تجربتي في تربية عنكبوت احمر الظهر

[الجرح الوثيج]

البدايه... حصلت على انثى العنكبوت الاحمر الظهر بتاريخ 22/5/2014
وكان معها كيسين بيض

وبعد تقريبا 6 ايام بتاريخ 27/5/2014 سوت كيس ثالث
طبعا فقسو اول كيسين وبما اني معرف متى باضتهم ف ماعرف كم يوم احتاجو ليفقسو بس الكيس الثالث فقس بعد 20 يوم
وبعدين حطت كيس رابع وخامس وسادس... الخ
المهم استنتجت ان الانثى يكفيها انها تلقح مرة وحده في عمرها
وتنتج اكياس بيض ع فترات متفاوته
وان الكيس يحتاج 20 يوم ليفقس
حاليا بحط صور الام وصورها وهي تحط البيضة الرابعه
ع فكره احتاجت مده ساعه من بدايه وضع البيض لنهايه اللف
والبيض يطلع من المنطقه بين بدايه بطنها ونهايه صدرها
طبعا لازم تكون الام اكلت وجبة دسمه عشان يكبر بطنها وتحط كيس بيض جديد
ولما تنتهي من وضع البيض يصير جسمها متجعد واصغر ولما تاكل يرجع طبيعي مره ثانيه
ولما تحصل فريسه اول شي تلفها ت تشل حركتها وبعدها تعضها
هذي صورة الام وهي تلف الميل وورم

صورتها وهي تاكل الميل وورم

كيس البيض الثالث

الحين صور مراحل وضع كيس البيض من البدايه
















هذي الصوره لما طلعت كيس البيض رقم 1 حبيت اشوف شكله من داخل على فكره الكيس قوي مايتمزق بسهوله
[url=http://www.gulfup.com/?ChU42M][/
[url=http://www.gulfup.com/?y8s9k0][/ url]

[الجرح الوثيج]

[الجرح الوثيج]

معقوله للحين ماحد علق ع الموضوع؟ الصور تظهر معكم ولا لا؟

[Octopus]

المشاركة الأصلية كتبت بواسطة الجرح الوثيج

معقوله للحين ماحد علق ع الموضوع؟ الصور تظهر معكم ولا لا؟

الصور طالعة يالغالي و لكن الناس بيستغربون كيف ربيت و سويت صداقة مع هذا العنكبوت المعروف
بانه سام و يعتبر من اخطر العناكب في استراليا و هو يشبه الارملة السوداء في الشكل

[الجرح الوثيج]

المشاركة الأصلية كتبت بواسطة Octopus

الصور طالعة يالغالي و لكن الناس بيستغربون كيف ربيت و سويت صداقة مع هذا العنكبوت المعروف
بانه سام و يعتبر من اخطر العناكب في استراليا و هو يشبه الارملة السوداء في الشكل

اخوي تراني ما امسكها بيني وبينها حاجز مع انها مرات تهب علي وافكر امسكها بس مسكت شوي من الصغار لما كنت انقل اكياس البيض اللي فقسن في علبة الام
وبعدين هالنوع من العناكب مايقفز يعني عادي تفتح العلبه وتشوفها من فوق وتتحرش فيها ولا توهمها ان في حشره في الشبكه بانك تحرك الخيوط ولا تنقل اكياس البيض او تنظف العلبة من الحشرات المستهلكه

صح نسيت اقول انه لازم تنظف العلبه من الحشرات الميته بين فترة وفتره عشان يكون في مكان فاضي ف الشبكه تلصق فيها الحشرات ولا العنكبوت بيموت بعدين

لان العنكبوته الاولى اللي كانت معي كنت انظف علبتها لما تمتلي الشبكه حشرات ميته
احط العنكبوت في علبة ثانيه اواغسل علبتها واردها لعلبتها مرة ثانيه فتبدا تسوي شبكه جديده بس اخر مره كان مرت فتره ع اخر مرة اكلتها فلما حطيتها ف علبتها المنظفه ماكان عندها طاقه انها تسوي شبكه من جديد وماتت من جوع بس طولت معي تقريبا فوق السنه واعتقد انها ماكانت ملقحه لانها ماسوت ولا كيس بيض

[Octopus]

المشاركة الأصلية كتبت بواسطة الجرح الوثيج

اخوي تراني ما امسكها بيني وبينها حاجز مع انها مرات تهب علي وافكر امسكها بس مسكت شوي من الصغار لما كنت انقل اكياس البيض اللي فقسن في علبة الام
وبعدين هالنوع من العناكب مايقفز يعني عادي تفتح العلبه وتشوفها من فوق وتتحرش فيها ولا توهمها ان في حشره في الشبكه بانك تحرك الخيوط ولا تنقل اكياس البيض او تنظف العلبة من الحشرات المستهلكه

صح نسيت اقول انه لازم تنظف العلبه من الحشرات الميته بين فترة وفتره عشان يكون في مكان فاضي ف الشبكه تلصق فيها الحشرات ولا العنكبوت بيموت بعدين

لان العنكبوته الاولى اللي كانت معي كنت انظف علبتها لما تمتلي الشبكه حشرات ميته
احط العنكبوت في علبة ثانيه اواغسل علبتها واردها لعلبتها مرة ثانيه فتبدا تسوي شبكه جديده بس اخر مره كان مرت فتره ع اخر مرة اكلتها فلما حطيتها ف علبتها المنظفه ماكان عندها طاقه انها تسوي شبكه من جديد وماتت من جوع بس طولت معي تقريبا فوق السنه واعتقد انها ماكانت ملقحه لانها ماسوت ولا كيس بيض

فقط انتبه عن تثير غضب الام او غيرها لانها سمها قاتل مثل قريبها الارملة السوداء
لحسن حظها الام في الصورة كاد ان يكون زوجها وجبتها لانه اصغر منها في الحجم و على فكرة تقدر تجيب لها فرائس حية مثل الجراد لان في الطبيعة
تستطيع صيد السحالي الصغار في الحجم و ايضا تستطيع سرقة طعام العناكب الاخرى و لكن انتبه على نفسك منها

و الصراحة ما ندري كامبتدئين كما نفرق بين عنكبوت الارملة السوداء و عنكبوت حمراء الظهر لانهم يتشابهون في وجود علامة علامة حمراء على جسمهم

[الجرح الوثيج]

المشاركة الأصلية كتبت بواسطة Octopus

فقط انتبه عن تثير غضب الام او غيرها لانها سمها قاتل مثل قريبها الارملة السوداء
لحسن حظها الام في الصورة كاد ان يكون زوجها وجبتها لانه اصغر منها في الحجم و على فكرة تقدر تجيب لها فرائس حية مثل الجراد لان في الطبيعة
تستطيع صيد السحالي الصغار في الحجم و ايضا تستطيع سرقة طعام العناكب الاخرى و لكن انتبه على نفسك منها

و الصراحة ما ندري كامبتدئين كما نفرق بين عنكبوت الارملة السوداء و عنكبوت حمراء الظهر لانهم يتشابهون في وجود علامة علامة حمراء على جسمهم

شكرا اخوي على الاهتمام.. بس حبيت انبه ع نقطه انه مافي ذكر في العلبة ! ماعندي غير الانثى واطفالها .
واساسا انا ما اعطيهن الا فرائس حية مثل الجراد والعثة ويرقات الخنافس

الفرق بين الارمله السوداء وحمراء الظهر ان الارمله فيها علامه تشبه الساعه الرمليه ولونها احمر وموجوده في بطنها من تحت وحمراء الظهر مافيها هالعلامه
والاثنين يتشابهون بوجود العلامه الحمراء في البطن من فوق

[يـوســـف 2020]

راااائعة الصور ما شاء الله

ممكن تذكر لنا كيف حصلت على العنكبوت؟

والصور مو موضحه بالضبط ايش الشيئ الي تربيها فيه ؟؟

وايش عملت بالصغار ؟؟

وكيف تشربها الماء ؟؟

[الجرح الوثيج]

المشاركة الأصلية كتبت بواسطة يـوســـف 2020

راااائعة الصور ما شاء الله

ممكن تذكر لنا كيف حصلت على العنكبوت؟

والصور مو موضحه بالضبط ايش الشيئ الي تربيها فيه ؟؟

وايش عملت بالصغار ؟؟

وكيف تشربها الماء ؟؟

تسلم اخوي.. العنكبوت حصلوها في البيت
حطيتها في علبه بلاستيكيه وثقبتها من فوق
والصغار موجودات في علبه ثانية وكان النيه انزل موضوع ثاني عن تربيه الصغار من بدايه ترتيب العلبه ومراحل نمو الصغار وملاحظاتي لاني لاحظت فيهن حاجه غريبه بس لما ماشفت حد تفاعل مع الموضوع هونت
الماي مرات احط قطرات ع الشبكات ونادرا جدا احط لهن ماي يمكن مرة او مرتين >>> حد مش فاضي

[نقآآء قلب]

سؤال لكم هواة تربية الحشرات......ايش شعوركم وانتم تربون حشرات>>>فيس متقزز>>امزح

المهم ترى الصور مو ظاهرة>>مع اني اكره صور الحشرات