ماتت قطوتي اليوم الصبح :( + صورها

[أفنان]

السلام عليكم

بعد مرمطة رايحة جاية لبيطري جدة وتنومت عندهم يوم كامل .. وامس وديتها لبيطري ثاني بالدمام
بس ما فاد معاها شي ومن الليل الى الساعة 9 الصبح وهي تطلع بالروح
حتى كنت اشوفها تطالع باتجاه واحد وما تحرك عيونها وعيونها مبحلقة .. على بالي من التعب ما دريت انها بتودع خلاص
واليوم بعد الفجر صرت احطها على الارض اوقفها وتطيح عرفت انها خلاااااص ..
وبدأت تحرك يدها وهي منسدحة كأنها تبي تمسك شي .. ولما احط صبعي عند يدها تضغط عليه بيدها .. وتفتح فمها .. حطيت صبعي عند فمها وسكرت عليه وعضتني بقوة اول مرة تسويها
وبعدين هدت بس عيونها مبحلقة ومثبتة على شي واحد ..
عاد وقتها خليتها عند امي .. ماقدرت استحمل اشوفها كذا .. حتى امي كانت تبكي عليها
حرام هي اللي كانت ترضعها وتهتم فيها حتى اكثر مما انا اهتميت فيها .. وكانت القطوة تنام عندها اغلب الوقت
حتى امي طلعت الدوام وقلت لها خذيها معاك ما ابي اشوفها تموت قدامي ... وخذتها معاها وماتت عندها
مع ان القطوة قعدت عندي أسبوعين وشوي .. لكن والله تعلقت فيها بشكل كبيير اكثر من قطاوتي الثانيين..
و على قد ما مات عندي قطاوة صغار وكبار .. بس ما بكيت عليهم مثل ما بكيت على هذي

السبب اللي خلاها تموت أول شي هو الأكل .. ما كانت تاكل بنفسها شي .. كنا نهرسلها الأكل ونرضعه لها بالغصب و الزبادي والحليب بس ما نفع معاها شي ...
مع اني لما شريتها قال لنا راعيها انها تاكل .. بس ما كانت تاكل عندي شي والله لو ادري انها ما تاكل ما اخذتها
وبعد لأنها مفطومة عن امها وهي صغيرة .. انا اخذتها وعمرها شهر و10 ايام تقريبا .. وراعيها كان فاطمها عن امها قبل ما اخذها باسبوع .. يعني رضعت شهر بس !!!!!!
والقطوة انا متأكدة انه صابتها عين لأنه ما نفع معها شي ولا البيطري قدر يسوي شي معاها .. قبل ما اشتريها شفت صورها معروضة في أحد المنتديات الكبيرة .. وكانت الردود كلها فاكة عليها واغلبهم ما ذكروا الله حتى !! ورغم ذلك شريتها
وبعد ما شريتها باسبوع دخلت نفس المنتدى ولقيت وحدة من الاعضاء فاتحة موضوع وحاطة صورة قطوتي وتقول هالقطوة ابيها بأي سعر كان لأني من شفتها ما قدرت انام !!!!!
ايش اكثر من كذا يعني ناس ما تذكر الله حسبنا الله ونعم الوكيل
والله الحين لما اتذكر شلون لما شفت القطوة وحنيت على ابوي الين رضى لي اشتريها
رغم اني كنت مستكثرة سعرها .. وأول ما شريتها كانوا البنات يقولون لي هبلة خسرتي 1800 على قطوة ما تضمنين متى تموت والى متى بتبقالك! بس والله لو امس قالوا لي ادفعي عشرة اضعاف سعرها وتشفى وتعيش .. والله كان دفعتها
الحين تووووبة اشتري قطوة أو أي حيوان صورته معروضة بالنت والكل حاط عينه عليه .. ويموت عندي وبذمتي
بس ان شاءالله انها مو بذمتي .. لأن ان ما شريتها انا كان شراها واحد ثاني وماتت عنده نفس الشي .. بذمة اللي فطمها بدري .. الله يسامحه
وبالأول والأخير الله كاتب لها تموت بهاليوم .. الحمدلله على كل حال
نصيحة اللي بيعرض اي شي بالنت فيه روح .. يحصنونه عن العين ترا العين حق
والقطاوة لا تفطمونها الا ان كملت شهرين حرام والله تبتعد عن امها وعمرها شهر

حتى البانيو اللي شريته لها لسه ما امداني اسبحها فيه
والسرير اللي قاعدين نسويه لها لسه ما اكتمل
حتى اسمها لسه ما قررنا وش نسميها
اول ما شريتها قلنا بنسميها "أزوري" عشان ايطاليا فازت بنفس اليوم اللي جبتها فيه
وبعد يومين أمي سمتها "عسلية" عشان لونها ... وأختي سمتها "أورانجينا"
وبعدين سميناها "قوتشي"
آخر اسم سميناها اياه "بكيزة" لأنها كانت تلعب معاي وتلاحق حركة عيوني وحطت اظافرها بعيني .. وجلست ثلاث ايام عيني مقفلة بالشاش بسببها .. فسموها اسم خشن يليق بالجريمة اللي سوتها

الله يرحمها ويعوضني خير ان شاءالله .. الله كاتب هذا يومها .. الحمدلله على كل حال


وهذي صورها









































والله بفقدها الله يرحمها

[فطوم]

الله يعوضك بالي أحسن منها
اختي فعلا كانت قطه جميله اكيد هذي عين ماصلت عالنبية
اختي انا ماحس انه قطوتج صغيره لدرجه انها ماتاكل اكيد المضوع في شي
وكانت غلطه انكم غصبتوها كان المفروض تشترونلها حليب مخصص للقطط وترضعونلها اذا مارضت حطو الاكل جدامها وهي بتتعلم اذا ماتعلمت اكيد القطه فيها شي لانه القطط من ال4-5 اسابيع الاولى تبدا الأكل

واتمنى باقيالاعضاء مايشترون قطط صغيره واذا شتروا لازم يعرفون كيفيه التعامل معها

[تو zoo]

اختي الله يعوضج انشالله
والله يسامح الي كان السبب

[كوبرا]

الله يعوضك انشالله
والحيوانات الصغيرة المفروض ان الواحد مايتسرع ويشتريها.
وللاسف ان الشخص الي باعها بهذا العمر يتحمل مسؤليتها
وبالنسبة للمبلغ 1800 كلنا خسرنا مبالغ بس سعرها كان غالي 1800
المفترض انة يكون 800

[addiction]

الله يعوض عليج صراحه قطه جميله الله يرحمها

اقولج الصراحه انه انا ماحب القطاوه وايد بس شكلها جميل جدا صراحه الله يعوض عليج

كل شي يروح

الله يعينج بس يمكن كان لازم تسالين عن طريقة اطعامها قبل كل شي على العموم تجربه لازم تستفيدين منها

[أفنان]

فطوم
الله يجزاك الخير
واكيد عين ما صلت عالنبي والا اللي بعمرها ياكلون بس هي من اول ما اخذتها ما تاكل


تو زو
تسلم اخوي يعطيك العافية


كوبرا
جزاك الله خير .. بس الحين القطوة ما همني سعرها بعد ما ماتت ولا ندمت عليه لأني حبيتها وتعلقت فيها
وهذه اخر قطوة اشتريها ان شاءالله ..

مشكورين اخواني والله يخليلكم قطاوتكم وحيوانتكم ويحفظها لكم

[أفنان]

addiction
مشكور اخوي على ردك
وفعلا وجهها وبرائة شكلها هو اللي خلاني اخذها .. ما اصدق وجهها ما راح اشوفه مرة ثانية
اخوي انا سألت عن طريقة اطعام القطاوة وطبقت كل شي والدكتور نصحني وسويت اللي قاله .. وانا ايضا مربية قطاوة عندي وعارفة كيف أأكلهم .. بس هذي القطوة كانت غير !!! لا تاكل ولا شي !!! اكثر قطوة تعبتني بأكلها ورضاعتها

[تركي .ي.م]

للأسفأعرف شأقول خلاص ماتت الله إعوضك

[كاتي]

ايه و الله هذي عين ما صلت على النبي الله يسامحهم حرام عليهم حتى أختي الي ما تحب القطاوة قالت انها تجنن
و قصتك مؤثرة مرة
:d اناعضو جديد:d

[جوري]

هلا اختي.....افنان

الله يعوضك خيررر يارب....وماتدرين وين الخير فيه

الله يرحمها....وانا نفس سالفه اختي افنان

مع اني ماشريتها من النت ولا عرضت صورها

ونفس عمر حقتك بس نفس الشي كانت ماتاكل حيل

وتعبتني حيييييييييييييييل...بس شكلها هو الي يصبرني عليها

وهم ماتت ودموع الدنيا طلعت عليها

هي ترى تصير من الاساس البنيه حقتها ضعيفه

ولو تلاحظين يصير في ذبول بالعين...مو مثل الباقي

هم كذا الاصغار يقهرون يمرضون ويموتون بسرعه...وهم تتعلقين فيهم بقوه

الله يصبركم يااختي...احس بالقهر الي فيك....