يومي في الzoo

[دلوعةقطوتي]

اهلين
بيوم من الايام طرت عبالي اروح لحديقه الحيوانات اللي من لما كان عمري عشر سنين مارحت لها ومسحوب عليها
ورحنا انا وخالتي وبناتها لما دخلت تذكرت اني ماجبت الكام بس عادي الجوال يكفي ويوفي الله اكبر من زين تصويري الحين
ودخلنا واستقبلتنا هالطيور ماتغير مكانهم منذ قديم الازل والريحه المعفنه


واللاما مادري ليه اتعقد احسهم بيتفلون من كثر ماشوف لهم مقاطع دايما وسخين


وهذا الاخ غاطس بالمويه مادري ايش شكله بس راسه مبين


وهذا الشي ابي اتذكر اسمه واقول لبنت خالتي ايش اسمه تقولي شفاط النمل اللي بافلام كارتون قلت اعرفه اللي لونه ازرق مع النمله الحمراء اسكتي بس ودوري لوحتهم خلينا نشوف عشان مانسى اسمه صورت اللوحه بالاسماء اكبر نسايه انا


الكنغر على هالسدحه مانقصه الافنجال قهوه وحلا



هذي غثتني ماغير تطلع لسانها وتلحس انا خايفه تطير سعابيلها علي (وسوسه)الناس يرمون بوب كورن وخبز وهي تأكل المشكله مكتوب يمنع اطعام الحيوانات والعالم ماشيه ترمي اكل

معاها وحده صغيره كيوت بس بعدت ماقدرت اصورها

مستر الفنت Elephantصورتين للفيل واحد اعطاه بوب كورن واخذه بخرطومه يععععع لمس يده


لما كنا عند الفيل لفت نظري عجوزه على كرسي ولدها يدفها يبيها تشوف الفيل المكان اللي كنا فيه مو مبين اخذها للجهه الثانيه ماشاءالله تبارك الله الله يحفظه لامه الشباب لسه فيهم خير
كمان لفت نظري واحد ثاني بيمنه ابوه وبيساره امه مادري حفيدهم او ولدهم بس ماشاءالله تبارك الله
مادري ليه جلست اتخيل انه قبل سنين كان الام والاب هما اللي ماسكين طفلهم معاهم والحين كبر الطفل وجاء دوره يهتم فيهم ويراعيهم
الله يرزقنا بر اهلنا ومايحرمنا جنته والله يحفظ اهلنا لنا ويطولنا باعمارهم


نجي لهالحلوات ملاقيف بس عيونهم ماشاءالله حلوه رموشهم كانها فيها ماسكارا مرفوعه لفوق وعيونهم عسليه بس قليلات ادب يتهاوشون ومنتفين ريش بعض ويتضاربون عشان ياكلون بوب كورن


كان فيه وحده عينها مقفله اتوقع من الهوشات بس مانزلت صورتها

يازين الزين ماشاءالله

وريشهم منتف ذكرني شكله بالديك الرومي قبل الطبخ


هذي البعيده لفت نظري حوصلتها استناها ترفع بشوف يتزحلق الاكل والالا؟ بس ماشفتها حسافه


مستر بير Bear يااني احسه يقول حر حر حر حلقوني عالزيروووووو رحمته








جمل ذو سنامين اصحابنا ماغيرهم ذوي اللهجه اللي ابي اعرف ايش هي من الخرج والامن سدير ولاعرفت جالسين ياكلونه وساحبين على هالضعيفه اللي تحت تمد لسانها تبي احد يعطيها ومسحوب عليها



نجي لها الجمل المتسدح عبالي ميت لانه نايم على جمب بس طالع بسابع نومه واللي قدامه يسوي ببيه قليل ادب

نجي للزرافه الجميله Jiraffe


هذي طيور مادري ايش اسمها اللي عجبني ان القطاوه تمشي بوسط الحيوانات بدون ماتأذيها هذا شكله عري عاجبتني كلمه عوري من عرفتها وانا غاثه اهلي فيها وبروايتي يعني برعي
للي مايعرفون الاثنين انا اقولكم هذا قطو شارع متشرد وشرير هوايته المضاربه وراسه كبير




هذا المملوح مادري ايش اسمه بالضبط بس اتوقع من نوع الوبر ترى مو متأكده بس كيوووووت


حمامه بوسط الحجر لونها اسود


مادري ايش اسمهم بالضبط ركزوا بالابيض اللي وجهه للجدار هقوتكم طاردينه هاللي لونهم بني وقايل انت يالابيض مانبيك زي العنصرين



ذيله جميل ماشاءالله بس نايمين مارضوا يعطوني وجه اصورهم كش عليهم



ابي زي هذا الكلب جميل لونه ماشاءالله اسمه كلب الدنغو


هذي جوجو تعبت من المشي تقول متى نركب قطار قلت امشي احسن والقطار لاخلصنا نخليك تركبين يازوله
مسكينه بالاخير كلنا قلنا مانبي نركب زحمه ركبت معاها خالتي مسكينه توهقت

[دلوعةقطوتي]

نجي لعشقي الاسد ترا احلا مافيك انك تعتبر من القطط طفشني مايعطيني وجهه امنيتي اخرب شعره
يابو شعر منكوش كانو الشمس


جات اللبؤه وجالسه تتدلع ذكرتني بقطاوتي لاجاوا يتمسحون فيني اتوقع فصيله القطط تتشابه بالتصرفات مو بس الشكل









اتخيلها تقول فيكم خير قربوا
طبعا خيالاتي لاتمت للواقع بصله بس لانه في شي مشغلني احاول ألهي نفسي عشان مافكر فاتخيل الحيوانات ايش تقول

نجي لتيمون ويحفر ويحفر يازينك لما ناديته عطاني وجه وترك حفر وكمان خلاني اصوره شاف مامعاي اكل رجع وكمل تحفير






هذا ذيله على قولة بنت خالتي كانه فرشاة مكياج يب من الطفش اعديتهم بالتخيلات

بس ابي شي يشغلني
تعبت من الصور وقفلت جوالي وعقمت يديني بحبيبي ديتولي


بعدها طلعنا وشفت محل حيوانات قلت امره اخذ تريت لقطاوتي ولقيت هالحلوه



طفشني الموقع يعلق وديلو تحوس فوق راسي تلعب

[Octopus]

اول شي شو نوع الكميرا المستخدمة في التصوير ؟

و ثانيا احس الصور اكبيرة في الحجم و لذلك الصورة تاخذ مساحة اكبر على ما اضن

و المهم الحيوان الرابع اسمه تـأبير

[آنآستــآزيآ]

.. ماشــاءاللهـ تبــاركـ اللهـ ..

.. صــراحهـ رحلــة جميلــة مليئــة بـ الضحــكـ والفرفشــهـ والريحــهـ المعفنــهـ .. ..

.. واللهـ يــا دلوعــة مــا ودكـ تجيــن حديقتنــا اللــي بـ جــدة .. ع الأقــل حديقتكــم شــوي مقبــولة حقتنــا تجيــن فيهــا تنتحريــن .. .. مــا أقــول غيــر حسبــي اللهـ ونعــم الوكيــل فيهــم واللهـ يعيــن حيــواناتهم .. ..

.. صــراحة استمتعــت بـ الرحلــة .. ^_^ ..

.. لا تحرمينــا مــن جديــدكـ .. ..

.. آنآستــآزيآ ..

[الكلاسيكي]

ياسلام على الصور يادلوعه

انا بصراحه مادخلت هذي الحديقه بس ماشاء الله فيها حيوانات كثيره

اهم شي المتسدح والطفشان

والتصوير من الجوال بس العدسه بطله يجي منها ..

تقبلي تحياتي ،،

[دلوعةقطوتي]

المشاركة الأصلية كتبت بواسطة Octopus

اول شي شو نوع الكميرا المستخدمة في التصوير ؟

و ثانيا احس الصور اكبيرة في الحجم و لذلك الصورة تاخذ مساحة اكبر على ما اضن

و المهم الحيوان الرابع اسمه تـأبير

هلا اكتوبس ايفون
اصبر وتنفتح لك الصور مو فاضيه اصغر الصور كثيره تراني منزلتهم عشان ألهي عمري مو اشقي نفسي
يب ادري وهذي نبذه مختصره عنه برضوه بصوره مكسله اكتب

[دلوعةقطوتي]

المشاركة الأصلية كتبت بواسطة آنآستــآزيآ

.. ماشــاءاللهـ تبــاركـ اللهـ ..

.. صــراحهـ رحلــة جميلــة مليئــة بـ الضحــكـ والفرفشــهـ والريحــهـ المعفنــهـ .. ..

.. واللهـ يــا دلوعــة مــا ودكـ تجيــن حديقتنــا اللــي بـ جــدة .. ع الأقــل حديقتكــم شــوي مقبــولة حقتنــا تجيــن فيهــا تنتحريــن .. .. مــا أقــول غيــر حسبــي اللهـ ونعــم الوكيــل فيهــم واللهـ يعيــن حيــواناتهم .. ..

.. صــراحة استمتعــت بـ الرحلــة .. ^_^ ..

.. لا تحرمينــا مــن جديــدكـ .. ..

.. آنآستــآزيآ ..

اهلين با آنآستــآزيآ مرورك الاجمل
هههه لامابي هذي ماراح اروح لها الااذا احفادي ودوني يعني بالمشمش احسن مافيها مساحه المشي احب امشي لما يكون مزاجي معكر
ريحتهم معفنه بقوه بس الناس كمان توسخ وترمي
اتوقع بالشتاء بتكون احسن تخف ريحتهم لانهم بجد محتاجين ديودرنت

المشاركة الأصلية كتبت بواسطة الكلاسيكي

ياسلام على الصور يادلوعه

انا بصراحه مادخلت هذي الحديقه بس ماشاء الله فيها حيوانات كثيره

اهم شي المتسدح والطفشان

والتصوير من الجوال بس العدسه بطله يجي منها ..

تقبلي تحياتي ،،

اهلين ومراحب باخوي الكبير
يبي لك تجي الرياض وتزورها والابتفوت معلم من المعالم السياحيه
تسلم على مرورك

[مربية قطط]

دلوعه هنا منوره القسم والله
هالحديقه اخر مرة دخلتها قبل 4 سنين يمكن وماشاءالله مرة كبيرة
ماشفنا كل الحيوانات
وصادق اناستازيا احسن من الحدايق الي عندنا
ماودك تدخلينها عشان مايعورك قلبك
لاتحرمينا مواضيعك

[mhmad _505]

ابداااعع ووااااو تسلمين

[دلوعةقطوتي]

المشاركة الأصلية كتبت بواسطة مربية قطط

دلوعه هنا منوره القسم والله
هالحديقه اخر مرة دخلتها قبل 4 سنين يمكن وماشاءالله مرة كبيرة
ماشفنا كل الحيوانات
وصادق اناستازيا احسن من الحدايق الي عندنا
ماودك تدخلينها عشان مايعورك قلبك
لاتحرمينا مواضيعك

النور نورك تسلمين مربيه لك فقده
هيه مو حلوه بس احلا شي كبيره تمشين براحتك

المشاركة الأصلية كتبت بواسطة mhmad _505

ابداااعع ووااااو تسلمين

مرورك الواو
ربي يسلمك

اكتوبس تعال شوي ابيك بكلمه راس وانا اختك لوابي اكتب اسماء الحيوانات واقلب الموضوع علمي تراني اعرف فياليت توفر مجهودك يامن الصلاح اللي يصلحك