه وحول منقاره
لكن لازم قبلها يكون حاسس بالامان تجاهك
بالنسبة للتلقين اصبر عليه شوي شوي
وان شاء الله راح يتكلم
ارجو ان اكون افدتك ولو بجزء يسير
تقبل ودي واحترامي
وفالك التوفيق

[ابوو عبدالله]

يعطيك العافيه ابو سهيل على تجاوبك

بالنسبه للعض متوسط ليس بالقوي جداً

[ابوسهيل]

لا شكر على واجب
اعمل زيما قلت لك بالنسبة للعض
وانتبه من شغلة
اذا جا يعضك لا تسحب يدك بسرعة
دام العضة متوسطة وتقدر تتحملها
وما تسبب نزيف لك
خليه يعض ولا تسحب يدك
حتى لا يتعود على العض طبيعة الببغاء
لوما فاد العض راح يستسلم
لكن لو كلما عض راح تصيح او تتركه مجرد مايعضك
راح يعرف ان العض افضل طريقة للتخلص منك
انا عندي درة مثلك تماما والحمد لله مايعرف العض ابدا
مهما سويت له حتى لما يعصب يطبق منقاره على اصبعي
بدون ضغط وعلى باله اني كدا راح اخاف
تقبل ودي وتحياتي
وفالك التوفيق

[ابوو عبدالله]

يعطيك العافيه حبيبي ابو سهيل

طيب بخصوص الأكل كل كم اعطيه

كل ساعتين والا اربع

وكيف اعرف انه اكتفى من الاكل


عذبتك بأسلتي يالغالي

[ابوسهيل]

مافي اي عذاب اخ ابو عبدالله
بل يسعدني نقل التجارب والخبرات اللي
اكتسبتها من تجربتي ومن اطلاعي على مواضيع المنتدى
بخصوص الاكل فيكثر الكلام حول الكمية والاوقات
لكن يمكن حصر الاراء الى مافيه منفعة الطائر
حسب وضعك حاليا انت بحاجة لكسب ثقة الطائر
اذاً مادمت متواجد في البيت لا تعطيه الطعام الا من خلالك
اي تقدمه بيدك ويفضل ان يكون خارج القفص مبدأياً
حتى لا يشعر بالخوف اعتقدر 5 حبات من بذور الشمس تكون كافية
حاول اصدار صوت وانت تعطيه كل حبة مثل خذ او كل او غيرها من الكلمات
حتى يربط بين الكلمة والفعل اذا شفته ياخذ الحبة منك ثم يرميها
حاول تعطيه اصغر منها وان رماها اعلم انه شبع
نصيحة تجنب المسح على الراس او اي مكان ولا تقوم باي حركة سريعة
حتى لا يخاف الطائر منك بين حين والاخر تفقد الطائر واعطيه طعام
واذا كنت راح تغيب عنه للنوم او للدوام او اي شي حط له كمية ملئ اصابع يدك
من الحبوب
طبعا التنويع الغذائي مهم جدا
وانصحك بزيارة قسم هواة الببغاء
والاطلاع على المواضيع المفيدة
مثل النظام الغذائي
مايصلح ومالايصلح
والتربية والترويض
الى اخره
ارجو ان اكون افدتك ولو بجزء يسير
تقبل ودي وتقديري
وفالك التوفيق

[ابوو عبدالله]

جزاك الله خير ابو سهيل

وأسعدني تجاوبك معي وأستفدت من كلامك جداً

شاكر ومقدر لوقتك معي

[4ever blue]

اخي ببغاء يحتاج تدريب وترويض من جديد
لان الالوفه لها نسبه وطيرك اليف بنسبه 80% يعني مزاجي
لذلك لازم توصلها 100%
الحل سهل جدا اول لازم يوميا تشله بيدك وتمسح عليه بشكل يوم..وتحمل عضه لحد ما يتعود عليك
اقطع عليه الاكل مده ساعه او ساعه ونص واعطيه اكل من ايدك...وكل ما يحاول يعضك قوه عيب..وكل ما ياكل من ايدك قوه شاطر مطوله وكرر هالعمليه..راح يتعود عليك ويترك هالعاده العض..والاهم انك لاتحبسه في قفص لان حبس يخليه عدائي..وشله معك بشكل دائما..والاهم في موضوع انك تمسح عليه كثييييير خاصتا الراس والرقبه ولما تمسحه كلمه باللطف وحنان...صدقني راح يحبك ويترك هالعاده

[ابوو عبدالله]

اخي 4ever

شكراً على مداخلتك

سأعمل بنصائحكم جميعاً

[4ever blue]

المشاركة الأصلية كتبت بواسطة ابوو عبدالله

اخي 4ever

شكراً على مداخلتك

سأعمل بنصائحكم جميعاً

ان شاءالله اخي..كل التوفيق ان شاءالله

ملاحظة في حاله ماقدرت تتحمل الم عض استخدم العسل في اصبعك لان يمنع ببغاء من عض نهائيا